Te fundit
Duka komenton zgjedhjen e Panuccit: Ne e kemi pasur ëndërr ta shohim në televizor dhe jo më “live”...
20 Korrik 2017, 11:21Sport
TEMA
Presidenti i Federatës Shqiptare të Futbollit, Armand Duka ka komentuar zgjedhjen e bërë për të vendosur në stolin e Kombëtares italianin Christian Panucci, si zëvendës të De Biasit.
Në një intervistë në “Wake Up” në Top Channel, ai ka shpjeguar arsyet që çuan në zgjedhjen e një tjetër trajneri italian për Kombëtaren kuqezi.
“80% e mendimit teknik në Federatë, por jo vetëm, ka qenë e mendimit se duhet të kishim një trajner italian, pasi shkolla e tyre ka sjellë trajnerë të suksesshëm. Italianët janë më të disiplinuarit në botë për futbollin dhe disiplina është shumë e rëndësishme në këtë sport. Kjo është një nga gjërat kryesore që të merrnim trajner italian”, tha Duka.
I pyetur se pse pikërisht është zgjedhur Panucci, duke qenë se në rolin e trajnerit ka pak eksperiencë, Duka e ka vlerësuar atë, madje e ka krahasuar edhe me Zidane.
“Ne e kemi pasur ëndërr ta shohim në televizor dhe jo më “live”. Është një nga emrat më të mëdhenj ndër vite të futbollit italian. Duhet ta kemi për nder që e kemi këtu. Ka bërë shumë mirë atje ku ka trajnuar. Nuk besoj që ka më pak se Zidane”, është shprehur Duka.
Më pas, kreu i FSHF shprehet se tashmë është më i shqetësuar, duke qenë se mbetet për t’u parë se si do të ecin gjërat me Panuccin në krye të Kombëtares.
Ai thotë se menjëherë pas zyrtarizimit të Panuccit ka marrë një mesazh urimi edhe nga Gianni De Biasi.
3 komente në “Duka komenton zgjedhjen e Panuccit: Ne e kemi pasur ëndërr ta shohim në televizor dhe jo më “live”…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Duka , eshte tjeter gje te jesh lojtar i madh dhe tjeter gje trajner.
Historia e futbollit njeh raste kur futbolliste te medhenj nuk vlenin asgje si trajnere , apo futbolliste jo shume te njohur qe jane bere trajnere te medhenj , madje edhe trajnere te medhenj qe nuk kane luajtur asnjehere futboll.
Panucci ka qene vertet lojtar i madh , por nuk ka pothuajse asnje eksperience si trajner.
Shqiperia eshte kthyer ne nje strehe sevapi per trajnere te panjohur qe duan ta perdorin si trampoline per veten e tyre.
De Biazi e beri , tani e ka radhen Pannuci. Keta jane trajnere qe presin nga skuadra ti beje te sukseshem dhe jo ata ta bejne skuadren te suksesshme.
De Biazi eshte treguar italian i kulturuar, ai ja ka lene kohes, te tregoj punen e tij.
Eshte shume e sakte qe trajneret italian,jane njohesit me te mire te futbollit,por kjo i rendit ata sipas kategorive.
Besoj se Panuci nuk eshte ne top listen e trajnerve te futbollit italian!
Perzgjedhja eshte bere tipike shqiptare,nderhyrja e Kapelos i “mbush” mendjen Dukes.
Futbollistet, rralle qellon ,te behen trajner te zote.
Te behesh trajner, duhet te kesh veti te lindura te liderit,te cilat i kishte Zidan.Sa per Panucin nuk mund ta them kete.
Ai per n/ndihmes trajner mund te ndihet shume mire prane Kapelos.
e ke pas enderr ti o duke..fol per vete