Te fundit
Foreign Policy: Pse Lufta e Tretë Botërore mund të nisë nga Letonia
18 Nëntor 2016, 11:25Politika
TEMA
Paul Miller, asistent profesor i studimeve të sigurisë ndërkombëtare në Universitetin e Mbrojtjes Kombëtare në Uashington, i cili ka shërbyer si drejtor i personelit të Këshillit të Sigurisë Kombëtare të Shteteve të Bashkuara për administratën Bush dhe Obama katër vjet më parë parashikoi ndërhyrjen ushtarake të Rusisë në Ukrainë
Në një artikull mbi politikën e jashtme, me titull “Si mund të fillojë Lufta e Tretë Botërore nga Letonia”, Miller thotë se vendet balltike janë vatrat e ardhshme të konfliktit me protagoniste Rusinë dhe se ky front do të jetë testi i parë i Donald Trump, pasi nuk bëhet fjalë vetëm për vetëm një “pushtim” të mundshëm të Rusisë me trupa ushtarake.
Ai shkruan se Vladimir Putin ka një strategji të qartë dhe afatgjatë.
“Disa argumentojnë se lëvizjet e Rusisë kanë në themel qëllimet mbrojtëse të saj nga zgjerimi i NATO-s. Perëndimi ka zgjeruar sferën e ndikimit në kurriz të Rusisë, dhe kjo për Moskën duket kërcënuese“- shprehet Miller.
Megjithatë, ai beson se kjo qasje është “e pakuptimtë”, raporton Respublica. Sipas tij Putin beson se hegjemonia ruse mbi vendet fqinje është e nevojshme për sigurinë e Rusisë për shkak të bindjeve të tij për kombin rus dhe fatin historik të vendit.
“Putin dhe ndoshta rrethi i tij i brendshëm, nuk janë thjesht nacionalistë. Kremlini duket se lëviz në bazë të një forme të veçantë të nacionalizmit rus, të mbarsur me fenë, fatin dhe mesianizmin. Në këtë qasje, Rusia e sheh veten si mbrojtëse të krishtërimit ortodoks dhe ka për qëllim të mbrojë dhe të zgjerojë besimin ortodoks“- shkruan Miller.
Hapi tjetër i Putinit sipas Miller do të jetë më i rrezikshëm, për shkak se ka gjasa që ai të nxisë destabilizimin në vendet baltike, të cilat janë anëtare të NATO-s.
“Nuk do të dërgojë formacione të mëdha të ushtarëve me uniformë ruse që të kalojnë kufijtë. Në vend të kësaj, Putin do të nxisë një krizë të diskutueshme ushtarake duke përdorur shtresat e nënshtruara. Ndoshta letonezët ose estonezët rusishtfolës (1/4 e letonezët dhe estonezët janë rusë etnikë) ndoshta brenda dy viteve të ardhshme do të fillojnë rebelimin, duke protestuar për të drejtat e tyre që të pretendojnë se persekutuar. Ccuditërisht mund të shfaqet ndonjë formacion i mirëtrajnuar me emërtimin “Fronti Popullor për Çlirimin e Balltikut”. “Vrasjet e personave të shquar dhe sulmet me bomba mund të ccojnë vendet baltike në prag të luftës civile“- thotë Miller.
Pastaj shkruan ai Rusia do të bllokojë çdo rezolutë të Këshillit të Sigurimit të OKB-së, dhe do të ofrojë shërbimet e saj si “paqeruajtësve”.
“NATO do të mblidhet dhe Polonia do të çojë në aktivizimin e nenit 5, duke argumentuar se vendet baltike janë nën sulmi rus. Ora gjeopolitike do të kthehet në vitin 1939. Disa vende në Evropën Lindore mund të zgjedhin për të ndjekur Rusinë. Të tjera vende me të parën Poloninë do të armatosen deri në dhëmbë. Ëndrra Putinit për të fragmentuar Perëndimin dhe për të patur një fushë të hapur në Evropë do të zbatohet. Por në qoftë se Aleanca do të aktivizojë nenin 5, atëherë kjo do të përbënte një deklaratë lufte nga ana e Perëndimit për Rusinë. Dhe pastaj Trump do të duhet të vendosë nëse mbrojtja e e Letonisë do t’ia vlejë për të riskuar një Luftë të Tretë Botërore“- përfundon Miller.
http://foreignpolicy.com/2016/11/16/how-world-war-iii-could-begin-in-lat…
3 komente në “Foreign Policy: Pse Lufta e Tretë Botërore mund të nisë nga Letonia”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e besoj se I thote seriozisht ky analist keto qe thote. As NE mesjeten e hereshme nuk beheshin luftrat thjesht per qellime fetare por ajo perdorej per te maskuar grabitjen. Dhe Putini nuk ka ndermend te sakrifikoje vendin e tij per fene ortodokse aq me teper qe keto vende krijuar lidhjet e tyre ne vartesi te interesave. Vendet Baltike edhe ne kohen e BS kishin novel me larte jetese edhe se vete Rusia
Mbas 1990 keto vende paten nje bum mireqenje mbasi trasheguan gjithe infrastrukturen e trasportit te naftes, gazit dhe gjithe prodhimeve te BS per ne Europe dhe bote dhe tani mernin qera te medha nga Rusia per rruget dhe portet. Rusia tani I spostoi gjithe aktivitetet ne teritorin e saj dhe keto vende mbeten pa te ardhura keshtu qe alarm on boten se do te sulmohet nga Rusija POR qellimi eshte te ndihmohet nga perendimi
Nuk kane nevoje vendet balltike te armatosen gjer ne dhembe se per kete mjafton te armatoset Germania, i kam pare vete flamujte gjerman ne ballkonet e shtepive ne Lituani dhe Letoni
Prendimi nuk rezikon per lituanine.. shqiperine do i lene nen sundimin ruse