Koço Kokëdhima mbështet PD-në për votimin elektronik

Ish-deputeti socialist, Koço Kokëdhima, është në një linjë me Partinë Demokratike, për votimin elektronik.

Sipas tij, votimi elektronik është një domosdoshmëri.

“Shqipëria ka një sistem politik e kushtetues jofunksional, pothuajse të kalbur dhe të korruptuar. Kjo situatë e ka fillesën te sistemi i pabesueshëm elektoral. Në Shqipëri politika nuk është një treg i hapur ku do të konkuronin lirshëm platformat, idetë, programet, alternativat dhe individët. Administrimi i procesit të votimit dhe numërimi i votës janë lehtësisht të cënueshëm dhe me kosto të larta për shoqërinë.

Në administrimin dhe bërjen e zgjedhjeve kontribuojnë mijëra shqiptarë të mirë, të ndershëm dhe idealistë, që e duan vendin dhe janë të ndërgjegjshëm për rolin jetik të zgjedhjeve të lira e të ndershme për të gjithë ne. Ndërkohë, të ashtuquajturit “heronj” të partive në këtë proces, në një masë jo të vogël, historikisht janë shpërblyer me poste pune, të drejta, shërbime, pasuri etj.

Me këtë shpjegohen pjesërisht edhe shumë nga ato histori të këqija kur në krye të punëve e në drejtim vendosen njerëz pa vlera e merita, të inkriminuar, të pashkolluar, me diploma false, të pasjellshëm e të urryer nga qytetarët. Unë kam drejtuar zgjedhjet nga Partia Socialiste në vitet 2013 dhe 2015 në disa nga bashkitë e jugut, në Qarkun e Vlorës, dhe garantova atje një proces absolutisht të pastër votimi e numërimi.

Në të shkuarën, nuk kam qenë pjesë e elitës politike të këtij vendi. Megjithatë, gjithmonë kam besuar se krimi më i rëndë ndër të gjitha krimet që janë kryer në Shqipëri, është vjedhja e votës dhe kompromentimi i sistemit elektoral. Këtë krim, që e shkatërroi këtë vend, e mbolli Salih Ramë Berisha i ndryshuar në Sali Ram Berisha. Partitë politike shpesh herë në të shkuarën janë sjellë si “banka” votash. Ato kanë “kredituar” parti apo individë pavarësisht si e ka adresuar populli votën.

Për këtë arsye vazhdojnë të rrijnë në treg partiçka dhe individë që në politikë s’kanë asnjë mision tjetër veçse të bëjnë fitime përmes korrupsionit. Votimi elektonik do ta lehtësonte Shqipërinë nga kjo situatë dhe do shënonte një progres të madh drejt shëndoshjes së sistemit politik dhe institucioneve kushtetuese. Pa një sistem elektoral të pastër e të besueshëm, asnjë reformë tjetër e sistemit kushtetues nuk do të japë rezultatet që do të dëshironim”, shprehet Kokëdhima.

PS ndërkohë nuk është shprehur ende për këtë kërkesë të PD-së, që mbështetet edhe nga Kokëdhima.

E vërteta e fotos së zyrës së ministrit të përfshirë në skandal seksi

23:56 Politika

Artur Zheji: Pashë sekuenca të videos me tranvestitin, janë ofruar 2 mln euro për ta blerë (të tjerë flasin për një kryebashkiak)

23:53 Politika

Alfred Peza: Rroshi, i larguar nga PS. Rikandimi i tij për Kavajën deklaratë emocionale

21:47 Politika

Bujar Nishani: Na kanë përgjuar të gjithëve, ajo që më ka thënë Peza dhe Veliaj është e paimagjinueshme

21:05 Politika

REPLIKA/ “Me gjakun e socialistëve të thjeshtë ngjyeje penën për qejf”

19:50 Politika

Në pritje të lajmit “bombë” të bloqeve

19:21 Politika

Dorëhiqen nënkryetarët e LSI, Manjani e Gjosha, zgjedhjet për kryetarin më 30 tetor

19:42 Politika

Flamuri nuk bëhet pis!

18:33 Politika

Arian Galdini: Mbiemrin e kam ndryshuar për shkak të besimit tim

18:29 Politika

Ilir Meta: Reforma në drejtësi sot, nesër është vonë

18:20 Politika