Te fundit
Bankat: Sipërmarrësit e mëdhenj janë në “gjumë”. Biznesi nuk kërkon kredi
4 Qershor 2016, 17:03Ekonomia
TEMA
Shoqata e Bankave thotë se ngërçi i kredisë është i lidhur me përgjumjen e biznesit të madh.
“Nuk po lëviz biznesi i madh. Ajo që e ndikon kredinë janë portofolat e mëdha. Projektet e mëdha që ndërmerr biznesi i madh. Nga kontaktet që kemi me bankat vihet re që nuk ka projekte nga këto biznese ende. Por biznesi i vogël dhe deri diku edhe ai i mesëm është duke lëvizur”, u shpreh Spiro Brumbulli, sekretar i përgjithshëm i Shoqatës së Bankave.
Në prill kredia për ekonominë ishte sipas Bankës së Shqipërisë 1.6 për qind më e ulët se një vit më parë. Spiro Brumbulli thitë se bankat janë të hapura për të dhënë kredi të reja, por sipas tij problemi qëndron tek kërkesa.
“Ka një ngërç nga individët dhe nga biznesi për të kryer blerje, për të marrë përsipër risqe, për të kryer investime të reja”, tha Spiro Brumbulli.
Sipas tij, ky hezitim i biznesit dhe individëve për të marrë përsipër risk është i lidhur edhe me atmosferën e përgjithshme të ekonomisë.
“Ndoshta fakti që ekonomia nuk po rritet më shumë se 2 apo 3 për qind, ndoshta fakti që të rinjtë e kanë të vështirë të gjejnë punë, e të tjera arsye krijojnë një lloj pengese për një zhvillim më të zhurmshëm”, shprehet sekretar i përgjithshëm i Shoqatës së Bankave.
Në programin e reformave ekonomike 2016-2018, qeveria e konsideron ngërçin e kredisë si një nga rreziqet më të mëdha për konsolidimin e rritjes ekonomike./ TCH
1 komente në “Bankat: Sipërmarrësit e mëdhenj janë në “gjumë”. Biznesi nuk kërkon kredi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos genjeni gjithmon interesi i kredive ne SHQIPERI ka qene ne nivele te latra sa bisnesi eshte trembur,sdo mente qe banka duhet te fitoje por jo ne permasa te tipit (usura) se dhe dhenja e kredise eshte nje investim per banken,por kjo varet se banka e bene investimin afat gjate te sigurte ,afatshkurter te dyshimte ,apo afat shkurter me humbje dhe me perqindje te larte,tani sa kohe duhet qe bisnesi te dale kolapsi i trembjes?.