Te fundit
Armand Shkullaku: Pse ju bën përshtypje thirrja e Berishës për armatosjen, dhe jo heshtja e LSI-së
27 Prill 2016, 10:37Kronika
TEMA
Armand Shkullaku thotë se reagimi i PS-së ndaj thirrjes së Sali Berishës për armatosjen e popullsisë kundër qeverisë, është thjesht një shou.
Sipas tij, PS do të tërheqë vëmendjen nga çështja Shullazi.
Por, Shkullaku thotë se PS dhe mediat që sipas tij janë pranë saj, kanë anashkaluar heshtjen e LSI-së ndaj thirrjeve të Berishës.
“Do të ishin në të drejtën e tyre jo vetëm ta denonconin propozimin e Berishës, por edhe të kërkonin një qëndrim moral e politik të pjesës tjetër të PD-së, nëse vërtet do ta mendonin atë si një skandal. Por si PS-së, ashtu dhe mediave të saj, nuk u intereson në thelb thirrja e Berishës, por zhurma e ngritur prej saj. Apeli për distancim dhe dënim është hipokrizi e pastër politike dhe jo një qëndrim që provokohet në emër të interesit apo shqetësimit qytetar. Mjafton për këtë të shihet se si ky qëndrim i zjarrtë vjen duke u tredhur kur i afrohet LSI-së.
Ilir Meta, lideri tjetër i mazhorancës dhe kreu i Kuvendit, nuk mori pjesë në mbledhjen e Byrosë që vendosi përjashtimin e Sali Berishës. LSI deri më sot nuk ka thënë asnjë fjalë për “skandalin e armatosjes” dhe ka treguar hapur se nuk ka të njëjtin hall si PS dhe pjesa tjetër e qeverisë, për ta përjetuar ngjarjen në fjalë si një tragjedi kombëtare. Indiferenca e LSI kontraston fort me alarmin e Edi Ramës dhe aksesorëve të tij, duke nxjerrë zbuluar armatosjen e tyre për të çarmatosur Sali Berishën.
Këta të fundit, Edi Rama dhe mediat e tij, nuk thanë asnjë fjalë për Ilir Metën dhe LSI-në. Nuk u bëri asnjë përshtypje dhe nuk kërkuan ndonjë qëndrim prej partnerit të mazhorancës. Ata që i bënë thirrje PD-së për distancim nga Berisha, nuk guxuan t’ia përmendin LSI-së pajtimin në heshtje me ish-kryeministrin. Madje pati komente që shkëlqyen si diamante në pellgun e interesave, që këtë qëndrim të Metës e shihnin si një lëvizje tepër inteligjente për ta mbajtur mirë me të dyja palët.
Standardi i dyfishtë i Ramës dhe mekanizmit të tij propagandistik, që doli zbuluar për shkak të LSI-së, dëshmon se diabolizmi për ta përdorur thirrjen e Berishës, ishte e vërteta që fshihej pas gjoja shqetësimit për të. Se vala e mallkimeve dhe predikimeve ishte kurdisur për të fashitur një tjetër debat, në të cilin Sali Berisha ka qenë denoncuesi kryesor. Atë të lidhjeve të segmenteve të qeverisë, policisë dhe zyrtarëve të tjerë të rëndësishëm me krimin e organizuar. Një debat që u rindez me arrestimin e Shullazit dhe që po shpresohet të mënjanohet me metodën e vjetër, atë të denoncimit të Sali Berishës.
Mirëpo këtë herë, mediat pranë Ramës ka qëlluar të jenë ngjitur edhe me Ilir Metën, dhe skandalizimi me PD që nuk distancohet me Berishën, ndërkohë që pranohet si normalitet LSI që nuk del kundër Doktorit, e çarmatos keq betejën e madhe kundër armëve. Edi Rama nuk është i shqetësuar se thirrja e Berishës do të armatosë qytetarët, por është në alarm që këta të fundit po e shohin çdo ditë të çarmatosur përballë krimit të organizuar. Dhe nuk zgjedh të përballet me këtë situatë të rëndë, por zgjedh ta mbulojë atë, duke u rënë sirenave të një alarmi të rremë”, shkruan Shkullaku për Mapon, që nuk i ka bërë përshtypje thirrja e Berishës për armatosje, po pse nuk e ka denoncuar LSI Berishën dhe pse mediat nuk janë marrë me këtë fakt.
2 komente në “Armand Shkullaku: Pse ju bën përshtypje thirrja e Berishës për armatosjen, dhe jo heshtja e LSI-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje palo analize e nje gjarperi qe vjell, si gjithmone vetem helm! Te pelqejne shume teorite konspirative, por edhe kete e aplikon shume turpshem. E mbaj vehten si analist dhe merresh me sofizma , qe nuk kane asnje vlere dhe nuk te shqetesojne klithmat e saliut tend te dashur = armatosuni ! Je I neveritshem!
HESHTJA E METES NA BEN GJITHMONE PERSHTYPJE ?