Te fundit
Muharrem Rama: Unë, mjeku që ju ka mbajtur derën hapur për çdo nevojë!
6 Shtator 2016, 17:35Politika
TEMA
Kandidati i mazhorancës për Bashkinë e Dibrës Muharem Rama zhvilloi takimet elektorale në fshatin Ushtelenzë dhe në lagjen Dobrovë të qytetit të Peshkopisë.
Në fjalën e tij para banorëve të Peshkopisë, kandidati Rama premtoi se me fitoren e 11 Shtatorit do mund të fillojë të vërë në jetë projektet për zhvillimin urban, investimet në infrastrukturë, krijimin e hapësirave të gjelbra, pastrimin por edhe rigjallërimin e jetës kulturore e artistike.
“Ashtu siç kam qenë shërbërori juaj gjatë punës së përditshme në spital ashtu do të jem edhe në bashki. Do ti keni dyert e hapura dhe unë do të jem në shërbimin tuaj për vitet e ardhshme”, u shpreh kandidati Rama.
Ndërkaq, në takimin e mbajtur në fshatin Ushtelenzë, kordinatori i PS-së për Qarkun Dibër Damian Gjiknuri tha se Partia Demokratike bën propagandë me premtime që nuk kanë lidhje me zgjedhjet e pjesshme lokale.
“Ne vijmë ballëlartë. Kemi zgjedhur një njeri të shkëlqyer, që i ka shërbyer popullit. Garancia më e mirë për qytetarin e parë tuaj është karakteri i njeriut. Jeta ju ka mësuar me shumë eksperienca. Vendosini përballë njerëzit dhe shikoni cili është njeriu që i ka shërbyer njerëzve në nevojë?! Cili është njeriu që nuk e ka braktisur Dibrën?!”, theksoi Gjiknuri.
Lini një Përgjigje
Më të lexuarat
24 oret e fundit
Javen e fundit
Blog Tema
