“Jo vetëm Hysniut, Sali Berisha i ka larë prapanicën edhe Andit”

Hysni Kapo, Enver Hoxha, Mehmet Shehu dhe Ramiz Alia

Pak ditë më parë, Sali Berisha sulmoi ashpër Andi Bushatin, gjë që e ka bërë edhe herë të tjera.

Ai i kujtonte gjyshërit e vet, ndërsa Bushati me anë të një replike i kujtonte Berishës se si iu lëpinte prapanicën bllokmenëve, për të hyrë në parinë komuniste.

Idajet Beqiri shkruan sot për Ditën, se Berisha në fakt, i ka larë prapanicën edhe vetë Bushatit kur ishte 9 vjeç.

Ja çfarë shkruan ai:

“Në 9 janar 2016 pati një “shpërthim” skizofrenik të Berishës kundër gazetarit A.Bushati. Por pak më ndryshe se herë të tjera, në këtë reagim u vu re edhe një dozë e tepruar mllefi, duke i përmendur edhe “gjyshen”.

I sulmuari, Andi, reagoi dhe i kujtoi Berishës “prapanicat” që kishte pastruar për t’u futur në Bllok!

Mllefosja mes të dyve lidhet me një të vërtetë: një prej prapanicave që Berisha ka larë me duart e tij në vitin 1979, ishin pikërisht ato të Andit, atëherë 9 vjeç.

Në vitin 1979 Hysni Kapo ndodhej i shtruar në spital në Paris të Francës. “Ilaçi” më i mirë për gjyshin Kapo, që ia kishin çuar për ta patur pranë në ditët e fundit të jetës, ishte nipi 9 vjeçar.

Për të treguar devotshmërinë ndaj Hysniut, Berisha “derdhi” gjithë përkëdhelitë dhe dashurinë e tij mbi Andin, madje duke u bërë edhe kaluar “mamit të mirë”, sepse i lante atij edhe të ndenjurat.

E lante dy herë në ditë – sipas Eqerem Sinanit, njërit prej oficerëve të Sigurimit të Hysniut.

Dhe përmes “dashurisë” për Andin, si dhe duke ju stërlutur me një këmbëngulje deri në pështirosje, Berisha arriti – sipas Eqeremit – t’i marë Hysni Kapos që luftonte me vdekjen miratimin për të çuar pas pak ditësh po aty në Paris, (me lekët e shtetit komunist, sigurisht) vajzën e tij Argita.

Ajo ka patur nevojë për një operacion të rëndësishëm kirurgjikal plastik, për t’i mbuluar një difek të rëndë në fytyrë.

Madje Eqeremi, ish oficeri i sigurimit të Hysni Kapos, kujton se një natë më parë, aty rreth orës 24.00 të mbrëmjes, para se Berisha t’i kërkonte “nderin” Hysniut për “hallin” e Argitës, i kishte thënë Eqeremit ta shoqëronte nëpër të gjitha dhomat e spitalit të Parisit. I habitur ky e kishte pse donte t’a bënte këtë gjë, dhe Berisha i ishte përgjigjur se… donte të shihte se sa njerëz vdisnin në këtë spital gjatë një nate!

Edhe Rama në Parlament e ka përmendur shpesh “lidhjen speciale” të Berishës me Kapot dhe nipin e tyre.

“Vitos nuk i është tharë akoma fustani nga lotët e tua, kur vdiq Hysniu. I mbaje kokën në prehër dhe i thoshe “ç’na gjeti shoqja Vito, na vdiq babai i madh i Partisë. Vito nuk dinte çfarë të bënte, të qante për burrin, apo të pushonte lotët e tua. Edhe me Andin e ke personale se i thoshe “të të mësojë xhaxhi si të hipësh në pemë”. Andi donte të luante futboll, por ti dhe futbolli s’kishit lidhje, sepse ty topi të dukej si gur. Paguan Andi, pse nuk hipi në pemë me ty, të mblidhte kumbulla tek Blloku, që të bënte Hysniu raki – i ka thënë Rama Berishës gjatë replikave në Parlament në seancën e 17 dhjetorit 2015”.

Rama anulon darkën festive me Metën dhe deputetët e PS

15:32 Politika

Lëvizje në Policinë e Shtetit: Ja emrat

14:47 Politika

Luan Rama: Mesazhet e nxjerra te "Opinion", një triller prostitutash

14:41 Politika

Meta: Tani që përfundoi puna e ekspertëve, është koha për dialog politik

14:03 Politika

Ristani rikthen sloganin "me ne fitojnë të gjithë"

12:32 Politika

Halimi: Rama hodhi poshtë skemën e Venecias, kërkon të kapë drejtësinë

11:58 Politika

FOTO LAJM/ Rama trazon komentuesit me kërpudhën e tij

11:33 Politika

INTERVISTA/ Princ Leka: Synoj të kthej Monarkinë në Shqipëri (dhe disa kujtime me të atin dhe rrëfime personale)

11:23 Politika

Grupet parlamentare, Idrizi dhe Mediu marrin deputetë “borxh” nga PS-PD-LSI

10:29 Politika

Pse ka kaq nervozizëm për “injorimin” e TV Klanit në këtë histori

11:00 Politika