Te fundit
Astrit Patozi në garë me kushte, PD: Nuk është regjistruar fare për të kandiduar
3 Korrik 2017, 10:46Politika
TEMA
Mbrëmë ishte afati i fundit për t’u regjistruar në garën për kryetar të Partisë Demokratike për zgjedhjet që do të zhvillohen në datë 22 Korrik përmes parimit një anëtar, një votë.
Por pas mbylljes zyrtare të afatit, Report TV thotë se Astrit Patozi nuk është regjistruar në garë.
Pak ditë më parë Patozi deklaroi se do të regjistrohej në garë, por me disa kushte, kryesori ishte dorëheqja e Lulzim Bashës dhe largimi i tij së bashku me stafin nga selia dhe jo ‘ngrirja’ e tij.
Por Basha vijoi që të qëndrojë i ‘ngrirë’ ndërsa përsa u përket kompetencave u shpreh se i delegoi te dy nënkryetarët Edmond Spaho dhe Edi Paloka, si dhe sekretarit të Përgjithshëm Arben Ristani.
Gjithashtu Patozi kërkoi edhe ndryshimin e datës së zgjedhjeve, pasi sipas tij është vendosur në kundërshtim me statutin e partisë Demokratike.
Në këtë pikë edhe Ristani doli në krah të Patozit pak ditë më parë publikisht, pasi deklaroi se statuti u shkel në përcaktimin e datës së zgjedhjeve, por Basha sërish nuk u tërhoq.
Në një prononcim për Report TV, Astrit Patozi deklaroi se është regjistruar në garën për postin e kryetarit të PD, por me kusht që të japë dorëheqjen Lulzim Basha.
“Unë jam regjistruar në garën për kryetarin e PD, por nëse do të jetë e barabartë” u shpreh ai.
Por burime për Shqiptarja.com nga grupi i punës në PD që po merret më përgatitjen e zgjedhjeve, pohojnë se Patozi nuk i ka dorëzuar dokumentet për t’u regjistruar.
Nëse nuk do te kete levizje te tjera, mbetet për t’u parë nëse grupi ‘rebel’ në PD do të mbështesë Selamin kundër Bashës për zgjedhjet e 22 Korrikut, që nga të gjithë kërkohet që të shtyhen, por Basha është i vendosur që gjithçka të përfundojë brenda këtij muaji.
Lini një Përgjigje
Më të lexuarat
24 oret e fundit
Javen e fundit
Blog Tema
