Te fundit
Apeli, 3 vjet burg për ish-kreun e Gjykatës Pukë, Shtjefën Lleshi
24 Dhjetor 2015, 15:59Kronika
TEMA
Gjykata e Apelit Shkodër ka lënë në fuqi vendimin e shkallës së parë dhe dënon me 3 vjet burgim ish-kryetarin e gjykatës Pukë, Shtjefen Lleshi, i akuzuar nga Prokuroria për veprën penale “korrupsion pasiv të gjyqtarëve…”, në bashkëpunim.
Nga hetimet e zhvilluara nga organi i akuzës rezultoi se gjyqtari Lleshi, në bashkëpunim me prokurorin e rrethit të Pukës si edhe disa zyrtarë të tjerë të gjykatës dhe sistemit të drejtësisë, kishin marrë shuma të konsiderueshme parash nga një shtetas, me qëllim zbutjen e masave të sigurisë për disa familjarë të një shtetasi, të cilët akuzoheshin për pjesëmarrje në një protestë të paligjshme në lagjen Nushaj, Pukë.
Ajo protestë zhvillohej kundër ndërtimit të një sipërmarrje private, për të cilën protestuesit pretendonin se u prishte pronat e tyre.
Sipas kallëzimit dhe e provuar më pas gjatë hetimit dhe gjykimit, ish-gjyqtari Shtjefën Lleshi dhe zyrtarët e tjerë të sistemit të drejtësisë, kishin marrë para për zbutjen e masave të sigurisë dhe lirimin e 6 familjarëve të kallëzuesit.
Hetimi për këtë çështje u zhvillua nga Prokuroria e Tiranës, ndërsa gjykimi u zhvillua në Gjykatën e Rrethit Gjyqësor Shkodër, si gjykata më e afërt me qytetit të Pukës, ku kishte ndodhur vepra penale.
Lini një Përgjigje
Më të lexuarat
24 oret e fundit
Javen e fundit
Blog Tema
