Te fundit
Pasuritë e zyrtarëve, “Antimafia” përfshin edhe korrupsionin. Do trajtohen njëlloj si pronat e kriminelëve
18 Janar 2017, 15:17Politika
TEMA
Pasuritë e zyrtarëve të korruptuar do të trajtohen njësoj si pronat e kriminelëve, duke u sekuestruar menjëherë, qoftë edhe mbi bazën e dyshimeve të arsyeshme.
Pjesë e Reformës në Drejtësi është edhe një projektligj, i cili jo vetëm që ashpërson ligjin ekzistues “Antimafia”, por i shtrin efektet e tij edhe mbi pasuritë e zyrtarëve që burojnë nga korrupsioni apo abuzimi me detyrën.
Drafti i ri ashpërson ligjin ekzistues, veçanërisht në dy drejtime. Së pari, ai ul standardin e provueshmërisë për të lidhur pasurinë që sekuestrohet me krimin, e së dyti zgjeron veprat për të cilat sekuestrohet pasuria.
Sipas ndryshimeve të reja, pasuria që buron nga aktiviteti kriminal ose korrupsioni do të sekuestrohet edhe mbi bazën e dyshimeve të arsyeshme informon TCH. Paralelisht, ligji i shtrin efektet edhe ndaj pasurive të personave që janë lidhje e afërt gjaku, me personin e dyshuar si të përfshirë në veprimtari kriminale apo korrupsion.
Por veç zgjerimit të personave mbi të cilët aplikohet, drafti zgjeron edhe llojet e krimeve, për të cilat do të sekuestrohet pasuria, duke e vënë fokusin te shkeljet që lidhen me korrupsionin. Ndryshimi më i rëndësishëm është sekuestrimi i menjëhershëm i pasurisë së zyrtarëve, kur ata refuzojnë të bëjnë deklarimin, ose kanë bërë deklarim të rremë të saj, një dispozitë e cila nuk është në ligjin ekzistues.
Paralelisht do të sekuestrohet edhe pasuria e zyrtarëve që kanë abuzuar me tenderat publikë, por edhe atë që rrjedh nga shantazhi ndaj zyrtarëve, falsifikimi i monedhave etj.
Ligji do të ketë fuqi prapavepruese, duke parashikuar sekuestrimin e pasurisë edhe kur ajo është vënë para hyrjes së tij në fuqi, me kusht që këto pasuri të jenë krijuar si rezultat i përfshirjes së personit të dyshuar në veprimtari kriminale.
2 komente në “Pasuritë e zyrtarëve, “Antimafia” përfshin edhe korrupsionin. Do trajtohen njëlloj si pronat e kriminelëve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ore kto jane idiotesira.
Se mund te perdoren per inate personale.
Cfare jane “dyshimet e arsyshme”.
Futja kot
Po kur o mik,se keta qelbesira kete kane frike.Dikush qe nuk e di ,duhet ta mesoje nga e drejta romake,se ne procese hetimore,kur ai qe heton,krijon bindjen qe ky krim eshte kryer,shkruan ne leter te bardhe,ose sic i thone italisht~karta bianka~,kjo duhet te ndodhe dhe tek ne.