Alban Meha synon të jetë në finalet e Euro 2016 nga Superliga turke me Konyaspor-in, që është shfaqur si surpriza e këtij sezoni. Me një fotografi ku realizon gjestin e shqiponjës me duar, mesfushori foli për kualifikimin e Kombëtares dhe pritshmëritë në finalet e evenimentit në Francë.

“Kishim kualitet në ekip dhe besim te shanset tona drejt suksesit. Por, natyrisht ishim edhe me fat, pasi luanim në një grup të vështirë me Portugalinë, Danimarkën dhe Serbinë”, tha Meha për mediat turke. Mesfushori e cilësoi fitoren në sfidën e parë kualifikuese në Portugali si “një prej surprizave më të mëdha në rrugën drejt Euro 2016 dhe ishte pikërisht ajo ndeshje që i dha Shqipërisë besim për të siguruar një vend në Francë”.

Sipas Alban Mehas, pasi “arritjes historike për futbollin shqiptar”, tashmë “Kombëtarja do të japë më të mirën, që të realizojë të tjera surpriza në finalet e Europianit”. 29-vjeçari foli edhe për duelin me Zvicrën, skuadër ku aktualisht militojnë 6 lojtarë me origjinë shqiptare. “Debutimi i Kombëtares në Kampionatin Europian do të jetë mjaft interesant, edhe sepse luajmë ndaj Zvicrës. Kërkojmë fitoren e parë ndaj tyre në ndeshje zyrtare dhe ta nisim sa më mirë Euro 2016”, theksoi Meha.

Ndër të tjera, në intervistën e dhënë, mesfushori u shpreh se fituese e turneut në Francë do të jetë një ndërmjet Spanjës dhe Gjermanisë. Ai vlerësoi ekipin e Konyaspor-it, që po zhvillon sezonin më të mirë në histori. Nga individët përzgjodhi Arjen Robben si lojtarin më të mirë me të cilin është përballur në Bundesligën gjermane, ndërsa zbuloi se idhulli i tij ka qenë braziliani Rivaldo kur luante te Barcelona.

Përsa i takon faktit që është një specialist i goditjeve të dënimit, duke marrë edhe nofkën “snajperi”, Alban Meha saktësoi se nuk ka kërkuar të imitojë të tjerët, si në rastin e Pirlos që vëzhgonte ekzekutimet e Juninho-s. Prej moshës së vogël ai stërvitej vazhdimisht, duke provuar të krijonte një teknikë të tijën dhe praktikimi për rreth 14 vjet e kanë kthyer në një prej specialistëve të goditjeve standarde në nivel botëror./ SS

1 komente në “Alban Meha: Shqipëria bën surpriza në Euro 2016”

liku---Kush me shan per debat nuk ia mban says:

3 Mars, 2016 02:40 te 2:40 am

O Meha !
Kot ben intervista , se Xha Ganiu e ka ndare mendjen dhe nuk te merr ne Evropian.
Sa per suksesin e Shqiperise ne Evropian , eshte vendosur me kohe :
Shqiperia del nga grupi me pike te plota 9.
Ne finale ndeshet me Gjermanine , dhe fiton 7-1 duke I marre hakun Brazilit ne Boteror.
Pas kesaj stadiumit te ri ne Tirane do ti vihet emri I heroit te popullit “Gani Abazi”.

Përgjigjjuni