Klosi: Nga 1 gushti pensionet rriten me 1.6 përqind, përfitojnë 635 mijë pensionistë

Qeveria shqiptare miratoi sot rritjen e pensioneve për 635 mije pensionistë në bazë të indeksit të çmimeve. Rritja që nis që nga data 1 gusht është 1.6 përqind. Vendimi u bë i ditur nga ministri i Mirëqenies Sociale pas mbledhjes së qeverisë.
Ndërkohë që pritet të rriten dhe pagat e ulta, një vendim ky i paralajmëruar kohë më parë dhe në parashikimin e bërë në buxhet, si dhe informacionet zyrtare të Ministrisë së Financave, duke treguar se ekonomia shqiptare ka nisur përmirësimin dhe shëndoshjen.

Po citojmë të plote postimin e deklaratës së Klosit:

Jam përpara jush për të bërë me dije vendimet e sotme të qeverisë. Edhe njëherë kam kënaqësinë që përmes jush të sqaroj të gjithë qytetarët shqiptarë miratimin e 4 vendimeve shumë të rëndësishme që lidhen me pensionet dhe skemën e kontributeve shoqërore, një angazhim madhor joni për ti dhënë fund kaosit që trashëguam në këtë institucion.

Si vendimin më të rëndësishëm të këshillit të ministrave, vecoj atë të rritjes së pensioneve.

Këshilli i Ministrave miratoi sot vendimin për rritjen e pensioneve në bazë të indeksit të cmimeve. Rritja e pensioneve do të bëhet për të gjitha kategoritë e pensionistëve dhe ajo do të jetë në masën 1.6 përqind.

Rritja e pensioneve 1, 6 përqind është më e lartë se një vit më parë, ku pensionet u rritën me 1.3 përqind dhe më e lartë se inflacioni i cmimeve të këtij viti, që është 1.2 përqind.

Dua të theksoj gjithashtu se rritja e pensioneve të këtij viti për herë të parë është përllogaritur mbi bazën e cmimeve të shportës së posacme të mallrave dhe shërbimeve për pensionistët. Kjo na ka dhënë mundësinë të bëjmë një rritje të pensioneve më të lartë se cmimet e inflacionit të shportës për pjesën tjetër të qytetarëve.

Rritja e pensioneve vë ne jetë premtimin tonë për vëmendjen ndaj kësaj kategorie, ndaj së cilës ndjejmë detyrimin madhor të mbështetjes së vazhdueshme.

Dua të theksoj gjithashtu se filozofia jonë e rritjes së pensioneve është e ndryshme nga ajo e paraardhësve tanë, të cilët pa asnjë lloj analize dhe në kundështim të hapur me ligjin, cuan drejt falimentimit skemën e kontributeve shoqërore.

Ndryshe nga kundështarët tanë polikë, që pa pikë cdo përgjegjësie, pënsionet i trajtuan si vendime politike elektorale, qasja jonë është krejtësisht e ndryshme. Vendimet tona për pënsionet, kaë në balancë rritjen e pensioneve dhe garantimin e qëndrueshmërisë së skëmës së kontributeve shoqërore.

Rritja e pensioneve, vendimi për të cilën u morr sot, do të zbatohet nga data 1 gusht 2016. Efektet financiare për zbatimin e këtij projektvendimi nga data 01.08.2016 dhe deri në 31.12 2016, llogariten në shumën 662 milionë lekë dhe do të përballohen nga fondet e planifikuara për rritjen e pensioneve në Buxhetin e Shtetit për vitin 2016, pra vetëm për gjysmën e mbetur të vitit.

Nga rritja e pensioneve e parashikuar në këtë projekt vendim do të përfitojnë rreth 635,000 pensionistë, prej të cilëve
– 461,000 janë pensione qyteti,
– rreth 142,000 janë pensionistë që marrin pensione fshati dhe
– rreth 32,000 janë pensione të parakohshme suplementare të ish-ushtarakëve, policëve dhe punonjësve të Gardës, të Shërbimit Informativ të Shtetit, të Policisë së Burgjeve, të Policisë së Mbrojtjes nga Zjarri dhe të Shpëtimit dhe punonjësve të Shërbimit të Kontrollit të Brendshëm në Republikën e Shqipërisë si dhe trajtime të veçanta, të ish-punonjësve të nëntokës, të industrisë ushtarake, ish-pilotëve, ish-ushtarakëve të nëndetëseve.

Edhe pas aplikimit te indeksit, pensionisti, krahas të ardhurave nga pensionisti do të vazhdojë të marrë të ardhura të tjera që jepen me vendime të veçanta të Këshillit të Ministrave.

Krahas vendimit për rritjen e pensioneve, qeveria miratoi sot edhe disa vendime të tjera.

Keshilli i Ministrave miratoi vendimin “ Per barazimin e mases se shteses se pensioneve te posacme shteterore…”

Vendimi rregullon një padrejtësi ndër vite ndaj një sërë figurash të vlerësuara, të artit, kulturës, sportit e shkencës, që kanë dalë në vite të ndryshme në pension dhe vendimet per pensionet e posacme per keto personalitete kane dale ne kohe te ndryshme. Këto pensione kanë qenë jo të barabarta, duke qenë se në vite të ndryshme trajtimet me pensione të vecanta kanë qënë të ndryshme. Për këtë shkak këto emra të shquar të këtyre fushave, ndaj të cilëve kemi të gjithë nderimin dhe respektin maksimal për kontributin që kanë dhënë , kanë marrë pension jo të barabartë.
Me anen e ketij Vendimi ne shmangim këtë padrejtësit, duke barazuam trajtimin financiar, përmes akordimin të shtesës së pensioni të posacem shteteror.
Sipas këtij vendimi parashikohet të përfitojnë 286 persona, të cilat aktualisht përfitojnë pension pleqërie, ose familjar dhe kanë kontribuar në fushën e shkencës, kulturës, arteve, ekonomisë dhe politikës.
Efektet financiare të këtij vendimi fillojnë nga data gushti i këtij viti. Fondi për këtë në gjysmën e dytë të mbetur të vitit, ështe 6 milion lekë dhe do të jepet nga Buxheti i Shtetit.

Edhe keto pensione indeksohen ne masen 1.6 perqind, si gjithë pensionet e tjera.

Këshilli i Ministrave miratoi gjithashtu edhe dy vendime të tjera që shkojnë në drejtim të përmirësimit të kritereve, rregullave dhe procedurave për përfitimin e pensionit. Janë bërë disa rregullime të tjera për disa kategori të tjera, që nga skema e vjetër e pensionit kishin pengesa apo problematika. Me këto vendime dhe të tjera që i kemi në shqyrtim do ti japim fund njëherë e përgjthmonë të gjithë kaosit që ishtë krijuar në skemën e kontributeve shoqërore, do tu japim fund padrejtësive, trajtimit të pabarabartë, burokracive, zvarritjeve e mundimit të qytetarëve shqiptarë për përfitimin e pensionit.

Jemi në krye të një pune voluminoze, titanike për rregullimin e të gjitha pabarazive dhe padrejtësive krijuar në vite, në skemën e kontributeve shoqërore.

Vendime të tjera do të marrim së shpejti në këtë drejtim, për të përmbushur atë që këmi premtuar: shërbimin e shpejtë e cilësor ndaj qytetarëve.

Manjani: Konsensusi PS-PD pa Venecian nuk do të kishte kuptim

14:41 Sociale

Udhëzimi i MAS, aplikimet për në universitete fillojnë në 1 gusht deri në 10 gusht

14:39 Sociale

EURALIUS dorëzon në Kuvend ligjin për vetingun të ripunuar

14:38 Sociale

Prishet konsensusi, Meta ndërpret vizitën në SHBA

14:35 Sociale

Polici tenton të shpërthejë derën, por kthehet në humorin e rrjeteve sociale

14:33 Sociale

Leopardi sulmon 10 persona në Indi, por e pëson keq

14:27 Sociale

Masakroi 19 persona, maniaku Japonez buzëqesh përpara kamerave

13:35 Sociale

VIDEO/ Lamborghini, vetëm për të pasurit? Ja përse e përdor ky fermer...

13:45 Sociale

Sonte në Zululand: Luçjan Bedeni thotë se "muzeun Marubi e vizitojnë shumë pak shqiptarë". Dhe flet për Pjetër Marubin e për të huaj të tjerë që kanë bërë historinë e Shqipërisë

20:21 Sociale

Mbyllet ndeshja e “Uefa Champions League”, Partizani-Salzburg me rezultatin 0-1. Të gjitha rastet e ndeshjes dhe goli me VIDEO

22:06 Sociale