Te fundit
Rruga Tiranë-Elbasan/ Qeveria merr 35 milionë USD të tjera, ja se kur përfundojnë punimet
17 Mars 2017, 14:10Sociale
TEMA
Rruga Tiranë-Elbasan pritet të përfundojë në muajin shtator.
Kjo ka qenë deklarata e Drejtorit të Përgjithshëm të Autoritetit Rrugor, Dashamir Xhika.
Ai ka bërë me dije se qeveria pritet të marrë një hua prej 35 milionë dollarësh, e cila do të mundësojë përfundimin e punimeve.
Ndërkohë, pas 1 muaji ai thotë se do të hapet lëvizja e aksit nga rrethrrotullimi i TEG-ut deri në Ibë.
“Huaja do të përdoret për punimet e 4 rrëshqitjeve të mëdha që kanë ndodhur dhe pas të gjitha procedurave teknike e ligjore është vlerësuar që shuma totale të jetë 35 milionë dollarë. Kryerja e këtyre punimeve është e domosdoshme. Pas afatit të kontratës, lihet një afat garancie për të kryer disbursimin e huas, por kjo nuk ka lidhje me grafikën e punimeve. Kontrata është deri në muajin shtator të këtij viti dhe gjatë kësaj periudhe të kontratës do të përfundojnë punimet e aksit. Rruga përfundon në muajin shtator dhe pas 1 muaji do të hapim aksin nga rrethrrotullimi i TEG deri në fshatin Ibë. Aktualisht nga punimet që janë kryer në këtë aks janë kryer goxha përparime”, u shpreh Xhika.
Më tej, kreu i Autoritetit Rrugor sqaron se kjo shumë do të përdoret vetëm për punimet e shkaktuara nga rrëshqitjet, dhe nuk ndikon në grafikun e punimeve.
Këto deklarata Dashamir Xhika i bëri gjatë një prononcimi për Panorama ku shpjegoi situatën e aksit rrugor Tiranë-Elbasan./ad
1 komente në “Rruga Tiranë-Elbasan/ Qeveria merr 35 milionë USD të tjera, ja se kur përfundojnë punimet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rruga mbaron kur te iki lubia LSi nga ajo ministri