Lulzim Basha: Kërcënimi i Ramës për zgjedhje nëse s’miratohet reforma në drejtësi, është bllof

Pas takimit të djeshëm të Lulzim Bashës me ndihmëssekretaren amerikane të Shtetit, Victoria Nuland, PD ka lëshuar sot një deklaratë.

Në të, Basha shprehet se kërcënimi i Ramës për zgjedhje të parakohshme, nëse nuk miratohet reforma në drejtësi, është një bllof.

“Diskutuam për këtë impostim qesharak  të qeverisë, e cila duket sikur ka interes për reformën në drejtësi por në fakt nuk po bën asgjë për reformën në drejtësi. Ka dy javë që refuzon dialogun politik, pikërisht që të sabotojë reformën në drejtësi sepse nuk i intereson reforma në drejtësi sipas Venecias. Ndaj dhe impostimi o reformë o zgjedhje, nuk është gjë tjetër veçse një blof i Edi Ramës”, thotë Basha.

Megjithatë, ai shprehet se Nuland i ka premtuar që SHBA do ta ndihmojë Shqipërinë për zgjedhje të lira.

“Pata një takim jashtëzakonisht të mirë me Ndihmëssekretaren amerikane të Shtetit. Diskutuam për sfidat kryesore të Shqipërisë, çështjen e dekriminalizimit, reformë e vlerësuar posaçërisht nga sekretari Kerry në Tiranë dhe zhvillimet shumë negative pas vizitës së sekretarit Kerry në kushtrimin që Edi Rama i dha personave me rekorde të tmerrshme kriminale. Kjo është një shenjë ogurzezë se Edi Rama nuk ka ndërmend të ndahet nga krimi por ka ndërmend ta përdorë përsëri krimin e në fakt po mbështet te krimi, pasi e ka krimin shpresën e tij të vetme për të kapur dhe prishur zgjedhjet e ardhshme parlamentare. Duke mos pasur asnjë siguri dhe asnjë shpresë se shqiptaret do t’i besojnë, e duke pasur te gjitha garancitë se shqiptarët do ta ndëshkojnë keqqeverisjen e tij për krimin dhe për korrupsionin.  Kjo vë në dyshim dhe motivet e Edi Ramës për reformën në drejtësi, tani që Komisioni i Venecias e ka bërë të pamundur për të, të kapë drejtësinë, të kapë prokurorin, të jetë vete kryeprokuror dhe kryegjyqtar i Shqipërisë.

Opozita ka vullnetin dhe vendosmërinë për të dhënë të gjithë kontributin e saj për reformën në drejtësi, për një drejtësi që do t’u shërbejë qytetarëve, jo politikanëve, që t’i shërbejë luftës kundër korrupsionit si një domosdoshmëri për Shqipërinë që të ecë përpara, që t’i shërbejë luftës kundër krimit, t’i shërbejë pra çmontimit të oligarkisë që është përgjegjëse për krizën ekonomike, për varfërinë, për papunësinë dhe për dëshpërimin që ka kapluar Shqipërinë dhe shqiptarët.

Zgjedhjet e lira dhe të ndershme ishin një tjetër temë shumë e rëndësishme e diskutimeve të mia me Ndihmës- sekretaren e Shtetit Nuland, ku ashtu si gjatë takimit me sekretarin Kerry në Tiranë, mora mbështetjen e plotë për të ndihmuar Shqipërinë të realizojë zgjedhje të lira dhe të ndershme si një parakusht për të ecur përpara për zhvillimin e saj dhe në rrugën drejt integrimin në BE”, thotë Basha, që në takimin me Nuland nuk kishte asnjë nga anëtarët e tjerë të delegacionit që po viziton SHBA-të.

“Vrasësit në Uashington që kërkojnë drejtësi, ndërsa Rama merret me Blushin dhe e harroi Gërdecin e 21 janarin”

11:14 Politika

Spartak Ngjela: Blushi ishte nën nivelin e detit dhe tani u bë protagonist, por ai s’ka bërë asnjë betejë politike

10:25 Politika

A mund të kërkojë Blushi të drejtojë PS-në, kur kërkon largimin e saj nga pushteti?

10:15 Politika

Koço Kokëdhima: Nuk e synoj postin e Gramoz Ruçit

09:36 Politika

INVESTIGIMI/ Problemet financiare të Damir Fazlliç marrin tatëpjetën, në pikëpyetje terminali multimilionësh i naftës dhe gazit në Shqipëri

09:27 Politika

Vrasja në Bllok, viktima kishte një lidhje intime me diplomaten e Ambasadës franceze

09:23 Politika

Franca e alarmuar për lirimin e të "fortit" të "Rrugës Bardhyl" që akuzohet për 8 vrasje, letër Nishanit dhe Ramës

09:14 Politika

Vrasjet mafioze gjatë ndeshjeve të futbollit: Nga Çobo, tek Miri i Xhikes

22:55 Politika

Blushi tregon barcaleta: Më përgjojnë telefonin dhe njerëzit tani më shajnë në telefon, që të punësohen (thotë se do rrëzojë qeverinë)

22:48 Politika

Pittella kundër Blushit: Rama e meriton konfirmimin si kryetar i PS-së

20:30 Politika