Fatos Klosi i përgjigjet Izet Haxhisë: Ti hiqesh sikur di me shumë se shefi, ke qenë thjesht një roje

Ish-kreu i Shërbimit Informativ Shtetëror, Fatos Klosi, i konsideron trillime të ulëta të gjitha historitë dhe shkrimet e Izet Haxhisë, në të cilat përfshin emrin e tij.

Duke kërkuar t’i qëndrojë larg çdo historie apo ngjarjeje të treguar sipas versionit “Haxhia”, ish-kreu i SHISH-it në një prononcim për “Panorama”, e cilëson Izet Haxhinë një roje të thjeshtë, që s’mund të ketë ditur gjërat për të cilat ai vetë pretendon se di.

“Nuk ia vlen të merresh me të. Është një roje që pretendon se di më shumë se shefi”, deklaron ish-kreu i SHISH-it. Fatos Klosi i cilëson si të pakuptimta trillimet që Haxhia sajon dhe publikon, por, sipas tij, mund të kenë për qëllim shkarkimin nga përgjegjësitë për gjërat që ish-truproja ka në ato ngjarje.

“Nuk e kuptoj ku do të dali me të gjitha këto që thotë. E vetmja gjë që mendoj është se do të shkarkohet nga ato përgjegjësitë e veta dhe tani kërkon të krijojë një tymnajë”, thekson ish-kreu i SHISH-it.

Në fillim të muajit gusht, ish-truproja e Berishës, Izet Haxhia, duke iu referuar të dhënave të librit “Shqipëria: Misioni i Pamundur”, kërkoi që të zbulohen lidhjet e gazetarit francez që e ka shkruar atë dhe ish-kreut të SHISH-it, Fatos Klosi.

Sipas Haxhisë, libri ishte krijuar në zyrat e SHISH-it të asaj kohe dhe për këtë kërkoi të hetohet në lidhje me një skenar për realizimin e një akti terrorist të hedhjes në erë të Ambasadës Amerikane në Tiranë, ku do të shkaktoheshin shumë viktima.

Haxhia kërkonte që të hetohej edhe vrasja e Azem Hajdarit, të cilën ish-truproja e Berishës e lidhte pikërisht me atentatin në Ambasadën e SHBA-ve.

Ish-kreu i SHISH-it, Fatos Klosi, përgjatë gjithë shkrimeve dhe publikimeve të Haxhisë, ka preferuar të qëndrojë i distancuar nga ngjarja, duke bërë komentin e vetëm se Izeti kishte qenë thjesht një roje dhe asgjë më shumë.

Pas kësaj, pjesë e debatit u bë edhe avokati Idajet Beqiri, i cili dha versionin e tij në lidhje me këtë ngjarje. Në shkrimet që pasuan në profilin e tij në “Facebook”, Haxhia hodhi akuza për imoralitet dhe orgji të kryera, sipas tij, në zyrat e SHISH-it.

Dëshmia e Haki Çakos: Pajisja përgjuese hyri 4 herë në Shqipëri. Informova Llallën

00:01 Kronika

Krimi për pasion në Lushnje / Nëna e 29-vjeçares së vrarë: Ishim në dijeni të lidhjes para 3 vitesh, nuk e pranuam

21:21 Kronika

VIDEO/ Tmerr e panik në një autobus në Tiranë, i dehuri gati t’i marrë jetën udhëtarit

21:14 Kronika

Policia: Kemi asgjësuar 1.2 milion rrënjë hashash

19:57 Kronika

Flasin të afërmit e vajzës së vrarë: Vinte nga një fejesë e dështuar

18:07 Kronika

Bomba e Artan Hoxhës: Informatori im u rrëmbye dhe u ekzekutua me plumb pas koke

18:00 Kronika

VIDEO/ Pamjet e ndërhyrjes së RENEA për të shpëtuar 11 -vjeçaren e marrë peng

15:45 Kronika

Ambasada shqiptare në Athinë: Vdekja e emigrantit e filmuar. Kemi kërkuar

15:39 Kronika

Vdekja e shqiptarit në Greqi, Ilir Kupa: Pëllumbin e vrau policia

14:28 Kronika

FOTOT/ Ja kush është 65-vjeçari që vrau të dashurën e tij dhe viktima 29-vjeçare

14:14 Kronika