Te fundit
Ish-ministri Ilir Zela: Presidenti nga populli? Pa kompetenca i mbeten çelësat e kashtës
29 Qershor 2016, 18:50Politika
TEMA
Ish- kryetari i parë i Forumit Rinor Socialist, njëherësh ish-deputet dhe ish-ministri socialist, Ilir Zela, është shprehur kundër nismës Blushi-Hafizi në lidhje me zgjedhjen e Presidentit të Republikës në mënyrë të drejtëpërdrejtë me votim popullor, nëse i reduktohen kompetencat.
Teksa ka reaguar lidhur me propozimin e 10 deputetëve për të ndryshuar mënyrën e zgjedhjes së Presidentit të Republikës, duke e kaluar atë me votim popullor dhe jo nga Kuvendi, ai thotë se nuk i shërben askujt.
Përmes një postimi në adresën e tij rrjetin social facebook, Zela nënvizon se zgjedhja nga populli e Presidentit nuk ka vlerë, nëse ai nuk ka kompetenca. “Presidenti nga populli? Padyshim po! Por kjo nuk ka asnjë vlerë nëse presidentit i mbeten vetëm çelësat e kashtës.
Duhet që deputetët të zgjidhen nga populli me lista të hapura. Duhet që qeveritë të ndjehen llogaridhënëse para Kuvendit. Duhet që drejtësia të jetë e ndershme dhe e pavarur që të dënojë hajninë dhe krimin!”, shkruan ish-ministri Zela.
Njëherësh ai nënvizon faktin nëse është pjekur demokracia shqiptare për të bërë një zgjedhje të tillë madhore, pra kreun e shtetit direkt nga populli.
“Duhet rilindur konkurrenca në ekonomi, në politikë e në çdo fushë, ku monopolet shkërmoqin konkurrencën. A është pjekur demos-i shqiptar sa t’i kërkojë dhe t’i meritojë këto bekime të provuara të demokracisë?”, pyet Zela përmes rrjetit facebook.
2 komente në “Ish-ministri Ilir Zela: Presidenti nga populli? Pa kompetenca i mbeten çelësat e kashtës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse Blushi,nuk e di ?
Po perpiqet qe vendin e Presidentit,t’ja kaloi “popullit”,se ju dogj barku !
“Per inat te vjerres,Blushi fle me mullixhesen”,kerkon te dobesoj pushtetin e kualicionit te majte,per humbur pushtetin.
Blushi e shikon humbjen e PS,si te vetemen alternative te shkaterimit,per te erdhur ne krye te PS.
Kjo eshte per te qare. Ne shqiperi politika behet ne Facebook.