Te fundit
PD: Asnjë deputet yni i përfshirë në incidente. Basha urdhër deputetëve të heshtin
11 Shtator 2016, 12:40Politika
TEMA
Partia Demokratike është shprehur nëpërmjet një deklarate për shtyp se, “deputetë të Partisë Socialiste, në sinkron me struktura kriminale të Bert Agës, përpiqen të dezinformojnë opinionin publik për ngjarjen e ndodhur mbrëmë në Maqellarë”. Sipas PD-së, e vërteta është krejt ndryshe dhe asnjë deputet i saj nuk ka qenë i përfshirë në ngjarje.
“Në mesnatë, banorët e Maqellarës kanë kapur duke shpërndarë lekë për blerje votash zyrtarin e Drejtorisë së Tatimeve Dritan Isaku, vartës i shtetasit Dionis Ymeri me detyrë Drejtor i Tatimeve për Dibrën. Dionis Ymeri është kallëzuar penalisht nga Partia Demokratike në Prokurori me date 1 shtator si anëtar i grupit të strukturuar kriminal për blerje votash në fushatën e Dibrës. Në vend të ndalimit dhe arrestimit në flagrancë të këtyre personave, segmente të policisë të drejtuar nga kryekrimineli Bert Aga, i kanë dhënë mbështetje këtij krimi elektoral. Bert Aga është kallzuar penalisht nga Partia Demokratike më 1 shtator si anëtar kryesor i grupit të strukturuar kriminal, i cili në abuzim të detyrës së shefit të Komisariatit të Peshkopisë ushtron presion ndaj zgjedhësve dhe ofron mbështetje logjistike dhe mbrojtje ekstraligjore për operacionin e shperndarjes së parave në këmbim të votave”, lexohet në deklaratën e PD-së.
“Çdo insinuatë për përfshirje të deputetëve të PD-së në këtë ngjarje është fabrikim i PS-së dhe strukturave kriminale të Bert Agës në Policinë e Shtetit. PD-ja i bën thirrje PS-së të distancohet nga ky grup i strukturuar kriminal. Partia Demokratike i kërkon Prokurorisë të nisë menjëherë procedimin penal për këtë grup të strukturuar kriminal të kallzuar nga Partia Demokratike që nga data 1 Shtator. Partia Demokratike shpreh vlerësimin më të lartë për votuesit dibrane që po vazhdojnë të shprehin vullnetin e tyre më qytetar dhe i bën thirrje zgjedhësve të dalin masivisht në votime”, shton deklarata e Partisë Demokratike.
Ndërkohë burime për Top Channel thonë se kreu i PD-së Lulzim Basha u ka kërkuar deputetëve që të shmangin deklaratat deri në fund të procesit.
2 komente në “PD: Asnjë deputet yni i përfshirë në incidente. Basha urdhër deputetëve të heshtin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PD duhet te terheqe urgjent gjithe merecenaret e Kuksit e te Mirdites. Sot Dibra duhet te shpallet nen pushtim . C mutin duan ne Diber Kuksiane e Mirditore , Lazaratas e gjithe shpura kriminale e instaluar. Jashte PUSHTUESIT. Ne maqellare sot ke me shume Kuksiane e Mirditore. Dibrane leni votimin e shporrni PUSHTUESIT.
O kryetar i banditeve, voten mund ta vjedhish me dhune e me falanga naziste sic jeni mesuar ju te SHQUPIT, por vjen nje dite qe keto banditizma paguhen dhe tani per ju ka ardhur koha te paguani. Boll me me grabitje e shantazh. Ju ka dale boja e s’u beson njeri.