Te fundit
Bashkia e Tiranës i përgjigjet PD-së për vdekjen e Arditit: Ka nisur një hetim, mos politizoni edhe vdekjet
25 Gusht 2016, 14:11Sociale
TEMA
Bashkia e Tiranës ka reaguar pas akuzave të vazhdueshme të PD-së, në lidhje me vdekjen e djalit 17-vjeçar në Sharrë.
Sipas Bashkisë, për këtë ngjarje tashmë kanë nisur hetimet, ndërkohë që PD thjesht po bën politikë me një vdekje.
Deklarata e Bashkisë:
Nga dita e parë në detyrë, stafi i Bashkisë së Tiranës është angazhuar për ta bërë qytetin më të jetueshëm për banorët e tij, por edhe për vizitorët. Edhe pse ka ende shumë për të bërë, jemi krenarë për atë që kemi arritur në vetëm një vit. Sot Tirana është një qytet më i pastër, me transport publik shumë më funksional, me çerdhe, kopshte dhe shkolla të rikonstruktuara, me rrugë dhe trotuare të ndriçuara, me sinjalistikë për drejtuesit e automjeteve, por edhe shumë më miqësore për këmbësorët dhe përdoruesit e biçikletave.
Por, nga ana tjetër, çdo ditë përballemi me sulme politike, të cilat nuk i shërbejnë as punës sonë të përditshme, as qytetit tonë. Këto sulme bëhen edhe më absurde kur vijnë pikërisht nga ata njerëz që për katër vite me radhë zgjodhën të flinin gjumë, duke e lënë qytetin në mëshirë të fatit e që për 4 vjet nuk zgjidhën, edhe pas shumë aksidenteve, çështjen e landfillit të tejmbushur të qytetit, i cili për faj të po këtyre njerëzve kishte degjeneruar në një fushë-betejë për grumbulluesit e mbetjeve.
Disa javë më parë, një djalë i ri ka humbur jetën në fushën e grumbullimit të plehrave në Sharrë. Institucionet përgjegjëse kanë bërë shoqërimet e të implikuarve, janë duke hetuar dhe shpresojmë që e vërteta e kësaj ngjarje të trishtë të zbardhet sa më shpejtë.
Një qytet me 1 milion banorë si Tirana, ka mbi 100 kontraktorë të shpërndarë nëpër të gjithë territorin në rrugë, në ujësjellësa, ndërtesa, ura, mbikalime, infrastrukturë arsimore, grumbullim mbetjesh, pastrim e shërbim.
Teksa Bashkia vendos rregullat, çdo ofrues sherbimesh në qytet përgjigjet përpara ligjit për çdo shkelje të këtyre rregullave.
Ndaj, Bashkia e Tiranës ka qenë dhe vazhdon të jetë në krah të institucioneve ligjzbatuese, duke ofruar të gjithë ndihmën për një hetim të plotë të kësaj ngjarjeje e vënë përpara përgjegjësisë cilindo kontraktor që nuk ka respektuar këto rregulla.
Siç e kemi shprehur edhe në reagimet tona të mëparshme, në përfundim të hetimit, Bashkia e Tiranës do të zbatojë çdo përfundim, kërkesë apo rekomandim të organeve përkatëse.
Por, na vjen keq të shohim se si për çdo fatkeqësi, aksident apo çdo moment të pafat, është gjithmonë Partia Demokratike, një parti e fatkeqësive historike të këtij qyteti e vendi, që mundohet të shfrytëzojë çdo situatë për kapital politik.
Qytetarët e dinë mirë se Tirana ka humbur boll nga kjo forcë politike, e cila e la në një gjendje katastrofike. Sot Partia Demokratike i përket të shkuarës së Tiranës tonë.
3 komente në “Bashkia e Tiranës i përgjigjet PD-së për vdekjen e Arditit: Ka nisur një hetim, mos politizoni edhe vdekjet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kujt PD-je i pergjigjen keta???? Reportazhin e pare hetues e ka bere BIRN, qe nuk ka fare lidhje me PD-ne por ka ekspozuar me mire sec ka bere ndonjehere PS-ja lidhjet e Argites me pronat ne Shkozet. Reportazhin e dyte e ber A1Report, TV i Koco Kokedhimes.
Keta kujtojne se jane njerezit qorra qe mund te mbrohen me argumentin e PD-se tere kohes. Nga ana tjeter akoma nuk kane shpjeguar se si dhe pse shume media te medha ne vend nuk kane raportuar lajmin dhe se pse nje gazetare ka humbur vendin e punes pas hetimit te saj.
Po pse kjo deklarata e bashkise nuk eshte e tera politike?
Aty eshte vrare nje femije ju flisni per autobuzat dhe parqet.
“Ka nisur hetimi, jane shtuar autobuzat, poshte PDja dhe rrofte erjoni”
Ja kjo eshte esenca e deklarataclve tuaja.
Sa jave ka dhe nuk del pergjegjesi, apo fo i rregulloni te gjitha ceshtjet si viktimat e Gerdecit.
Pi Erit kush i vjen me bllok ne dore si Likja Priftit?
Ramiu?
ARRESTO PRONARIN QE E MORI NE PUNE PA E RAPORTUAR PER BENEFITET DHE TAKSAT DHE NJE DIT PER TA E VRARE DHE TA E MBULOJ ME PLEHRA ASHTU SIC FAKTIKISHT E BERI.pRONARI ESHTE KRYETAR PARTISE SE PS.TE TJERAT ZGJIDHEN VET.