Mazniku: Gjendja financiare në Bashkinë e Tiranës, e ngarkuar me borxhe të trashëguara

Njësia Bashkiake nr. 9 ka qenë stacioni i radhës i turit të Bashkisë së Tiranës për prezantimin e projektbuxhetit të vitit 2016. Nënkryetari Arbjan Mazniku zhvilloi një takim të hapur me banorët e kësaj zone, ku u diskutua për mundësitë konkrete që ofron projektbuxheti i vitit të ardhshëm dhe mbështetjen financiare për prioritetet e zonës. Në fjalën e tij, Mazniku u ndal në situatën makro të projektbuxhetit, duke folur fillimisht për gjendjen financiare në të cilën e la Bashkinë administrata e shkuar, si dhe projektet madhore që pritet të nisin vitin që vjen.

Duke u ndalur te financat e bashkisë, ai tha se gjendja në të cilën u gjet Bashkia e Tiranës ishte mbushur me borxhe dhe fatura të papaguara për punë të kryera dhe për punë të kontraktuara dhe të parealizuara. “Situata, për fat të keq, nuk është e mirë. Qyteti e ka gjendjen financiare të ngarkuar, me shumë borxhe nga e kaluara. Kemi bërë një inventar të totalit të të ardhurave dhe shpenzimeve. Vit pas viti borxhet kanë zënë borxhin dhe sot gjendemi në një situatë, ku totali i borxheve të bashkisë është 4 miliard lekë. Kjo, pothuajse, sa një buxhet i bashkisë në një vit të tërë”, tha Mazniku. Ai shtoi se në vitin 2015 bashkia kishte planifikuar 7 herë më shumë investime se sa buxheti vjetor i bashkisë për këtë zë.

Ndër masat që ka marrë Bashkia për të përmirësuar financat e veta, Mazniku ka përmendur se veç një administrimi shumë më efiçent të buxhetit, do t’i kushtohet një rëndësi e veçantë forcimit të administratës tatimore. “Një pjesë e njerëzve i paguajnë detyrimet e tyre ndaj qytetit, një pjesë nuk i paguan. Të gjithë njerëzit, detyrimet që kanë ndaj qytetit duhet t’i paguajnë në mënyrë të drejtë. Gjatë këtyre dy muajve, të ardhurat e zyrës tatimore janë pothuajse dyfishuar. Nga funksionimi i duhur i administratës tatimore të ardhurat e qytetit janë rritur në mënyrë të ndjeshme, duke shëndoshur buxhetin e familjes tonë të përbashkët”, u shpreh Mazniku.

Gjithashtu, për përmirësimin e situatës financiare, ai ka bërë të ditur se do vijë në ndihmë edhe krijimi i Agjencisë Tirana Parking, e cila do sjellë të ardhura shtesë në arkën e bashkisë. Nënkryetari i Bashkisë prezantoi gjithashtu, edhe 5 projektet madhore që Bashkia e Tiranës do të mbështesë financiarisht që në vitin e ardhshëm dhe që do kenë impakt te të gjithë qytetarët. Më konkretisht, ai ka përmendur projektin e Pazarit të Ri dhe sheshit “Avni Rustemi”, projektin e Parkut Qendror të Tiranës, Unazën e Vogël të Tiranës, rikonstruksionin e sheshit “Skenderbej” dhe parku i madh i Liqenit.

Lidhur me projektet dhe punët që do mbështeten financiarisht vitin e ardhshëm në mënyrë konkrete për Njësinë Administrative nr. 9, u përmendën përmirësimi i infrastrukturës arsimore dhe rrugore. Përveç faktit se kjo njësi përfshihet në projektin e Unazës së Vogël të Tiranës, Bashkia e Tiranës ka planifikuar të investojë në këtë zonë edhe në rehabilitimin e lulishtes në bllokun ‘Mine Peza’, një kërkesë e vazhdueshme e komunitetit, dhe në sistemimin e trotuareve të rrugës “Ded Gjo Luli”. Gjithashtu, do të ketë ndërhyrje në rrugën “Don Bosko”, e cila përfshin kanalizimin e ujërave të zeza dhe ka pasur një problematikë të madhe ndër vite, si dhe rehabilitimin e trotuareve.

Me buxhetin e vitit 2016, do të bëhet rikonstruksioni i rrugës “Ibrahim Ndroqi”, si dhe do të vendoset shërbim urban në rrugën “Jordan Misja”. Në fushën e arsimit, bashkia do të kërkojë ndihmën e Fondin e Zhvillimit të Rajoneve ose edhe nëpërmjet partneriteteve publike-private, për ndërtimin e një shkolle të re, pranë zonës ish- Uzinës Dinamo. Madje, do të ndërhyhet në mirëmbajtjen dhe rehabilitimin e ambienteve të të gjitha objekteve arsimore, ku në njësinë nr. 9 përfshihen 8 shkolla, 2 kopshte dhe 2 çerdhe.

VIDEO/ Revolta e një tregtari

11:22 Sociale

Mbi 1 mijë studentë morën diploma të “pavlefshme” për shkak të Tafajt

10:33 Sociale

Gilman Bakalli sulmon Artan Fugën: E bëri të famshëm Facebook-u dhe Arian Çani

10:06 Sociale

Të varfërit e Beratit shtojnë radhët në mensën që shpërndan ushqim falas

09:48 Sociale

Fatura e pronave/ Për 10 vjet, 50 miliard lekë cash dhe 85 miliard fond fizik

16:47 Sociale

200 mijë shqiptarë të dëshpëruar provojnë fatin në Lotarinë Amerikane

15:45 Sociale

VIDEO/ SHÇBA arreston 1 polic në Berat, së bashku me familjarë kultivoi 11 mijë rrënjë kanabis

15:28 Sociale

Hoffman: Disa prej azilkërkuesve kanë patur pozicione të mira, por thjesht duan të ikin nga Shqipëria

11:47 Sociale

Studentët, protestë kundër dhunës “kryeministrore” dhe reformës në arsim

11:30 Sociale

Veliaj: Të rinjtë e Tiranës në Këshillin Bashkiak

10:30 Sociale