Te fundit
Kapiteni Çota: Mos ndoshta Janot priste që të hante karkaleca!?
17 Janar 2017, 16:46Sport
TEMA
Rrëfimi i kamerunasit të Sopotit, Janot Tadjong, dy ditë më parë për gazetën “Panorama Sport”, ka qenë pa dyshim lajmi më i komentuar në ambientin sportiv. Lojtari vendosi të tregonte vuajtjet që ka kaluar në Shqipëri duke arritur deri në kufijtë e mbijetesës. Një rrëfim që ka ngjallur reagime të shumta. Një prej atyre që vendos të tregojë versionin e tij është edhe kapiteni i skuadrës së Sopotit, Mirel Çota, po ashtu një prej atyre njerëzve që i ka qëndruar pranë kamerunasit gjatë kësaj kohe.
Çota
“Nuk jam aspak dakord me ato që ka deklaruar Janot Tadjong në gazetë. Nuk është e vërtetë që ai nuk ka pasur ku të ushqehet. Në dispozicion të lojtarëve ka qenë një restorant ku konsumonim të gjitha vaktet. Unë fola edhe me kamerierët dhe menaxherin e atij restoranti dhe ata ishin shumë të zhgënjyer. Ata nuk mund të shkonin të kërkonin futbollistin ku qëndronte.
Duhet të ishte ai që të shkonte aty dhe të konsumonte vaktet, pasi gjithçka ishte bërë e mundur nga klubi. Ne ishim gjashtë lojtarë që shkonim dhe ushqeheshim aty. Mos ndoshta Janot priste që të hante karkaleca apo fruta deti krudo?! Oriz, makarona apo gjellëra nga më të ndryshmet konsumonim edhe ne çdo drekë apo darkë. Na pyesnin ata se çfarë dëshironim dhe ne përzgjidhnim”, rrëfen fillimisht Çota.
Më tej, ai tregon edhe në lidhje me pagesat që i janë bërë lojtarit. “Ai u federua në nëntor dhe pesë ditë përpara ndeshjes së fundit të vitit me Turbinën, ka marrë 80 mijë lekë të vjetër për pesë ditë. Ndërsa, rrogat e dhjetorit do t’i marrim nesër (sot) dhe besoj se edhe ai do të marrë atë që i takon. Me sa di unë, ai e kishte rrogën 200 dollarë në muaj. Për sa i përket biletës së avionit, atë e paguan lojtari, pasi klubi nuk ka detyrim”.
Po si i shpenzonte paratë Janot, mos ndoshta vendoste baste? “Mbase edhe luante baste, nuk di ta them me saktësi. Ishim një grup shokësh që qëndronim çdo ditë në një lokal dhe shihnim ndeshje. Nuk di të them se pse e ka bërë këtë futbollisti. Mos ndoshta priste që të përfitonte miliona në Shqipëri?! Dihet niveli që ka futbolli shqiptar, sidomos në Kategorinë e Parë”, deklaroi Çota./PanoramaSport/
3 komente në “Kapiteni Çota: Mos ndoshta Janot priste që të hante karkaleca!?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
200 dollar ne muaj???
200 dollar nuk ka asgje per tu cuditur !! Prandaj edhe kombetarja e shqiperise luan me lojtare qe vine nga kampionati shqiptar !!!!
200 dollar nuk eshte as rroga minimale ligjore ne Shqiperindaj ndoshta duhet hetuar dhe presidenti i ketij klubi se bejne dhe pordhe kta presidentet.
Karkaleca dhe krudo me 200 dollar muaj. o cota seriozisht e ke ti mor palle. Duket qe je futbolist ne tru.
200 dollar nuk te vjen sot as nje roje objekti qe sben gje tjeter po fle gjithe naten e jo me nje futbollist profesionist.
Nga ana tjeter futbollistit i jepet kuote normale monetare qe te ndjeke nje diete te caktuar sepse smundet ndoshta te haje pace e pilaf cdo dite. Kjo edhe meqe klubi ska mence te veten te kualifikuar per nje trajtim te studiuar ushqimor sic duhet te jete ne nje klub profesionist.