Si gjithë qeveritarët e këtij vendi, Edi Rama nuk i shpëton dot tundimit për ta mikluar arrogancën me thënie të kripura, që çunat e Tiranës i thonë “të forta”, ndërsa latinët “batuta”. Në intervistën e fundit pamë një kryeministër nervoz që u kërlesh me Fevziun, thua se gazetari ishte votuar për të përfaqësuar opozitën dhe atë e kishte zgjedhur populli për të bërë gërrnjarin në studio. Në mes shumë “të fortave”, hakërrimeve, akuzave, gjuhës së trupit, Edi Rama gjeti pak dekika për ta futur shoqërinë civile në arkëmort.

Me thënë të drejtën mendova që fill pas kësaj shpallje vdekje, shoqëristët civilë do të shkonin dhe do i zinin derën me protesta kryeministrit qysh në Klan, por atë natë binte shi i madh dhe frynte erë, kështu që demonstruesit do e kenë lënë këtë punë për më vonë. Kanë dëgjuar si ninullë “Bandiera rossa” dhe ia kanë këputur gjumit. Tek e fundit, ditë e re, nafakë e re. Të gdhinte e nesërmja, shpresova, dhe ka për ta parë ky arrogant që lëshon “të forta”! Edhe të nesërmen ishte mot i lig, madje edhe të shtunën e këndit të lojërave të liqenit. Pikërisht të shtunën dikush e pyeti kryetarin e Bashkisë a pati protesta tek liqeni dhe ai i tha serbes se ka patur shi, ndaj ka vetëm punime për këndin e lojërave, se protestuesit nuk duan të lagen. E premtja dhe e shtuna pastaj shkuan me Zylien që dha emrin e Xhevries, me Salianjin që nxitoi në Mazrek. Me një fjalë e vetmja shoqëriste civile që prodhoi fundjava ishte ajo zonja e moshuar nga katundet e Tiranës që shet labot tek dera e shkallës së pallatit.

Të djelën, moti ishte pak më bujar. Çoku dilte ndonjë arnë diell, ndaj shoqëristët u ngjeshën dhe u mbathën e i lëshuan kryeministrit një copë gur në derë. “Është guri i vorrit i Rilindjes”, thanë ata.

Këtë vaki në fakt e kanë bërë shumë të tjerë më parë, tani mund të ishin të dyzetat apo gjashtë muajt a viti, por meqë kryeministri tha për ta ca “të forta” dhe ata u munduan ta sfidojnë kryerilindasin me “të forta”. Problemi është se doli një fije plagjaturë. Morti ishte shpallur që të enjten dhe të djelën robi nuk ka pse grindet për kufomën.

Protesta, demonstrata, them se përfaqëson nivelin e zhvillimit të një shoqërie. Kur ajo jepet me zemër e shpirt pas një çështje, nuk ka si stepet, se bën kohë e mirë a e keqe. Ata qytetarë që dolën në shesh në Budapest në -10 gradë me logjikën e shoqëristëve tanë duhet të bënin protestë pas dritareve të odave, se jashtë ishte acar. Braktisja në këtë mënyrë e meidanit rrëfen mungesën e kauzës, vullnetit, dëshirës dhe pa dyshim një shoqëri ende të rëndomtë që merr flakë si kashta. Histerikë për ca ditë, grindavecë me sho-shoqin për ca të tjera dhe gjumashë për çka tepron gjatë vitit.

Ndaj, në 1 qershor Erjoni i pret t’i tundë tek lisharset e reja tek liqeni.

4 komente në “Shoqëristët që mërdhijnë”

Centauri.alb says:

14 Mars, 2016 13:37 te 1:37 pm

Titulli i këtij shkrimi mund të jetë fare mirë:

“Vajet Enkel Demit se përse shoqëria civile ja përton të plotsojë ëndrat dhe dëshirat e Enkel Demit”

Këta gazetarë, me axhenda inatesh, interesash dhe politikash personale, vërtet janë bërë një barrë e rëndë për median dhe për vetë opinionin publik, me gër-mëret, cic-micet dhe hiç-hiçet e tyre të përjargura e të zvaritura deri në perversitet.

Të kujtojnë Shportën e Karavidheve, ose Panairin e Kotësive, ose Dekorin e Funeralit të Pupetëve, ose Shoqatën e Bufonëve Seriozë, ose Klubin e Sharlatanëve të Akademisë së Medias së Liberale”

Nuk mund të vendos dot cilën etiketë të zgjedh, pasi duhet të konsultohem më parë me parapëlqimet e Lubonjës dhe Bushatit si dhe të …. hëm, nuk po dua të futem në sherr me kontribuesit opinionistë të Gazetës “Panorama”

Përgjigjjuni
elisabeta says:

14 Mars, 2016 13:48 te 1:48 pm

Nuk lini fjale te shkoje dem ju thashethemaxhinjte qe me pak se cdo gje tjeter ju dhimbset dhe ju intereson Shqiperia. Interesi personal ka qene gjithmone udherrefyesi juaj. Kryeministri edhe mund te kete shkare …ne ndonje fjale por ai kolegu juaj e ka humbur fare. Pike etike ne komunikim. Grindej gjithe kohen a thua se ishte manageri i kryeministrit. Edi rama ka rene shume, eshte bere shume me i durueshem edhe pse gjendet perballe presioneve te stisura ne me te shumten e kohes. Gjykimin per te do e jape populli edhe pse nuk e ka mundesine te hipi ne foltore si disa nga ju. Lereni te punoje se eshte i vetmi qe ka pasur nje vizion dhe po punon per ate vend. Juve ju ka rene hisja per lloqe po te pakten tregohuni realiste ju te ashtuquajturit “Gazetare”.

Përgjigjjuni
balli kombtar katunar says:

14 Mars, 2016 15:13 te 3:13 pm

hee hee!
shqiptaret!
aq sa merr vesh derri kush osht mreti,aq merr vesht edhe shqiptari sesi bohet shteti! e ka thon qinan hasan kudreti nga bregdeti.
shqiptarit jepi nji teke raki dhe dy koqe ve e nji salcice me gjz dhe kaq e ka lumnin!!
o shqiptar
ma ha kte kar
si panxhar
ne ar

Përgjigjjuni
msh says:

14 Mars, 2016 18:23 te 6:23 pm

Nga komenti i Elisabetes kuptohet se ka ende shqiptare me mend.

Përgjigjjuni