Grekët i dorëzojnë Shqipërisë një dosje me 10 mijë faqe për Klement Balilin

Pas çështjes çame, varrezave, Himarës, minoriteteve, ligjit të luftës, duket se përplasja mes Tiranës dhe Athinës po fiton edhe një element të ri, luftën kundër krimit.

Burime diplomatike greke pohuan për Top Channel se që prej datës 12 nëntor, në Ministrinë e Drejtësisë në Tiranë ka mbërritur një nga dosjet më voluminoze kundër një prej emrave më të përfolur të krimit në të dyja anët e kufirit.

Bëhet fjalë për Klement Balilin. I shpallur në kërkim nga autoritetet greke shumë muaj më parë, ai vazhdon të jetë në kërkim, edhe nga ato shqiptare, të cilat shpesh ishin ankuar se ndaj Balilit nuk kishin prova të mjaftueshme për t’i nisur një proces gjyqësor.

Por tashmë në duart e tyre gjenden 10 mijë faqe, që sipas burimeve të Top Channel, përmbajnë fakte dhe dëshmi për trafik droge, njerëzish, por edhe vrasje, të cilat  i mvishen Klement Balilit dhe grupit të tij të strukturuar kriminal.

Dosja është sjellë prej gati tre javësh e përkthyer në shqip. Arsyeja, sipas burimit të Top Channel, është pikërisht heqja e çdolloj argumenti nga pala shqiptare, veçanërisht Ministria e Drejtësisë për vonesa në dërgimin e dosjes në Prokurorinë shqiptare.

Dërgimi i së njëjtës dosje në greqisht muaj më parë, sipas informacioneve që zotëron Top Channel, ende zvarritet në përkthim nga autoritetet shqiptare.

Burime zyrtare nga Ministria e Drejtësisë të kontaktuara nga ne, i pohuan Top Channel se dosja “Balili”, e përkthyer kësaj radhe në shqip nga vetë nga grekët, do t’i dorëzohet prokurorisë shqiptare paraditen e së mërkurës.

Nëse kjo ndodh, atëherë aventura gjyqësore e Klement Balilit, do të futet në një spirale të re, kësaj radhe me drejtësinë shqiptare.

Fëmijët e dhunuar seksualisht jetonin me gjyshet, pasi ishin braktisur nga nënat: Erdhën të rrahur e të trembur

20:05 Kronika

Shqipëria vendos të shtojë prezencën me trupa ushtarake në misionet e NATO-s

19:28 Kronika

"Nënkalimi", kapet me 20 kg drogë 21-vjeçari në Kurbin

17:10 Kronika

Koço Kokëdhima rrezikon të gjobitet e t'i hiqet licenca e “TV Balkan”, Inspektorati Shtetëror i Punës i gjen 9 gazetarë pa siguruar

16:35 Kronika

Prangosen në Itali çifti i shqiptarëve, trafikonin drogë me vlerë 60 mijë euro

15:22 Kronika

Gjykata e Durrësit liron nga burgu Lulzim Berishën

15:16 Kronika

Antitrafikimi/ Gjebrea: Në 2016 u rritën dukshëm rastet e dënimit të trafikantëve

12:13 Kronika

Drama shqiptare/ Vetëvaret burri në Golem. Letra për gruan: Mos i trego fëmijëve

15:09 Kronika

Nëna e dy të miturve s’lejohet në varrim nga familjarët, do procedohet për braktisje

11:21 Kronika

Vrasja në Kavajë, dy kushërinjtë u zunë me sëpata e kazma për pemën që ndante pronat

11:14 Kronika