Veliaj: Në 2016, sheshi 'Skënderbej' kthehet në pedonale

Ashtu sikurse ishte lajmëruar edhe më parë sërish Tirana sot ka një ditë pa makina. Rrugët e kryeqytetit duket se janë çliruar njëlloj me simbolikën e kësaj dite 29 nëntorit.

Kreu i bashkisë Erion Veliaj tha se me ditë të tilla ndihmojmë të gjithë qytetarët që duan një qytet të lirë dhe gjithahstu theksoi se nga 2016 sheshi “Skënderbej” do të kthehet në pedonale.

Veliaj tha se plani i pedonales është i njëjtë me planin e lënë nga Rama por do ti shtohen më shumë hapësira të gjelbërta, raporton Report TV.

“Nuk është momenti për të folur me detaje, do të kemi disa modifikime të projektit.  Do të shtojmë më shumë hapësira të gjelbërta. I gjithë ky sheshi i madh, ju e dini fare mirë, sidomos gjatë kohës së verës, është shumë i nxehtë për t’u kaluar vetëm në një shesh pa gjelbërim. Projekti i amenduar  ka disa rregullime që vetëm shtojnë gjelbërimin.  Kjo ka qenë motoja e gjithë këtij mandat, e këtyre 100 ditëve të para, që ne të shtojmë gjelbërim. Siç u sollëm me Bulevardin e Ri, ku kemi shtuar një park qendror,  edhe sheshi ‘Skënderbej’ ka përqindje më të madhe gjelbërimi. Por, para se të fillojmë me sheshin, do të fillojmë me Unazën e Vogël, që kalon mbas Operas dhe Hotel Tiranës. Qeveria dhe Kryeministri kanë miratuar shpronësimet aty dhe besoj se, duke zgjidhur edhe çështjen e trafikut, jemi gati të fillojmë punimet në shesh. Kështu që, do të respektojmë këtë rend të gjërave.”-tha Veliaj

Referuar përmbytjeve të ditëve të fundit në kryeqytet Veliaj tha se jemi ne që i bëjme dëm natyrës dhe ajo na kthen përgjigjje.

“Megjithatë un nuk jam këtu për të bërë deklarata politike, por jam këtu për të thënë se natyra përgjigjet sic ja bëjmë ne”-tha Veliaj

Ndërkohë lidhur me aktivitete në vijim Veliaj tha se kulmi do të jetë koncerti i mbrëmjes i këngëtarit të famshëm  britanik John Neyman. Veliaj tha se të gjitha bizneset lokalet e dyqanet do të jenë të hapura 24 orë ditën e sotme pasi e nesërmja është një ditë pushimi.

Ndërkohë pyetjes së gazetarëve për financimin e aktivitetve Veliaj i’u përgjigj:
“Të gjitha aktivitetet i financojnë kompani private ashtu si “nisma Dhuro një çerdhe apo korsitë tek Dritan Hoxha, kjo është gjë e mirë pasi nuk prek aspak buxhetin e Bashkisë”-tha Veliaj

Kryebashkiaku iu bashkua ditës së tretë pa makina që zhvillohet në Tiranë dhe tha se më 29 nëntor Bashkia ka zgjedhur ta çlirojë Tiranën nga makinat.

“Pas përfundimit të festave sot, do të fillojmë zbukurimin e qytetit. Në 6 dhjetor do të ndezim dritat në të gjithë qytetin. Siç ka ndodhur me aktivitetet që kemi bërë deri tani, të gjitha aktivitetet sponsorizohen nga kompani. Siç bëmë me “Adopto një çerdhe”, siç po bëjmë me festat sot, sepse unë besoj se Bashkia që ka plot probleme të tjera nuk duhet të harxhojë më për festime. Në një qytet që prodhon 50% të ekonomisë së vendit, prodhon edhe 50% të sponsorizimeve apo bujarisë së vendit. Më duket shumë normale që sot Bashkia nuk shpenzon, por sot të gjitha këto shpenzime përballohen nga bizneset në Tiranë”.

Filantropja greke që po shpëton fëmijët shqiptarë

09:31 Sociale

Colostrum bën "mrekulli"

08:00 Sociale

"Perlat" e teksteve për fëmijë: Gjyshja qelbej erë dhe p…rdhte gjithë ditën

17:04 Sociale

Rrëshqitja e dheut, Bashkia e Tiranës ndjekje penale ndërtuesit dhe ish-kryetarit të PD të komunës Farkë

15:40 Sociale

FOTOT/ Tirana mbushet me tullumbace Kuq e Zi

12:27 Sociale

Jo vetëm në Shqipëri/ Industria call center në rritje edhe në Europë

12:02 Sociale

RENDITJA/ Ja shkollat më të mira në Tiranë

09:22 Sociale

Jeta tjetër e natës në Tiranë

21:16 Sociale

Sa problem është të gjesh punëtorë në Shqipëri? (Dhe një sugjerim për zyrat e punës)

18:55 Sociale

Mungesa e konkurrencës në sigurime, Lati: Rekomandimet u shpërfillën

17:17 Sociale