Sesa serioze janë tensionet mes Perëndimit dhe Moskës, këtë e tregon lëvizja më e fundit e Rusisë, ku është thërritur një stërvitje masive me skenarin e njëjtë me atë të një luftë bërthamore.

Bëhet fjalë për stërvitjen më të madhe të ndërmarrë ndonjëherë në Rusi që pas shpërbërjes së Bashkimit Sovjetik. Ministria e Mbrojtjes në Moskë njoftoi se trajnimi do të përfshijë 40 milionë njerëz dhe 200 mijë persona, pjesë e grupeve të shpëtimit në rastin e një lufteje bërthamore.

Tensionet janë të larta veçanërisht mes Moskës dhe Uashingtonit. Zvezda TV, një televizion që drejtohet nga Ministria e Mbrojtjes, hapi një edicion informativ javën e kaluar duke thënë: “Skizofrenët amerikanë po drejtojnë raketat bërthamore nga Moska”.

Stërvitja zgjat tre ditë dhe në të përfshihet Ministria e Mbrojtjes, ajo e Mbrojtjes Civile, Emergjencave dhe Eleminimit të Pasojave të Katastrofave Natyrore, raporton TCH.

“Stërvitja do të orientojë mbrojtjen nga rrezatimi të personelit dhe popullsisë në një skenar emergjence të jashtëzakonshme”, thuhet në faqen zyrtare të internetit të Ministrisë së Mbrojtjes Civile.

“Grupet e emergjencave do të shpërndajnë veshje për mbrojtjen nga rrezatimi dhe do të minotorojnë përmes rrjetit të laboratorëve të lëvizshëm kushtet mjedisore”, thuhet më tej në njoftim.

Ndërkohë, Deti Balltik është zona më e nxehtë mes dy palëve. Shtetet e Bashkuara, Britania e Madhe, Franca dhe Danimarka kanë kërkuar prani më të madhe të NATO-s në Estoni, Poloni dhe vendet e tjera të rajonit, ndërsa Moska është kundërpërgjigjur duke përforcuar flotën e saj detare në këtë det me raketa me rreze të gjatë veprimi.

3 komente në “A po zhvillon Rusia stërvitje madhore nukleare?”

Rusia sovjetike says:

26 Tetor, 2016 20:39 te 8:39 pm

Pse nuk mundohet Putini te ushqeje me buke muzhiket e varfer?
Politiken e madhe e te forte mund ta beje nje ekonomi e forte, jo Rusia qe ka vetem dy muaj buke rezerve.
Vazhdon politika e pandryshuar cariste e Leninit, Stalinit, Hrushcovit e Brezhnjevit, Jelcinit me carin e ri , Putin.
Mjere populli rus.

Përgjigjjuni
nje mendim says:

26 Tetor, 2016 20:46 te 8:46 pm

Nuk ka rrugezgjidhje tjeter. Kur te gjitha mediat te godasin me dhe pa te drejte dhe
nato vepron ne nje linje me to.
te te mblidhet i gjithe fshati e te te thote je hajdut, je kurvar, je ca nuk je a ke mundesi te mbrohesh brenda kesaj histerie?
Keta nuk duan njeri mbi koke,

Përgjigjjuni
nje jete e vetme says:

26 Tetor, 2016 20:49 te 8:49 pm

Nuk jetojne per buke ata. ata rrojne per ideal.
te shitesh eshte e thjeshte.
buke ha edhe qeni

Përgjigjjuni