Asambleja e NATO-s në Tiranë/ Kodheli: Të hapet partneriteti me Kosovën

Ministrja e Mbrojtjes znj. Mimi Kodheli mori pjesë në sesionin e pranverës së Asamblenë Parlamentare të NATO-s, e cila po zhvillon punimet në vendin tonë.

E pranishme në Komitetin e Sigurisë dhe Mbrojtjes të kësaj asambleje, ministrja Kodheli ndau me pjesëmarrësit në këtë asamble, disa nga çështjet më të prekshme për Aleancën tonë, brenda dhe jashtë kufijve të saj, siç janë kërcënimet dhe sfidat.

Duke folur për sigurinë në kufijtë e NATO-s, ministrja Kodheli përsëriti qëndrimin e vendit tonë se aneksimi i Krimesë nga Rusia ishte i paligjshëm. Ajo dënoi aktivitetin e vazhdueshëm të Rusisë të ushtruar përreth zonës në Ukrainë, kërcënimet dhe retorikën e saj kundër NATO-s.

Sa i përket situatës në Lindjen e Mesme, ministrja Kodheli “Pranverën arabe” e cilësoi si “Dimër arab.” “E keqja ka gjetur burimin e saj në një vend pjellor, e cila u shfaq dhe u rrit me një dhunë ekstreme. I ashtuquajturi “Shteti Islamik” (Daesh) dhe grupe të tjera terroriste, të frymëzuar nga fenomeni i luftëtarëve të huaj në të gjithë botën, janë një kërcënim real jo vetëm për Lindjen e Mesme dhe Afrikën e Veriut, por edhe për shoqëritë tona. Gjithashtu ngjarjet tragjike në Ankara, Paris, Bruksel dhe në vende të tjera, janë një mesazh i qartë për qëllimin që ata kanë.” – tha ajo.

Ministrja Kodheli vuri theksin te rajonet që mund të preken lehtësisht nga krizat dhe trazirat ndërkombëtare, një prej të cilëve sipas saj është edhe ky i yni. “Ballkani Perëndimor është relativisht larg nga Rusia dhe Lindja e Mesme, por është i ndikuar kryesisht nga paratë dhe ideologjia e Moskës dhe fundamentalizmit. Ky rajon është udhëkryqi i cili bashkon Lindjen me Jugun, dhe ku janë të pranishme kërcënimet dhe sfidat e sotme.” – tha ministrja Kodheli, e cila shprehu pikëpamjet e saj për parandalimin e këtij rreziku. “Në një kohë ku na duhet të përballemi me konflikte të tilla, konfliktet e tjera të mundshme mund të parandalohen lehtë nga proceset e integrimit. Integrimi është një proces i cili përhap stabilitet dhe siguri, dhe ofron një nxitje të rëndësishme për vendet që aspirojnë të ndërmarrin reforma demokratike.

Ministrja Kodheli përshëndeti nënshkrimin e Protokollit të Pranimit nga ministrat e Jashtëm të NATO-s dhe Malit të Zi dhe përsëriti politikën e “dyerve të hapura” të Aleancës, duke inkurajuar të gjitha vendet e rajonit në përpjekjet e tyre për t’iu bashkuar NATO-s. Ajo gjithashtu shprehu mendimin se “ka ardhur koha që NATO të hapë një faqe të re të dialogut të strukturuar dhe të partneritetit me Kosovën.”

Zonja Kodheli solli në vëmendje edhe mënyrën e adresimit të sfidave të sigurisë. Sipas saj i rëndësishëm është ndërtimi i një koncepti dhe qëndrimi të përbashkët në frontin e sfiduesve dhe kundërshtarëve tanë.

Sa i përket angazhimeve të Shqipërisë që rrjedhin nga Samiti i Uellsit, ministrja e Mbrojtjes Mimi Kodheli vuri në dukje rritjen e buxhetit të mbrojtjes. ”Këtë vit Shqipëria ndaloi trendin e rënies 7 – vjeçare në shpenzimet e mbrojtjes. Buxheti i mbrojtjes për vitin 2016 ka një rritje prej 12% në terma reale, në krahasim me vitin 2015 dhe ky është një tregues se Shqipëria qëndron besnike në vendimet e marra në Uells.” – tha ajo, duke vijuar me kontributin e vendit tonë në misionet ndërkombëtare. “Këtë vit ne do të rrisim nivelin e pjesëmarrjes në Misionin Resolute Support, në Afganistan. Shqipëria po kontribuon në rritjen e forcave të reagimit të NATO-s, Task Forcën e Përbashkët e Gatishmërisë së Lartë (Very High Readiness Joint Task Force) me një kompani këmbësorie për periudhën 2016-2018. “Jemi në proces eksplorimi për të mbështetur përpjekjet e koalicionit anti-ISIS në terren dhe jemi të interesuar për t’u përfshirë në operacionin detar të NATO-s në Detin Egje, për të ndihmuar në krizat e migrimit. Në kuadër të BE-së, që nga nëntori 2015, ne kemi dërguar një ekip EOD në Mali dhe jemi duke kontribuar me oficer të shtabit në ALTHEA, Bosnje-Hercegovinë.” – tha ajo.

Në përfundim, ministrja Kodheli shprehu shqetësimin e saj për fenomenin e “luftëtarëve të huaj”, për të cilët ajo tha se “ushqejnë organizatat terroriste në Lindjen e Mesme dhe Afrikën e Veriut.” Ajo gjithashtu i njohu ligjvënësit nga parlamentet e vendeve anëtare të Aleancës, me përpjekjet e Shqipërisë për ngritjen në vendin tonë të një qendre ekselence të NATO-s, për të studiuar këtë fenomen. “Pas diskutimeve dhe koordinimin në të dyja nivelet, atë të NATO-s dhe bilateral, tani jemi në fazën e përshpejtimit të përpjekjeve tona për të krijuar një Qendër Ekselence të NATO-s në Shqipëri kundër fenomenit të “foreign fighters” (luftëtarëve të huaj).” – tha zonja Kodheli.

Në Komitetin e Sigurisë dhe Mbrojtjes të kësaj asambleje mbajti fjalën e tij edhe shefi i Shtabit të Përgjithshëm të Forcave të Armatosura të Shqipërisë, gjeneralmajor Jeronim Bazo. 

Gjithashtu ministrja e Mbrojtjes znj. Mimi Kodheli dhe shefi i Shtabit të Përgjithshëm të FA-ve gjeneralmajor Jeronim Bazo, morën pjesë në diskutime dhe iu përgjigjën pyetjeve të parlamentarëve të vendeve anëtare të NATO-s, pjesëmarrës në këtë asamble.

Në Asamblenë Parlamentare të NATO-s e cila po zhvillon punimet në Tiranë në datat 27-30 maj, marrin pjesë rreth 260 delegatë nga parlamentet e 28 vendeve anëtare të NATO-s.

Kjo asamble shërben si organizatë konsultative ndërparlamentare për Aleancën e Atlantikut të Veriut (NATO) .

Romët e helmuar në Kosovë presin drejtësinë nga OKB

11:15 Rajoni

New York Times për Kosovën: Arabia Saudite po e shkatërron vendin

12:19 Rajoni

Kryeministri i Bullgarisë Borisov, si "Golden Boy" i Brukselit

10:11 Rajoni

Rishfaqet Martin Shkreli: Do të bëhem Mbreti i Shqipërisë

19:30 Rajoni

Ivanov tërheq vendimin për faljen e politikanëve, Gruevski tani rrezikon burgun

17:41 Rajoni

Greqia kushtëzon integrimin me varret?

16:05 Rajoni

Këngët e vjetra partizane kanë “potencial të ri revolucionar”

11:33 Rajoni

Ligji i luftës, në reciprocitet. Bushati përfshin edhe varrezat...e grekëve

20:06 Rajoni

Shqiptarët e Kosovës protestojnë ndaj vendimit gjyqësor për Deçanin

16:35 Rajoni

Gjakmarrje në xhami: Shqiptari para gjyqit për vrasje në Zvicër

11:57 Rajoni