Tirane / Tre vetë me fuoristradë rrahin dhe rrëmbejnë një person, policia vihet në ndjekje, identifikohet i riu

Konfliktet e mëparshme mes grupeve dhe një gërvishtje makine dyshohen të jenë shkaqet e një dhunimi barbar në mes të rrugës dhe më pas rrëmbimit të një të riu në Tiranë.

Ngjarja ka ndodhur rreth orës 21:00 të mbrëmjes të së premtes, pranë Farmacisë nr. 10, afër qendrës së kryeqytetit dhe në rrugën kryesore.

Dëshmitarë të shumtë janë terrorizuar nga skena, ku pasi dy makina kanë ndaluar njëra pas tjetrës, kanë dalë 3 të rinj nga një “BMW X5” dhe një person tjetër nga mjeti tip “Peugeot 206”, me targa AA588FP, me ngjyrë gri, në pronësi të D.Ç.

Ky i fundit ka dëshmuar në polici se ia kishte dhënë makinën në përdorim mikut të tij me inicialet K.Gj.

Në këto momente, pa pritur sqarimet e të riut me inicialet K.Gj., tre të tjerët kanë nisur ta godasin me grushte dhe shkelma.

Pas kësaj e kanë marrë me forcë duke e futur në fuoristradën e tyre dhe janë larguar me shpejtësi nga vendngjarja.

Dëshmitarët i thanë policisë se dyshohet që mjetet të ishin fërkuar me njëra-tjetrën dhe ky të ishte shkaku i konfliktit.

Policia konfirmoi se një nga motivet e rrëmbimit mund të ishte gërvishtja e makinës, pa përjashtuar edhe pista të tjera të konflikteve të mëparshme, apo ndonjë pazari të vjetër.

Kjo pasi si emri i pronarit të mjetit dhe i atij që e kishte në përdorim janë të njohur si kontingjent për kanosje apo përfshirje në përplasje me grupe të tjera. Janë ngritur postblloqe të shumta në të gjitha rrugët me forca policie dhe kontrolle.

Policia Rrugore ka verifikuar të dhënat për mjetin e autorëve dhe identifikimin e tyre nëpërmjet pamjeve të kamerave të sigurisë në rrugë apo biznese.

Policia tha se autorët janë kapur nga kamerat, sikurse dhe makina e tyre, ndërsa kanë kryer veprime për gjetjen dhe lirimin e pengut dhe arrestimin e të dyshuarve.

Kërcënojnë bashkëmoshataren në Facebook, arrestohen dy të mitur

11:00 Kronika

Apeli, 3 vjet burg për ish-kreun e Gjykatës Pukë, Shtjefën Lleshi

15:59 Kronika

Një vit nga "Xibraka"/ Gjykata nuk i jep lirinë Ermal Hoxhës, festa në burg

15:48 Kronika

Në pranga dy persona në Korçë, do shisnin 24-vjeçaren për 400 euro në Maqedoni

14:35 Kronika

Tiranë, zjarr në parkun e Dajtit

11:31 Kronika

Prokuroria dërgon në gjyq Florenc Hoxhën, lejoi 500 ndërtime të paligjshme

09:11 Kronika

Kjo është drejtësia e të pasurve dhe shteti i të varfërve

18:27 Kronika

Zbardhen sms-të kërcënuese të kreut të Trashëgimisë ndaj drejtorit të bankës

16:03 Kronika

Fullani i pafajshëm edhe në Apel

13:46 Kronika

Kapet në krevat autori i vrasjes në Bathore, ku vdiq njëri prej vëllezërve Kolaveri

09:42 Kronika