Te fundit
Ministri i Brendshëm austriak: Shqipëria, iniciativa dhe suksese të mëdha kundër narkotikëve. Mbështesim anëtarësimin
13 Janar 2017, 13:22Kronika
TEMA
Ministri i Brendshëm i Austrisë Wolfgang Sobotka tha se Shqipëria ndodhet në rrugën e saj drejt Bashkimit Europian dhe ndodhet në një pikë kyçe, ku pret për çeljen e negociatave të anëtarësimit.
“Ia thashë edhe z. Tahiri se para ardhjes sime këtu zhvillova një telefonatë me Komisionerin Hahn, ku ne theksuam edhe një herë që viti 2017 është një vit i rëndësishëm për Shqipërinë, por për këtë duhet të kapërcejë edhe sfidat që i kanë mbetur. Në mënyrë që në 2017 të arrijë të marrë një përgjigje pozitive për çeljen e negociatave të pritura”, u shpreh ministri i Brendshëm austriak.
Ai pohoi se Austria është një faktor dhe një vend i cili mbështet fuqishëm anëtarësimin në BE.
Më tej ministri austriak deklaroi se Shqipëria ka ndërmarrë iniciativa të mëdha për të luftuar krimin e organizuar, trafikun e armëve por mbi të gjitha për të luftuar trafikun e lëndëve narkotike.
“Shqipëria ndodhet në rrugën ndërmjet zhvillimit të trafikut të lëndëve narkotike, kjo për arsyeje sepse ndodhet në itinerarin e drogave që qarkullojnë nga Amerika latine dhe nga Afganistani dhe për këtë arsyeje, Shqipëria ka një rol strategjik në luftën që zhvillohet kundër në luftën kësaj tendence.
Më lejoni t’ju përgëzoj edhe një herë për sukseset që keni arritur në luftën kundër trafikut të narkotikëve”, nënvizoi Sobotka, i cili konfirmoi bashkëpunimin për kapjen e kokave të trafikut të narkotikëve.
Ministri i Brendshëm austriak vlerësoi gjithashtu faktin se Shqipëria zhvillon një luftë mbresëlënëse ndaj terrorizimit dhe ka një bilanc mbresëlënës përsa i përket luftës së terrorizmit dhe “foreign fighters”.
Lini një Përgjigje
Më të lexuarat
24 oret e fundit
Javen e fundit
Blog Tema
