Shqipëria: Taksa të larta, por të ardhurat janë më të ulëtat në rajon

Forbes e rendit Shqipërinë në vendin e 109 në treguesin e barrës së taksave, nga 144 shtete. Por, me 24-25% të PBB-së, vendi ynë ka të ardhurat më të ulëta nga taksat në rajon….

Shqipëria renditet ndër vendet që kanë barrën më të lartë të taksave në rajon, në raportin e fundit të Forbes, “Vendet më të mira për të bërë biznes”, ku Shqipëria në total ishte në pozicionin e 69.

Në treguesin specifik të barrës së taksave, Forbes e rendit Shqipërinë në vendin e 109, nga 144 shtete (sa më poshtë në renditje, aq më e lartë barra e taksave).

Më mirë paraqitet Maqedonia, e cila është e shtata në botë për barrën e taksave.

Listën e vijojnë Kroacia (34), Rumania (50), Mali i Zi (55), Bullgaria (72).

Më keq se Shqipëria janë Serbia, që është një vend më poshtë (110) dhe Bosnjë Hercegovina, që është e fundit në rajon, në vendin e 119.

Por, ndërsa Serbia dhe Bosnja e “justifikojnë” barrën e lartë të taksave, duke sjellë më shumë të ardhura në buxhet, Shqipëria ka rendimentin më të ulët në rajon.

Me 24-25% të të ardhurave nga taksat në raport me prodhimin e përgjithshëm (PBB), Shqipëria është 10 pikë përqindjeje më poshtë se mesatarja rajonale dhe ajo e vendeve të BE-së (rreth 35%, sipas Eurostat) dhe për më tepër mbledh më pak para në buxhet edhe se Maqedonia, që ka barrën më të ulët në rajon (kjo e fundit e ka këtë tregues 28-29% të PBB-së).

Bosnja dhe Serbia mbledhin përkatësisht 44% dhe 35-36% të PBB-së, sipas të dhënave krahasuese të publikuara nga FMN.

Sipas të dhënave krahasuese të nivelit të taksave nga Banka Botërore, Shqipëria dhe Serbia kanë nivelin më të lartë të TVSH-së, në 20%.

Në Maqedoni, niveli më i lartë i TVSH-së është 18%, ndërkohë që vendi ka dhë një TVSH të reduktuar prej 5% për produkte ushqimore, produkte mjekësore, makineri bujqësore, publikime, shitja e parë e ndërtesave dhe apartamenteve si dhe transporti dhe akomodimi.

Mali i Zi e ka TVSH-në 19%, Bosnja 17% dhe Kosova në nivelin më të ulët prej 16%.

Serbia dhe Shqipëria kanë nivelin më të lartë të taksës mbi korporatat në 15%.

Mali i Zi ka aktualisht nivelin më të ulët të kësaj takse në rajon, në 9%, ndërsa Maqedonia, Kosova dhe Bosnja e kanë atë në 10%.

Shqipëria, së bashku me Serbinë renditen ndër vendet që kanë nivelin më të lartë të kontributeve të sigurimeve shoqërore të paguara nga punëdhënësi në 15% dhe 17.9% përkatësisht.

Maqedonia e ka të gjithë barrën të transferuar te punëmarrësi, në nivelin e 27%. Edhe Mali i Zi ndjek të njëjtën logjikë, ku kontributet e paguara nga punëdhënësi janë vetëm 5% dhe ato të punëmarrësit 24%.

Edhe në Bosnjë, punëdhënësi paguan 10.5% dhe punëmarrësi 31%. Nivelin më të ulët të kontributeve e ka Kosova me 5% punëdhënësi dhe po aq punëmarrësi.

Dy vitet e fundit, ndonëse barra e taksave është rritur në Shqipëri (tatim fitimi nga 10 në 15% nga 1 janari 2014 dhe ai mbi dividendin dhe të ardhurat e tjera nga 10 në 15% nga 1 janari 2015, plus rritja e taksës së qarkullimit dhe akcizës mbi disa produkte), kjo nuk ka arritur të sjellë më shumë të ardhura në buxhet, sidomos në 2015, ku rritja reale e të ardhurave për 11 mujorin (duke hequr inflacionin dhe rritjen ekonomike) ishte afër zeros.

Treguesi i barrës së taksave në vendet e rajonit, sipas Forbes (renditja nga 144 vende)

Maqedonia 7

Kroacia 34

Rumania 50

Mali i Zi 55

Bulgaria 72

Shqipëria 109

Serbia 110

Bosnjë Hercegovina 119

Monitor

Taksat e reja për 2016-n, nga makinat te sigurimet

10:15 Ekonomia

Artan Lame: Procesi i legalizimit mbyllet brenda këtij mandati

10:01 Ekonomia

Taksat e pashlyera të mjeteve, amnistia në janar

17:19 Ekonomia

Loja promocionale e kuponit/ Qytetarët interes, por pak të informuar

17:02 Ekonomia

Rama: Shlyem 600 milion dollarë borxhe, vitin tjetër synojmë që rritja ekonomike të jetë përtej 3%

12:15 Ekonomia

Kartolina "500 euroshe" e Ramës për kamionistët

11:59 Ekonomia

11 mujori: Ja nga erdhi gropa prej 15 miliardë lekësh

11:02 Ekonomia

“Bletën e Artë” këtë vit e merr drejtoresha e QSUT-së

10:27 Ekonomia

Banka e Shqipërisë shqyrton idenë e “lehtësimit sasior”

09:27 Ekonomia

Bashkia e Tiranës diskuton buxhetin: Ja lehtësirat dhe shërbimet që përfitohen

12:12 Ekonomia