Te fundit
Privatizimi i INSIG, kompania shqiptare ofron gati 20 milion dollarë
10 Mars 2016, 16:18Ekonomia
TEMA
Gara për blerjen e INSIG pati katër konkurrentë, por ofertën më të lartë e dha shoqëria EUROSIG, oferta financiare e të cilës është 2 miliardë e 222 milionë lekë.
Edhe tre ofertat e tjera vinin nga kompani të njohura shqiptare, por çmimi i ofruar prej tyre ishte më i ulët. Konkretisht, kompania Balfin 1.6 miliard; Kastrati 1.1 miliard dhe Duraku 2.1 miliardë.
Oferta më e lartë korrenspondon me vlerën kontabile të INSIG, që sipas Ministrisë së Financave është 15.3 milionë euro, ose rreth 2.1 miliardë lekë.
Sipas vendimit të qeverisë, çmimi i ofruar ka 80 për qind të pikëve në vlerësim, ndërsa plani i biznesit dhe cilësia e blerësit do të kenë respektivisht nga 10 pikë.
Komisioni ka 9 ditë kohë për të vlerësuar ofertat dhe brenda datës 25 të këtij muaj duhet të përpilojë projektvendimin përmes të cilit do të shpallet fituesi nga qeveria. Tenderi për INSIG vjen në një moment të vështirë për ekonominë.
Por pavarësisht kësaj, ai shënon një risi. Ky është rasti i parë kur në një privatizim të rëndësishëm garojnë vetëm kompani shqiptare dhe përmes këtij procesi në kohë të vështira financiare buxheti arkëton gati 20 milionë dollarë.
Njoftimi i Ministrisë së Financave:
Sot, më datë 10.03.2016, u zhvillua procedura e tenderit të hapur për shitjen e 100% te aksioneve të shoqërisë Instituti i Sigurimeve (“INSIG”) sh.a.
Procedura e tenderit të hapur u zhvillua në përputhje me legjislacionin në fuqi për privatizimin e shoqërive tregtare që veprojnë në sektorët jo strategjik, përkatësisht ligji nr. 8334, datë 23.04.1998 “Për privatizimin e shoqërive tregtare që veprojnë në sektorët jo strategjik” (i ndryshuar), Vendimin e Këshillit të Ministrave nr. 529, datë 21.08.1998 “Për procedurat e tenderimit të paketave të aksioneve të shoqërisë tregtare që zotërohen nga shteti” (i ndryshuar) dhe Vendimi i Këshillit të Ministrave nr. 546, datë 18.06.2015 “Për përcaktimin e formës dhe të formulës së privatizimit të aksioneve të shoqërisë INSIG sh.a.”
Instituti i Sigurimeve është shoqëria e parë e sigurimeve në Republikën e Shqipërisë, aksionet e së cilës zotërohen 100% nga Ministria e Zhvillimit Ekonomik, Turizmit, Tregtisë dhe Sipërmarrjes. Shoqëria ushtron aktivitetin e sigurimeve në fushën e jetës dhe jo jetës. Gjithashtu, shoqëria ushtron aktivitetin e sigurimeve në fushën e jo jetës në Kosovë dhe në Maqedoni.
Në përmbushje të procedurës së parashikuar nga legjislacioni në fuqi, Ministria e Zhvillimit Ekonomik, Turizmit, Tregtisë dhe Sipërmarrjes ka filluar procedurën e privatizimit të shoqërisë dhe ka përgatitur dokumentacionin e tenderit. Për këtë qëllim, Ministria ka përzgjedhur shoqërinë e auditimit BDO Albania sh.p.k për të vlerësuar paketën e 100 % te aksioneve të shoqërisë INSIG sh.a. Në përfundim të procesit të vlerësimit, shoqëria vlerësuese ka përcaktuar vlerën maksimale të shoqërisë në shumën 15.305.000 (pesëmbëdhjetë milion e treqind e pesëmijë) Euro.
Pas përmbushjes së dokumentacionit të parashikuar në VKM nr. 529, datë 21.08.1998, në bazë të kësaj vlerë është përcaktuar “Për procedurat e tenderimit të paketave të aksioneve të shoqërisë tregtare që zotërohen nga shteti” (i ndryshuar), Ministria e Zhvillimit Ekonomik, Turizmit, Tregtisë dhe Sipërmarrjes i ka përcjellë Ministrisë së Financave dokumentacionin për privatizimin e paketës së 100 % të aksioneve të shoqërisë INSIG sh.a.
Ministria e Financave më datë 25.01.2016 ka publikuar ftesën për tenderin e cila ka qenë e shpallur për 30 ditë, deri më datën 23.02.2016. Dorëzimi i ofertave nga kandidatët para komisionit të vlerësimit të ofertave është kryer sot, më datë 10.03.2016. Në komisionin e vlerësimit të ofertave, në përbërje të së cilit ishin dy përfaqësues të MZHETTS, dy përfaqësues të INSIG sh.a dhe tre përfaqësues të Ministrisë së Financave, u paraqiten gjithsej katër oferta:
Komisioni i vlerësimit të ofertave, deri më datë 19.03.2016 do të kryejë vlerësimin e ofertave të paraqitura sipas kritereve të përcaktuara nga VKM nr. 546, datë 18.06.2015 “Për përcaktimin e formës dhe të formulës së privatizimit të aksioneve të shoqërisë INSIG sh.a.” Në përfundim të vlerësimit, komisioni bën raportin përfundimtar të vlerësimit dhe ia paraqet për miratim procedurën dhe fituesin Këshillit te Ministrave.
6 komente në “Privatizimi i INSIG, kompania shqiptare ofron gati 20 milion dollarë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po Eurosig eshte e Sali Berishes..(djemve te motres se tij,Haxhi Bardhaj,ai qe ka dhe tragetin e Komanit,etj,etj!
Do bejne sikur nuk dine gje se keshtu pastrohen parate e Argites!
Lat nam. U eshte bere Berisha fiksasion. U shfaqet ngado hidhni syte . Morina ska lidhje me Berishen. Me shume mund te kete Mane. Po ja e zeme se ka?? Ca ti bejme tja shtetezojme pasurine e tja japim kllases punetore?! Rendesi ka qe ajo kompani e shenderruar ne germadhe nga drejtues hajduter, te paafte, injorant e te paskrupullt e me gjitha te tjerat brenda x xxx te zhvillohet. Pastaj Kontrolli i Pasurive te beje hetimet e veta per te gjithe drejtuesit e pas vitit 2005 perfshi dhe bordet Tu shikoj pasurite, shtepite, bizneset, pushimet, etj etj
Ti kujton se Haxhi Bardha e vuri pasurine me pune?Duke rrembyer toka ne Tirane ku ka bere shtepi,hotel,kafene,etj,etj
Ky Morina ska morra dhe jo 20 milione dollare. Shikoni kush fshihet pas tij? Nga raporti me i fundit I AMF ai eshte minus tre milione dollare ne detyrimet ligjore qe kerkohen per nje shoqeri sigurimesh si rezerva teknike. Normalisht po te kishim nje AMF eficiente ajo duhet ta kishte mbyllur Eurosigun. Tani na del se ai paska 20 milione te bleje INSIG. Do rrojme dhe do shohim kush fshohet pas Morines…
VIVA KUKESI!! Sepse Berisha ja fut kot edhe 15 milion eshte teper. Sdi si mund te shitet nje kufome aq. Qe me hikjen e Fatos Nanos, shume institucione kane mbaruar. Edhe tek ky 15 milionshi ne drejtimin e tij jane vene njerez qe kane percuar mendesite e kryeministrave. deri ne 2013 katundari pas 2013 cmenduri.