REPLIKAT/ Përroi psiqik i Berishës: Të parët e mi e rruanin kokën tullë, përveçse kreshtës, që po t’ua prisnin….

Në seancën e djeshme parlamentare, Sali Berisha, edhe pse është sfiduar nga Rama për të folur për Byronë e Hetimit, ka nisur të flasë për çfarë t’i vinte në mendje.

E nisi me Nexhmien dhe në një moment ka nisur të flasë edhe për të parët e tij.

Ai ka shpjeguar se ata e ruanin kokën tullë, përveç majës, që po t’ua priste armiku të mos u fuste duart në hundë apo gojë, por t’i kapnin prej kreshte.

Edi Rama: Sali çohu këtu dhe thuaj të vërtetën për Byronë Kombëtare të Hetimit. Lëre Nexhmijen se t’i ka shpjeguar Andi Bushati aq mirë çështjet e Nexhmijes dhe të tjerëve në bllok,-është edhe dëshmitar okular i përpjekjeve të tua me valixhe druri, thotë ai, – dil këtu dhe thuaji shqiptarëve të vërtetën. Mos bëj gabimin të gënjesh prapë, sepse do të ballafaqoj me fakte të shkruara.

Sali Berisha: Unë, në periudhën si kardiog në spital ju kam shërbyer pa përjashtim të gjithë qytetarëve shqiptarë, përveç Enver Hoxhës. Nga të burgosur dhe të internuar deri tek anëtarë të Byrosë Politike, sekretarë të Komitetit Qendror. Mund të jem nga të paktët mjekë në Shqipëri, që kam refuzuar të jem mjek personal i ndonjërit prej tyre dhe këtë e dinë shumë mirë (ilaritet mes deputetëve të majtë). Në atë kohë nuk ishte e thjeshtë. Kam refuzuar që të jem mjek personal në mënyrë të prerë, sepse isha i pasionuar pas punës sime në spital dhe ky ka qenë argumenti. Absolutisht në asnjë ditë të vetme nuk kam marrë rrogën në asnjë grup, përveç rrogës sime. Meqë ti citon Bushatin dhe e përvetëson atë, do të të them dy gjëra. Ti nuk ke se si vepron ndryshe, sepse, mbrapa më është dhënë mundësia të shoh firmat e Vito Kapos në ekzekutime njerëzish, në ekzekutimet e qendrestarëve të Spaçit, si anëtare presidiumi dhe të dhjetëra të tjerëve.

Natyrisht ty me Bushatin të bashkojnë krimet familjare dhe nuk mund të jesh ndryshe. Për sa u përket fjalëve të tij, me valixhe druri apo valixhe hekuri ose pa valixhe fare, parajsën e etërve tuaj ua thërrmuam, ua bëmë copë e çikë. Është shumë e vërtetë që të parët e mi, babai im dhe të parët e mi deri në të gjitha brezat, kanë qenë fshatarë. Kanë qenë fshatarë të cilët e rruanin kokën tullë, përveçse majës. Aty linin krifshën. E di pse e linin? Sepse nuk donin kurrë që kur t’ua priste armiku kokën t’ua fuste duart në hundë apo në gojë e t’i poshtëronte, por t’i kapte për krifshe. Ata nuk ruanin derra dhe lopë në shpatet e Shpiragut, nuk pëllisnin si lopë dhe si derra për t’i ndjellë ato, por e vërteta është se në raste të caktuara ia dolën së bashku me bashkëfshatarët e vet të djegin të gjallë marshallë të Perandorisë Osmane. Dua të ndalemi pak në këto probleme. Të mos fyejmë të parët por t’i lëmë atje ku janë. Krimet e vetme që kanë kryer ata janë mbrojtje të vendit të tyre, në mbrojtje të derës së shtëpisë së tyre, në mbrojtje të tokave të tyre. Ndaj, nuk mund ta nxirrje kurrë ti atë në prag të vizitës së sekretarit të shtetit.

Edi Rama: Për pjesën tjetër, unë nuk dua t’i hyj më gjatë historive me gratë e rinisë tënde, Nexhmijen, Viton, se as i kam njohur dhe as i kam takuar ndonjëherë. Kanë qenë gratë e rinisë tënde, të adhuruara sigurisht. Diku mundeshe, diku s’mundeshe, diku ta hapnin derën, diku s’ta hapnin, por që u rrije tek dera, kjo është një dëshmi që ti nuk ke përse e mohon. Andi Bushati nuk bëri zgjedhje që të lindte aty, po ti ç’deshe që u turre aty me kokë? Kishe nevojat e tua, ambiciet e tua si komunist i ri, që doje të rriteshe në hierarkinë e Partisë së Punës. Edhe mos e thuaj që nuk ke pranuar të bëhesh mjeku personal, se e di sa keq dukesh apo jo. Nuk munde të bëheshe, edhe ata kishin arsyet e tyre, mesa duket, por ti nuk ke pse thua s’kam pranuar. Ndërkohë që nuk kuptoj ku ishte lidhja mes valixhes së drurit dhe të parëve të tu e të parëve tanë. Nuk e kuptova këtë, pse druri të kujtoi stërgjyshin. Ndërkohë që ajo është një metaforë për të treguar se me çfarë zelli, pasioni, dashurie për partinë, me çfarë adhurimi për shokun Enver, për shokun Hysni, për shoqen Vito, për shoqen Nexhmije, për shokët dhe shoqet me radhë, ti ke bërë gjithçka. Llogarite, ke bërë xhiro me varkën e Sulo Gradecit, i ke rënë liqenit rreth e rrotull, vetëm që të shihje nga larg Nexhmijen kur dilte atje të nderte rrobat.

Sali Berisha: Sëmundjet janë sëmundje dhe Sali Berisha është mjek, ndër të tjera.

INTERVISTA/ Ilir Meta flet për koalicionin, diversionet dhe vizitën e Kerry-it në Shqipëri

00:06 Politika

Alfred Peza sfidon Blushin: Lë mandatin nëse pretendimi i tij për kërcënimet e Ramës është i vërtetë

22:52 Politika

FOTOT/ Rama, Blushi dhe Gramoz Ruçi në mes

22:43 Politika

Tension mes deputetëve të Vlorës, Koço Kokëdhima shmang kolegët

21:26 Politika

Tahiri konfirmon: PD ishte dakord për këtë variant të Byrosë së Hetimit, më çuan email

21:21 Politika

FOTOT/ “Edukatorin e çerdhes pa drekë, ku e ke lënë”

20:49 Politika

Soli dhe Loli

20:19 Politika

DEBATET/ Byroja shkakton tension në PD. Berisha presion deputetëve: 10 prej jush janë gati të shesin votën! Reagon Selami

19:50 Politika

Kafshë sociale/ Portreti i Fatos Nanos në ’97-n, sipas Ambasadës amerikane

19:42 Politika

Drejtësia, patatja që djeg kaq shumë Berishën

19:17 Politika