Ahmetaj për Spitallën: Dimension i ri i zhvillimit ekonomik. Kompania kineze ofroi 1.5 miliard dollarë dhe 90 mijë vende pune

Ministri i Ekonomisë, Arben Ahmetaj, e ka cilësuar një lajm shumë të mirë për ekonominë shqiptare, paraqitjen e dy ofertave për zhvillimin e zonës së Spitallës.

Ahmetaj ka thënë se kompania kineze, që është një prej dy kompanive të interesuara për këtë project, ofron 1.5 miliard dollar dhe 90 mijë vende të reja pune.

“Sot dua të ndaj me ju një lajm të mirë për ekonominë shqiptare. Sikurse patët rastin të ndiqnit dje nga afër, pas një pune voluminoze, intensive, profesionale dhe të strukturuar, për rreth 1 vit e gjysmë në Ministrinë e Zhvillimit Ekonomik, Turizmit, Tregtisë dhe Sipërmarrjes, në një projekt shumë të frytshëm bashkëpunimi me Universitetin e Harvardit, finalizuam një projekt madhor për zhvillimin ekonomik të vendit.

Dje Komisioni i Vlerësimit të Ofertave zhvilloi Procedurën e përzgjedhjes së zhvilluesit për Zonën Teknologjike të Zhvillimit Ekonomik të Spitallës, në Durrës. E gjithë procedura ka kaluar në një vit e gjysmë, në hartimin e një ligji të ri, në hartimin e procedurave të reja, të detajuara dhe shumë të qarta, dhe e gjithë procedurat bazohet në një garë ndërkombëtare, e botuar në APP  dhe në mediat e huaja, në Financial Times, në bazë të ligjit.

Në konkurrim u paraqitën 2 oferta. U paraqit konsorciumi i kompanive kineze “Zhejiang Haiteng Investment Co., Ltd” dhe  “Bejing Dongrun Tongbao Technology Co.Ltd”, oferta e të cilëve parashikon një vlerë investimi në shumën 1.5 miliardë USD. Periudha e përfundimit të të gjitha fazave e ofruar është 9 vjet ndërsa aktivitetet që do të zhvillohen brenda në zonë përfshijnë industritë e lehta dhe industritë e teknologjive të larta. Në planin e saj të biznesit, kompania kineze parashikon hapjen e rreth 90 mijë vendeve të reja të punës.

Kompania e dytë e cila dorëzoi ofertën e saj ishte kompania italiane “RENDur4” shpk. për të cilën komisioni është duke shqyrtuar ofertën.

Të dyja ofertat janë në shqyrtim e sipër. Oferta e kompanisë italiane nuk ka në dokumentet e vet një shifër.

Brenda 30 ditëve Komisioni i Vlerësimit të Ofertave, i cili po shqyrton me shumë kujdes dokumentacionin dhe ofertat, do të shpallë fituesin për zhvilluesin e zonës.

Ky është një hap i rëndësishëm për ekonominë shqiptare, të cilin duhet ta njohim dhe ta vlerësojmë të gjithë si të tillë.

Janë investime të huaja që afrohen në vend.  1.5 miliardë dollarë të mundshëm në rastin më të mirë që brenda 9 viteve të ardhshme do të injektohen në ekonominë Shqiptare, në aktivitet prodhuese, industrial, agropërpunuese ; Industri te reja me Teknologji Hi-Tech dhe inovatore, industri eficente në përdorimin e energjisë, industri me produktivitet të lartë, aktivitete te teknologjisë së informacionit, pjesë këmbimi për makina, materiale ndërtimi, përpunim ushqimor etj; aktivitete tregtare dhe magazinim mallrash; Shërbime (Administrimi, bankare, doganore, shëndetësore, juridike, kompani sigurimesh, noteriale etj); aktivitet transporti; aktivitet logjistike ndihmëse, të gjitha të referuar në bazë të ofertave”, tha Ahmetaj.

“Kompanitë sjellin teknologji të reja në zhvillim të zonës dhe brenda operimit të tyre gjithashtu, kompani të cilat do të quhen operatorë ekonomikë. Mbi të gjitha janë vende të reja pune që krijohen për qytetarët shqiptarë.

Nuk është e nevojshme, megjithatë unë sërish e theksoj, që Shqipëria ka pasur një traditë të dështuar në zhvillimin e zonave ekonomike për shkak të mungesës së një vizioni të qartë, të një modeli të qartë të zhvillimit ekonomik të vendit, të mungesës së transparencës gjithashtu. Nëntë zona Ekonomike, të nënta kanë dështuar në tetë vitet e kaluara për arsye të drejtpërdrejta të mungesës së vizionit, të mungesës se incentivave dhe të mungesës së transparencës.

E mbani mend besoj që asnjë ofertues nuk u paraqit në procedurën konkurruese të shpallur në vitin 2009 nga qeveria e kaluar për zonën ekonomike të Spitallës. Asnjë ofertë dikur, dy oferta sot, njëra prej të cilave afron investim 1.5 miliardë dollar dhe 90 mijë vende pune, e sigurisht industri me shumë vlerë të shtuar.

Sot kemi një kuadër ligjor të formatuar në detaje, e kjo është një nga arsyet pse kemi oferta; kemi një paketë incentivash që do ta kthejnë këtë në një nga zonat ekonomike më konkurruese në rajon, kjo është një nga arsyet pse kemi oferta gjithashtu; kemi dy plane konkrete për zhvillimin e zonës, kemi dy investitorë të cilët i janë përgjigjur pozitivisht thirrjes së qeverisë shqiptare për të investuar në Shqipëri.

Zhvillimi i kësaj zone është një dimension i ri për ekonominë shqiptare në terma të teknologjisë së avancuar; produktivitetit dhe punësimit gjithashtu. Është një shprehje e qartë e zhvillimit të modelit të ri ekonomik.

Kjo është ekonomia e vërtetë; kjo është ajo ku duhet të fokusohemi sot dhe do të duhet t’i tregojmë çdo qytetari që kjo është një mundësi punësimi dhe zhvillimi ekonomik.

Është rasti të falënderoj dhe mediat për kontributin e tyre në promovimin e këtij projekti investimi dhe për garantimin e transparencës dje në procesin e pritjes dhe të hapjes së ofertave për zonën e lirë Ekonomike“, vijoi më tej ai.

Pyetje-Përgjigje

Kompania italiane nuk ka paraqitur ofertë financiare. A mund të sjellë kjo skualifikimin e kësaj kompanie. Pyetja e dytë, cila do të jetë zona ekonomike e radhës që qeveria ka planifikuar?

Komisioni i Vlerësimit të Ofertave vazhdon. Është në gjykim të tyre, në bazë të ligjit dhe të procedurave, kualifikim ose skualifikim. E rëndësishme është që kemi dy oferta dhe besoj që brenda 30 ditëve do të kemi fituesin. Përsa i përket zonave të tjera, mbyllja me sukses e kësaj procedure na jep mundësinë të hapim shumë shpejt procedurat e Vlorës dhe procedurat e Koplikut, të cilat i kemi studiuar me kujdes me Qendrën për Zhvillim Kombëtar të Universitetit të Harvardit. Por, tani kemi një praktikë dhe një fakt që na ndihmon të gjykojmë akoma më mirë për të ardhmen.

Si janë ftuar investitorët?

Ky është një projekt i përbashkët i Ministrisë së Zhvillimit Ekonomik dhe Universitetit të Harvardit dhe ne kemi ndjekur procedurën e parashikuar në ligj për të informuar publikun dhe investitorët e mundshëm për këtë garë. E kemi botuar në datat 26, 27 dhe 28 Gusht njoftimin zyrtar të hapjes së garës ndërkombëtare në Financial Times dhe në të njëjtën datë kemi njoftuar mediat Shqiptare dhe është botuar procedura në sitin e APP. Në të njëjtën kohë, ministria e Zhvillimit Ekonomik ka ndjekur dhe një procedurë paraprake për të informuar të gjithë ambasadat në Shqipëri dhe të gjithë Dhomat e Tregtisë të huaja dhe të vendit, apo përfaqësi biznesi për këtë mundësi duke i kërkuar atyre të shprehnin interes. Dhe, gjatë periudhës së shprehjes së interesit janë bërë qindra e qindra pyetje, nga e gjithë bota, për zonën e lirë ekonomike.

 Z.Ahmetaj, edhe pse jemi në fazën e vlerësimit të ofertave, përafërsisht a ka ndonjë datë për nisjen e projektit?

Vështirë është të thuhet me saktësi dhe kuptohet që në përgjithësi media e ka tendencën që të kapë një fjalë apo një datë dhe t’i referohemi asaj date dhe asaj fjale. Por unë besoj që në bazë të procedurës ligjore, kemi 30 ditë për vlerësimin e ofertave. Ju njoftoj që do të kemi edhe konsulencë, shpresoj nga katër kompanitë e mëdha të auditit dhe konsulencës gjithashtu, përsa i përket vlerësimit të të dyja ofertave. Besoj menjëherë pas shpalljes së fituesit dhe unë shpresoj se do të kemi një fitues të konsoliduar, në një hark kohor prej tre muajsh te kemi negocimin e kontratës dhe këtu do të marrim konsulencë të huaj, të financuar dhe të mbështetur nga GIZ. Me të mbyllur kontratën unë besoj që kantieri do të dojë rreth 3 muaj të angazhohet në terren, që do të thotë se afërisht rreth 8 muaj, nëse çdo gjë shkon mirë dhe nëse ofertat vlerësohen pozitivisht, do të kemi një zhvillues në terren duke ndërtuar zonën e parë ekonomike në Shqipëri. Paralelizmi mbase nuk është fort i duhur por, Singapori e ka nisur rilindjen e vet ekonomike nga një zonë e lirë ekonomike, prandaj ky realisht është një projekt qe ia vlen te shihet me seriozitet.

A është i rëndësishëm raporti i Bankës Botërore, që e rendiste shumë keq Shqipërinë?

09:55 Ekonomia

KUJDES! Ja të gjitha supergjobat, hyjnë në fuqi në 12 nëntor

09:14 Ekonomia

Tryeza e FLE-së, fushata kundër taksave: Ky sistem fiskal po mbyt ekonominë

18:58 Ekonomia

Përfundon konkurrimi për Spitallën, dy kompani të huaja dorëzojnë ofertat

18:48 Ekonomia

Kuponi tatimor, hiqet burgu si alternativë e vetme. Debate për gjobën

16:05 Ekonomia

Fondacioni për Liri Ekonomike, fushatë sensibilizuese kundër taksave të larta

11:18 Ekonomia

Ahmetaj komenton raportin e BB: Rezultatet e reformave vitin e ardhshëm

13:23 Ekonomia

Gjiknuri fton biznesin e Hong Kongut të investojë në fushën e energjisë

09:59 Ekonomia

Shqipëria humb përfundimisht garën rajonale, i gjithë rajoni na e kalon në “Doing business 2016”

09:55 Ekonomia

DEBATET/ Braçe-Shkëlqimit Canit: Pse nuk e heton Ridvan Boden? Bode: Rrëmoni sa t’ju hajë krahu, po s’do gjeni gjë

09:18 Ekonomia