Te fundit
Shqiptari që mund Kristiano Ronaldon dhe Lionel Mesin!
7 Dhjetor 2016, 11:49Sport
TEMA
Azdren Llullaku është i pandalshëm në kampionatin rumun dhe për të nuk kanë të ndalur as vlerësimet dhe stimujt personalë.
Një javë më parë, shqiptari u vlerësua me titullin e lojtarit “surprizë” për këtë vit, duke parë ecurinë e suksesshme që kishte bërë me Gaz Metan gjatë këtij viti.
Dje, në përditësimin e renditjes së UEFA-s për fituesin e “Këpucës së Artë” të sezonit 2016- 2017, shqiptari është ngjitur në fron.
Ndonëse nuk është pjesë e një kampionati elitar dhe koeficienti për Rumaninë është vetëm 1.5 dhe jo maksimal 2, shqiptari ka shënuar mjaftueshëm sa për të pasur 24 pikë.
Aq sa e kanë bërë që të ngjitet në vendin e tretë në renditjen aktuale të golashënuesve në ligat europiane.
Falë dopietës së shënuar përballë Dinamos së Bukureshtit, shqiptari ka arritur në kuotën e 16 golave dhe duke u shumëzuar me koeficientin 1.5, ai grumbullon 24 pikë.
Më shumë sesa Llullaku, ka vetëm Aubamejang dhe Kabaev.
Futbollisti i Dortmundit ka shënuar 15 gola dhe duke u shumëzuar me koeficientin 2, kuota e tij e pikëve shkon në 30.
Kjo e bën atë të kryesojë listën e golashënuesve në garën për “Këpucën e Artë”.
I dyti në renditje është Evgjeni Kabaev, i cili, me 25 golat e shënuar që shumëzohen me koeficientin 1, shkon në kuotën e 25 pikëve.
I treti është shqiptari Llullaku, që lë pas emra të tillë si Ronaldo, Mesi, Luis Suarez, Aguero etj.
2 komente në “Shqiptari që mund Kristiano Ronaldon dhe Lionel Mesin!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Edhe une e le mbrapa Mesin ne gjatesi,peshe etj
Krahasim leshi.
Pse njesoj eshte te besh gol ne kampionatin Spanjoll apo Italian e Gjerman si ne ate Rumun?