Te fundit
Vrasja që tronditi një shtet të tërë
23 Shkurt 2017, 09:47Lifestyle
TEMA
Një marinar është i dyshuari kryesor për vrasjen që ka tronditur Islandën ditët e fundit.
Natën e 15 janarit, Birna Brjánsdóttir doli nga një klub nate dhe u drejtua për në shtëpi, por nuk mbërriti kurrë atje. Një javë më pas, trupi i saj u gjet në breg të detit.
20-vjeçarja kishte dalë nga një klub nate në Reikiavik dhe kishte ndaluar në rrugë për të marrë diçka për të ngrënë.
Të nesërmën në mëngjes, pasi kishin parë se e bija nuk ishte kthyer, prindërit e saj u drejtuan në polici.
Të paktën 800 njerëz u angazhuan vullnetarisht në kërkimin e saj.
Pasi trupi i saj doli në breg, policia arrestoi dy marinarë, mjeti i të cilëve kishte qenë në të njëjtën zonë natën kur ka ndodhur ngjarja.
Pak ditë më pas, njëri prej tyre u lirua, ndërsa 30-vjeçari tjetër mbetet i dyshuari kryesor.
Hetuesit dhe policia kanë arritur të zbardhin dinamikën e ngjarjeve që kanë ndodhur natën e krimit, por nuk kanë hedhur ende dritë mbi një periudhë 4-orëshe, kohë gjatë të cilës nuk dihet se çfarë ka ndodhur me vajzën.
Ekspertiza tregoi se ajo ka qenë e gjallë në momentin që ka rënë në ujë, por është mbytur.
Një rast i tillë do të ishte një krim më shumë për t’u zbardhur nga policia, por në Isalndë raste të tilla janë tepër të rralla.
Kjo është vrasja e parë në shumë vite dhe operacioni për kërkimin e saj më i madhi në historinë e Islandës.
Lini një Përgjigje
Më të lexuarat
24 oret e fundit
Javen e fundit
Blog Tema
