Te fundit
Berat, revoltë tek drejtuesit e PD për listën: “Mos të trishtohet Luli kur të mungojë...”
28 Maj 2017, 14:40Politika
TEMA
Ka qenë e pazakontë ajo që ka ndodhur në web-et më të mëdha të qytetit të Beratit, përgjatë orëve pas publikimit të listave për kandidatë për deputetë të Partisë Demokratike, mesnatën e premtes.
Drejtues lokalë të organizatave të Partisë Demokratike në qytetin e Beratit, themelues partie, mbështëtës të deklaruar e votues historikë të saj kanë gjetur faqet online si mundësinë e vetme të shpërthimit të revoltës ndaj kandidaturave të propozuara nga selia e Partisë Demokratike në Tiranë.
Përpos Eduart Halimit, mllefi i demokratëve të Beratit është përqëndruar në emrat pas tij, që nuk janë as të rinj dhe as të paprovuar për këtë qytet, nga Astrit Veliaj, Lefter Maliqi e deri tek Sazan Guri.
“Nuk ka asnjë emër në listë që përfaqëson Beratin. Nuk ka asnjë propozim që vjen nga strukturat e qytetit. Nuk ka asnjë grua në listë. Nuk ka as emra që përfaqësojnë besimet e ndryshme fetare” – është irritimi në bllok i demokratëve të qytetit të gurtë, që kanë ironizuar më tej edhe nivelin intelektual të kandidatëve.
Ish kryetari i Partisë Demokratike të këtij qyteti, përmbledh revoltën në një koment të vetëm: Ndonjë ortodoks ka? Ndonjë femër të duket gjëkundi? Ndonjë kryetar – sekretar PD? Ndonjë banor qyteti apo qytetar beratas? Ndonjë intelektual ? – pyet Shkëlqim Hysanj, ish drejtuesi lokal i PD.
Paradoksalisht me atë që ka përfaqësuar në këtë qytet, si pronar i një institucioni privat që duhej të jepte dije ( universiteti UFO) , demokratët e Beratit kanë ironizuar nivelin e formimit të numrit dy në listët e kandidatëve, Astrit Veliaj.
“Astriti. Është masha. As di të flasë e as di të shkruajë” – shkruan një tjetër mbështetës i PD, për numrin dy në listën e demokratëve në këtë qytet.
Ish deputeti demokrat, është bërë qendra e zhgënjimit jo vetëm të votuesve të djathtë, por më shumë sesa kaq, i demokratëve të strukturave vendore. Ata i kujtojnë Astritit se në katër vjetë në parlament, jo vetëm që nuk foli asnjëherë për ta, por nuk u pa kurrë në podium, përvec se mbrojti bisneset e tij.
“Më vjen keq që nuk jam informuar për gjithë këto gjëra që paska bërë Lefteri në Berat” – ironizon një tjetër demokrat për emrin e Lefter Maliqit në listën e Beratit.
Nuk ka munguar as shprehja e habisë për emrin e ambjentalistit të parehabilituar Sazan Guri, që këtë herë është rreshtuar në listat e kampit blu, si i pesti në Berat.
‘’Sazan Guri me PD??? WTF ‘’ – është më shumë sesa habia e një demokrateje…
Demokratët e Beratit kanë të qartë tashmë se do ta humbasin mandatin e dytë në qarkun e tyre, duke në u shprehur të vetëdijshëm se për këtë po punon pa u lodhur kryetari i tyre Lulzim Basha.
“Cfarë trishtimi- psherëtin në një koment shkurt një tjetër mbështetës demokrat, referuar propozimeve të munguara për deputetë në këtë qytet, gjithsesi “i kujdesshëm’’ për kryetarin kur i shkruan:
“Mos të trishtohet Luli kur ti mungojë vota ime…’’
8 komente në “Berat, revoltë tek drejtuesit e PD për listën: “Mos të trishtohet Luli kur të mungojë…””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te dashur beratas ngrini zerin bojkotoni. Astriti deputet, Lefteri??!! O zot ku po vete ky popull. Astriti mori sa deshi tani do t’i shtoje e do t’i mbroje ato qe shton.
Keta te PD Jane vetem per te vjedhur. PS per pune. Shembull eshte Tirana, si kur punonte Rama dhe tani Erjon Veliaj. Te dy ndryshuan fytyren e kryeqytetit. Kur ishte Lul Basha nuk beri asgje se ai nuk eshte per pune po per sfilata. Vajhalli te behet ai kryeminister I vendit.
Asus, ajo qe ke shkruar ketu eshte … pak e sak.
ke shum te drejt o i nderuar ashtu esht!
Te dashur demokrate beratas! Dini ju, por di nje diçka me teper Luli yne. Eshte caktuar Astrit Velija, sepse ka fonde. Sikur tri dreka te shtroje me birre e vere dhe … i rremben qindra vota. Ndersa Lefteri njihet si i forti i Beratit. Di ai se si i mer votat. Ndersa i gjori Sazan braktisi partine e vet dhe erdhi e futi koken ne listen tone, te demokrateve, por ku pa se ishte larg, atehere me mire jashte gare se sa i deshtuar. Kaq, o te dashur demokrate beratas.
HALIMI LAFTERI ASTRITI NUK JANE TJETER POR PJESE E TEORISE FSHATI DHE INJORANCA NE KRY TE UDHEHEQJES SE VENDIT. NUK ESHTE VETEM LUL BASHA QE E BEN KETE POR EDHE ED RAMA. EDHE LIKE FLORINI. 7 DREJTUS FSHATAR DREJTOJNE SOT PUSHTETIN VENDOR NE BERATIN MIJERAVJEÇAR PARA KRISHTIT. E PAT ÇBERI AI DREJTOR I GJIMNAZIT BAB DUD KARBUNARA, IA LYPI NXENESEVE. I PAPARE DHE I PADEGJUAR HISTORIKISHT SI AKT. EPRA KY DREJTOR DIBE HAJDARAJ ESHTE KATUNAR..PO DONI ME PER FSHATRET LEXONI BALZAKUN
PS-ne do ta votojne gjithe Shqiptaret madje edhe demokratet e zhgenjyer se u lodhen nga mashtrimet dhe genjeshtrat e Lulit me saliun. Eshte fat i madh per Shqiptaret qe kane nje lider te madh si Edi Rama. Urime!
Pse ankohen demokratet e Beratit kur akoma besojne te nje jo- demokrat si Lulzim Basha. Mos harroni se kantidatura e socialisteve sidomos ajo e fshatarit Nazif Nasufi eshte nje turp per qytetarine Beratase qe e ka mbytur fshatri ilir Meta dhe fshataret e PSse.