Te fundit
Partizani fiton me Korabin dhe kryeson tabelën bashkë me Kukësin
18 Mars 2017, 16:03Sport
TEMA
Partizani ka marrë një tre pikësh mjaft të rëndësishëm këtë të shtunë në “Selman Stermasi” ne javen e 26-te te Kategorise Superiore, duke triumfuar përballë skuadrës së Korabit.
15-herë kampionët e vendit fituan me rezultatin e pastër 2-0, në një 90-minutësh që e dominuan totalisht.
Kjo fitore merr një tjetër vlerë për të kuqtë që tashmë kryesojnë kampionatin me pikë të barabarta me Kukësin që barazoi ditën e djeshme me Skëndërbeun.
Skuadra e drejtuar nga, Sulejman Starova, shënoi dy gola të shpejtë në minutat 31-të dhe 32-të me atë Elvis Prençi që shënoi një autogol në portën e tij dhe Kaleb Ekuban.
Me këtë tre pikësh tashme Partizani mban vendin e parë së bashku me Kukësin me nga 52-pikë të grumbulluara.
Me këtë fitore Partizani pret me moral të lartë në javën e ardhshme skuadrën e Skëndërbeun në një duel direkt për titullin kampion.
Ndërkohë, në sfidën e mbijetesës Laci ka fituar përballe skuadrës së Flamurtarit.
Kurbinasit fituan me rezultatin e ngushtë 1-0 falë një goli të shënuar në pjesën e dytë me anë të mesfushorit Ansi Nika.
Një humbje e rëndë kjo për vlonjttët që tashmë janë seriozisht të rrezikuar për të rënë nga Kategoria Superiore/ Përgatiti Fatjon Baze.
Lini një Përgjigje
Më të lexuarat
24 oret e fundit
Javen e fundit
Blog Tema
