Te fundit
Skanimi doganor, i paligjshëm. OKB: Qeveria ta heqë menjëherë
22 Qershor 2016, 17:13Ekonomia
TEMA
Organizata e Kombeve të Bashkuara i ka kërkuar qeverisë shqiptare të anulojë urgjentisht tarifën e skanimit prej 22 eurosh, që bizneset detyrohen të paguajnë për çdo deklaratë doganore në doganë.
Përmes një raporti voluminoz për procedurat dhe barrierat tregtare në Shqipëri, Komiteti Ekonomik për Europën në OKB e cilëson tarifën, një taksë antiligjore.
“Tarifa paguhet edhe kur ngarkesa nuk skanohet, e madje edhe në pikat doganore ku nuk ka fare skanera të instaluar. Kjo është një praktikë e papranueshme. Ajo krijon një taksë efektive, e cila nuk është bazuar në ligj, ndaj duhet të hiqet”.
Qeveria konfirmoi raportin, por Ministria e Financave tha për Top Channel se, qeveria është e pafuqishme për ta anuluar tarifën, pasi kjo do të penalizonte Shqipërinë me një kosto mbi 300 milionë dollarë në Arbitrazh.
Koncesioni i skanimit zë fill në vitin 2011, kur qeveria e atëhershme miratoi një bonus prej 8 pikësh për kompaninë “Rapiscan”. Më vonë, kjo kompani u shpall fituese në tender dhe në prill të 2013-s, kur vendi thuajse kishte hyrë në fushatë elektorale, Parlamenti e miratoi koncesionin.
Sipas kontratës, kompania përfitonte 39 euro për çdo deklaratë doganore. Pas zgjedhjeve, qeveria e re tentoi ta anulonte kontratën, por “Rapiscan” e paditi Shqipërinë në Arbitrazh duke kërkuar 350 milionë dollarë dëmshpërblim. Pas padisë, qeveria rihapi negociatat me kompaninë, përmës të cilave kontrata u rishikua dhe tarifa u ul në 22 euro për deklaratë.
Por, edhe pas rishikimit biznesi ankohet se koncesioni ka rritur kostot, duke penalizuar sipërmarrjen dhe dëmtuar konkurrueshmërinë e bizneseve shqiptare./TCH
4 komente në “Skanimi doganor, i paligjshëm. OKB: Qeveria ta heqë menjëherë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ti paguaje sala-xeni-gita 350 milione dollaret dhe koncensioni te anulohet. nqs eshte i paligjshem te cohet ne gjykate dhe gjykata tja ngarkoje barren e demshperblimit prej 350 milion dollaresh ministrit dhe kryeministrit qe kane firmosur kete koncension
Gjoba “bode”
Qeveria jo qe duhet ta heqi menjehere por edhe humbjen ne gjykaten nderkombetare tia faturoje atij qe e dha ate koncesion te paligjshem dhe ne dem te bisnesit dhe tju pergatite dosjet per ne prokurori per te gjitha tenderat dhe koncesionet e dhena ne kundershtim dhe ne dem te mireqenies se publikut.
Gjoba t’u ngarkohet Bodes dhe Berishes!
Nje qime floku eshte per ata!