Te fundit
Ju të dy po na fyeni të gjithëve
18 Shkurt 2016, 10:11Blog
TEMA
Nga Rexhep Qosja
Kryeministri i Kosovës dhe zëvendësi i tij në konferencën me gazetarët pas protestës së sotme opozitare duke folur në emrin e Qeverisë së Kosovës e provokuan fort opozitën dhe i provokuan të gjithë qytetarët në protestë.
Kryeministri i Kosovës dhe zëvendësi i tij e provokuan sot gjithë Kosovën.
Kryeministri i Kosovës dhe zëvendësi i tij, për më keq, e fyen fort opozitën dhe i fyen fort gjithë pjesëmarrësit në protestë.
Kryeministri i Kosovës dhe zëvendësi i tij na fyen sot të gjithë ne.
Provokimi dhe fyerja e tyre përmbanin një arrogancë primitive pushtetore.
Provokimi dhe fyerja e tyre përmbanin nënçmim për opozitën dhe për protestuesit: nënçmim për sjelljen e tyre paqësore dhe nënçmim për guximin e tyre të “humbur” në atë sjellje paqësore!
-“Ju pritëm, u thanë, jo me kafe!” E kjo do të thotë: ju pritëm me kallash!
– “Opozita iku me bisht nën shalë”
Provokimi dhe fyerja e tyre përmbanin arrogancë primitive dhe fyerje ndaj të gjithë kosovarëve, protestues e joprotestues!
Pse jo, nuk është hera e parë që ata sillen kështu prej se janë bashkuar për t’u sjellë siç po sillen: për t’u sjellë në Kosovë si të ish Kosova “rançi” i tyre!
Pse jo, ata e kanë shkelur dhe e kanë fyer Kushtetutën e Kosovës dhe e kanë shkelur siç s’është shkelur ndonjëherë më parë: e kanë shkelur duke shitur politikisht dhe juridikisht pjesë të Kosovës, e kanë shkelur duke u dhënë Serbisë dhe Malit të Zi toka të Kosovës!
Nuk po thotë vetëm opozita se këta dy pushtetarë e kanë shkelur Kushtetutën e Kosovës!
Nuk po thonë vetëm protestuesit se këta dy pushtetarë e kanë shkelur Kushtetutën e Kosovës!
Nuk po thonë as edhe shumë e shumë intelektualë të Kosovës e të Shqipërisë se këta dy pushtetarë e kanë shkelur Kushtetutën e Kosovës.
Se këta dy pushtetarë e kanë shkelur politikisht dhe juridikisht kushtetutën e Kosovës duke shkelur disa nene të saj me nënshkrimin e Marrëveshjes për krijimin e Bashkësisë së Komunave Serbe dhe të Marrëveshjes për Demarkacionin me Malin e Zi, po e thotë edhe institucioni, fjala e të cilit juridikisht, shtetërisht dhe moralisht peshon më shumë se e kujtdo tjetër: po e thotë Gjykata Kushtetuese e Kosovës.
Kur Gjykata Kushtetuese thotë se ndonjë person a ndonjë institucion e ka shkelur Kushtetutën e shtetit, ai person a ai institucion ngarkohen me përgjegjësi që mund të jetë kur politike e kur penale.
Në qoftë se përgjegjësia është vetëm politike atëherë shkelësit e Kushtetutës ose japin dorëheqje ose shkarkohen nga pozitat që kanë. E në qoftë se përgjegjësia është penale atëherë shkelësit e kushtetutës gjykohen penalisht prej gjykatës përkatëse.
Kryeministri i Kosovës dhe zëvendësi i tij po e provokojnë dhe po e fyejnë opozitën, po na provokojnë e po na fyejnë të gjithë ne duke provokuar e duke fyer ashtu njëkohësisht edhe Gjykatën Kushtetuese të Kosovës.
Dhe po e provokojnë e po e fyejnë opozitën, dhe po na provokojnë e po na fyejnë të gjithë ne, dhe po e provokojnë e po e fyejnë Gjykatën Kushtetuese të Kosovës sepse s’po duan të pranojnë përgjegjësinë e të largohen prej pushtetit, duke e bërë të mundshme kështu zgjidhjen e krizës institucionale të Kosovës.
Duke mos u larguar vullnetshëm prej pushtetit pas shkeljes së Kushtetutës, qeveria e sotme e Kosovës po ushtron pushtet të paligjshëm.
E pushteti i paligjshëm, siç dihet e siç thuhet në të gjitha vendet demokratike të botës, quhet pushtet i dhunës.
E, kur një qeveri e mban pushtetin paligjshëm, domethënë dhunshëm, kur një pushtet është pushtet i paligjshëm, atëherë, është e ligjshme që ai pushtet të largohet prej pushtetit me lëvizje demokratike popullore.
Kosova është çliruar prej pushtimit të Serbisë.
Kosova duhet të çlirohet sot edhe prej pushtimit të paligjshëm të Qeverisë së sotme.
Demokracia e Kosovës, dinjiteti dhe nderi i qytetarëve të Kosovës e meritojnë çlirimin prej kësaj qeverie dhunëtare.
10 komente në “Ju të dy po na fyeni të gjithëve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po ky turku nuk qenka ne siri per te luftuar???????
Ti je vec nje miz kali para Profesorit te madh R.Qosja.
Se sa i madh eshte Qosja e tregoi populli gjate votimeve ku ai nuk mundi te fitoje as 1% te votave!
Prof Qosja nuk eshte politikan ashtu sic ti nuk je “poet” ? ? ?
Duket o Adi qe je injorant deri sa shkruan kete fraze per nje nga njerezit me mendje te ndritur te kombit tone! Turkoshak ne mendje dhe emer jeni ju ! Kontrollo ne fjalorin Turk dhe do te shohes qe ADI ne turqisht do te thote ”Emer” ! Tung
Edhe ky shqiptar i vertete i mbetur ne Kosove duhet te mbeshtet forte nga opozita e soteshme se ndryshje nuk do te kete me Kosove.Kryeministri Kosoves eshte me se anti kosovar po ashtu edhe qeveria e tij qe drejton dhe kjo nuk diskutohet fare se djelli duket qe ne mengjez more njerez te mire ne se na kuptoni drejte dhe qarte.Flamuri i djeshem ne proteste ishte i vetemi flamur legjitim shqiptar qe i takon te valvitet ne çdo feste dhe proteste te ketij kombi heroik.Te tjerat jane prapaganda politike,tradhetira dhe ku ta di une se çfar kerkon ky Mustafa nje zedhenes i Rrugoves qe mua personalishte kurre nuk me ka pelqyere se nuk ishte as mish dhe as peshke.
Kete shkrim , i dashur PROFESOR, dergoja atij spurdhjakut qe ka sjelle Kerri ne prishtine!
Atij qoftes i thuaj te gjitha keta dhe shikoje se si do te reagoje!
Ai ambasador, bashkepunetor i KRIMINELAVE ANTISHQIPTARE E PROSERBE Thaciovici, Mustafovici, Saliberishivici……me company!
Urrejtjen ndaj armikut mijeravjecar serb tregojeni me pare ne urrejtjen ndaj bashkepunetoreve te tyre!
OER KOSOVEN ZGJEDHJA ME E MIRE DO TE ISHTE ,PACOLLI KRYEMINISTER , NJE BIZNESMEN I ZGJUAR ,NJE MILIARDER ,NJE PATIOT I MIRFILLTE DHE QOSJA PRESIDENT , HAJNAT E KOSOVES DUHEN LARGUAR NGA QEVERIA ME FORCEN POPULLORE ,
Zgjidhja do të mbërrijë vetëm kur Shqiptarët të ndërgjegjësohen se shpetimi është vetëm BASHKIMI KOMBËTAR! Sot e vetmja forcë që e kërkon këtë është lëvizja VeteVendosje. Uroj që kjo forcë të nxisë zgjedhje të parakohshme në Kosovë në mënyrë që Bashkimi të mbërrijë sa më shpejt.
Kejo marreveshje eshte produkt i presionit te insgitucioneve evropiane ,e thaci Mustafa jene vetem gure shahu.Nje gje eshte e sigurte qe po u lejua kejo marreveshje ,ne mo sot ,neser veriu i kosoves i shkon serbise.Prandaj kejo duhet kundershtuar nga vjithe populli i kosoves pavaresisht dallimeve partike…Kejo eshte me rendesi kombetsre.,,