Te fundit
Lajm i trishtë për artin shqiptar: Ndahet nga jeta aktori Demir Hyskja
6 Gusht 2016, 13:21Kulturë
TEMA
Ndahet nga jeta aktori i njohur në kinematografinë shqiptare Demir Hyskja. Lajmi konfirmohet nga familjarët e tij në Elbasan.
Aktori 79-vjeçar ndëroi jetë pasi prej disa kohësh ishte shtruar në spital dhe ndodhej në gjendje të rëndë.
Redaksia e Gazetës TemA shpreh ngushëllimet më të ndjerë për familjen Hyskja.
Kush ishte Demir Hyskja:
Demir Hyskja lindi në 1 janar 1937 në qytetin e Elbasanit. Arsimin fillor dhe të mesëm e kreu në qytetin e lindjes. Në vitet 1951-1955 përfundoi shkollën e mesme të ndërtimit. Teknik ndërtimi në vitet 1955-1962 dhe më tej aktor në teatrin “Skampa”. Gjatë punës 30-vjeçare në teatër ka realizuar mbi 50 role kryesore. Në Kinostudion “Shqipëria e Re” ka realizuar 24 filma artistike dhe dokumentarë. Është dekoruar disa herë me dekorata të shkallëve të ndryshme deri tek “Naim Frashëri i Klasit të Parë”. Në vitin 1969 nderohet me titullin “Artist i Merituar” dhe në vitin 1979 nderohet me titullin e lartë “Artist i Popullit”. Është zgjedhur katër herë radhazi deputet në Kuvendin Popullor.
Rolet që aktori Demir Hyskja ka luajtur
Dhe vjen një ditë – (1986)… Baki Branica
Kronikë e atyre netëve – (1986) (TV)
Hije që mbeten pas – (1985)… Babai i Agronit
Fushë e blertë fushë e kuqe – (1984)
Kohë e largët – (1983)… Kolin Stringari
Një emër midis njerëzve – (1983)
Nëntori i dytë – (1982)
Shokët – (1982)… Drejtori i uzinës
Dëshmorët e monumenteve – (1980)… mesues Andrea
Një ndodhi në port – (1980) … babai i Artanit
Me hapin e shokëve – (1979) (TV)
Një natë nëntori – (1979) (TV)
Përtej mureve të gurta – (1979)… Kasemi
Gjyshi partizan – (1978)… Gjyshi
Dollia e dasmës sime – (1978)
Një udhëtim i vështirë – (1977)
Fije që priten – (1976)… I shoqi i Besës
Pylli i lirisë – (1976)… Beu
Në fillim të verës – (1975)… Shoku Mali
Rrugicat që kërkonin diell – (1975)… Halimi
Shpërthimi – (1974)
Operacioni Zjarri – (1973)… Kometa
Kur zbardhi një ditë – (1971)… Shoferi Thoma Shpuza
Mëngjeze lufte – (1971) Ilegali
Gadhnjim mbi vdekjen – (1967)
14 komente në “Lajm i trishtë për artin shqiptar: Ndahet nga jeta aktori Demir Hyskja”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
..demokracia e paska lene ne heshtje ..megjithate per rolet qe luajti ishte gjigand i artit dhe artedashesit ndjejne boshllek per largimin e ketyre figurave..ngushellime familjes dhe shoqerise..!
Po ikin yjet nje e nga nje…, dhe per fat te keq pak nga pak po shuhet edhe kinematografia shqiptare.., Keta njerez meritojne gjithca.., por une do ti permbledh nje nje fjale …., ” Te thjeshte dhe te medhenj” …, Kete game aktoresh zor se do ta shohim me ne vendin tone.., Sa popullore.., sa te dashur.., sa te paster.., sa patriote.., ……. I pa haruar
Ti do jesh i pavdekshem i madhi DEMIR HYSKJA!
Ti ke lene vepra te mira dhe ato nuk vdesin, por kane te gdhendur emrin TEND!
Ngushellime familjes dhe shokeve te tij te artit shqiptar!
Nderime dhe respekt për këtë babaxhanin, ikonë të kinematografisë sonë të vërtetë.
I pa vdekshem qofte vepta e ketij gjigandi te kultures Shqipetare, Ngushellime familjes.
I madh! Model per breza te tere!
Nje tjeter Luan ne Kulturen Shqiptare.. Figura te rralla dhe te paharrueshme.. Faleminderit per gjithshka.. Te shoh dhe do te shoh ngahera..
Artist shum i madh ,ngushellime familjes.
Ngushëllimet më të sinqerta për ndarjen nga adhuruesit Tuaj. Do të mbetesh gjithmonë gjigand i artit shqiptar, ndërsa Ne me Demirin do të bashkëjetojmë përmes ekranit televiviv siq bashkëjetuam dekada me radhë. Pushofshi në Paqe. Me respekt Gjakovarët.
Aktor dhe njeri i mrekullueshem. Arti shqiptar do ta ndiej mungesen e ketij artisti te madh. Ngushellime te sinqerta familjes! Aiu la aps nje emer te ,adh.
Aktor dhe njeri i mrekullueshem. Arti shqiptar do ta ndiej mungesen e ketij artisti te madh. Ngushellime te sinqerta familjes! Ai la pas nje emer te madh.
U prevsh ne paqe dhe ngushellime familjes.Asnje here nuk do te harrohen rrolet ne kinematografi dhe teater te luajtura deri ne perfeksion nga ky artis I mrekullueshem,me nje ze te vecante.
Aktor i madh, pa rrena.
Po mire, sa do te jetonte? 179 vjet?
Ai iku sic do te ikim te gjithe. Amen!
Do te ngelesh i i paharruar Demir Hyskja Ne paqe u prehsh .Populli shqiptar e vecanrisht qyteti i Elbasanit nuk do te harroje kurre qyetarine e dashurine tende per kete qytet qe ti e deshe shume e me shume.Ishe rilindas i vertete i vertete i shqiptarise.