Te fundit
Komiteti Shqiptar i Helsinkit përshëndet punën e Tahirit për adresat
13 Maj 2016, 19:30Sociale
TEMA
Komiteti Shqiptar i Helsinkit përshëndet punën e Tahirit për adresat.
KSHH u ka dërguar një letër falënderimi qeverisë, parlamentit dhe përfaqësuesve më të lartë diplomatike në vendin tonë, në lidhje me projektin e regjistrimit të integruar të adresave dhe shtetasve shqiptarë.
Në krye të letrës përshëndetet puna e Ministrit të Punëve të Brendshme Saimir Tahiri për këtë projekt që sipas KSHH do t’i shërbente ndërtimit të një “sistemi adresash të dixhitalizuar”.
“KSHH beson se kjo nismë do të garantonte jo vetëm mbledhjen e taksave të pasurisë, por edhe hartimit të listave më të sakta të zgjedhësve, para zgjedhjeve parlamentare të vitit 2017,” theksohet në letrën në fjalë.
KSHH tërheq vëmendjen dhe e konsideron njëherësh të papranueshme dhe të pajustifikueshme faktin që deri më sot nuk kemi një sistem adresash të sakta dhe të plota.
Sipas tyre, në mbi 15 vjet, në raportet pas-zgjedhore të OSBE/ODIHR, është nënvizuar ndikimi negativ që ka pasur kjo zbrazëti në hartimin e listave të zgjedhësve.
Letra e KSHH u është dërguar njëherësh komisionit parlamentar për reformën zgjedhore, ministrave Tahiri e Çuçi, ambasadorëve të OSBE, BE, SHBA, Gjermanisë, Hollandës, Këshillit të Europës.
Ministri Tahiri ka zhvilluar disa takime në komisionet parlamentare dhe me publikun e gjerë, brenda dhe jashtë vendin në lidhje me procesin e regjistrimit të shtetasve në Shqipëri dhe atyre që kanë emigruar.
Lini një Përgjigje
Më të lexuarat
24 oret e fundit
Javen e fundit
Blog Tema
