Gjyqet ndaj gjyqtarëve dhe prokurorëve, Haxhi Giu ‘sëmuret’ befas

Kur bëhet fjalë për zyrtarët nën gjykim, shumica e tyre sëmuren befas. I tillë është edhe rasti i prokurotit Haxhi Giu, i cili mungoi në seancën e parë gjyqësore kundër tij, me argumentin se po trajtohej në spitalin e burgut.

Por Drejtoria  e Burgjeve tha për Top Channel se prokurori Giu ndodhet në paraburgim dhe jo në spital. Nga ana e saj, gjykata jo vetëm që e konsideroi të mirëqenë pretendimin e mbrojtjes, por edhe caktoi një mjek kardiolog që të konstatonte gjendjen e tij shëndetësore.

Por ndërsa prokurori mungonte, i bashkë-akuzuari me të Aleks Shpori, jo vetëm që ishte mirë nga gjendja shëndetësore, por u paraqit në gjykatë, ndonëse nuk mbrohej me avokat.

Shpori është familjari i një të arrestuari, për të cilin prokurori Giu kishte premtuar të zbuste masën e dënimit në këmbim të një shume parashë. Në gjykim, por i lënë i lirë për shkaqe shëndetësore, është edhe prokurori Fierit, Petrit Vukaj.

Brenda ditës u zhvillua procesi edhe për ish-gjyqtarin e Sarandës, Rasim Doda, i cili ka të njëjtën akuzë, atë të korrupsionit, pasi sipas prokurorisë, gjyqtari ka kërkuar para në këmbim të dhënies së një vendimi.

Doda akuzoi në seancë ish-ministrin e Drejtësisë Nasip Naço, pasi sipas tij ka orkestruar arrestimin e tij, ndërkohë që implikoi edhe një punonjës të Gjykatës së Sarandës që del në përgjime duke folur me kallëzuesin.

Sipas Dodës, specialisti i IT së gjykatës ka ndërhyrë në kompjuter duke vendosur një vendim të padhënë prej tij.

Deri tani Gjykata e Krimeve të Rënda ka dënuar për korrupsion gjyqtaren e Lezhës me katër vjet burgim dhe me 3,5 vjet burg gjyqtarin e Pogradecit.

Tritol makinës së biznesmenit vlonjat Vasil Bedinaj, pronar i resortit "Radhima"

14:13 Kronika

Familja Muça e quan kriminale lirimin e Nazimes që vrau Ismailin

13:34 Kronika

Vrasja mes kushërinjve për hashash, PD akuzon policinë qe nuk po kap vrasësin

12:02 Kronika

FOTOT/ Ja tre tutorët e prostitutave të Bllokut, që merrnin nga 100 deri në 300 euro

12:04 Kronika

Nishani vë "dorën në zemër", fal Nazime Vishën

10:58 Kronika

Aksident tragjik në Kavajë: Vdesin dy djem e një vajzë

09:35 Kronika

Gjinishi: Në Tiranë po shpërndahen trakte, “Të vriten ata që nuk besojnë”

07:12 Kronika

Shkoder, plagoset biznesmeni Berhan Vishnja

08:05 Kronika

Ministri Tahiri mban premtimin, publikon numrin personal në çdo Komisariat

16:21 Kronika

"Shpërdorim detyre", prokuroria kërkon 1 vit burg për Myqerem Tafaj. Vendimi në prill

14:16 Kronika