Kohët e fundit, një mënyrë e re e grabitjes së bankave në Brazil, i ka gjetur të papërgatitur autoritetet.
Në një video të filmuar në Caiaponia, shihet një bandë grabitësish të armatosur rëndë, të cilët hedhin në erë një pjesë të bankës. Pasi marrin paratë, ata thuajse e shkatërrojnë plotësisht skenën e krimit.
Grabitësit janë pjesë e bandës “New Cangaço,” të cilët janë të specializuar në grabitje të dhunshme me shpërthime të bankave dhe bankomateve në qytete të ndryshme të vendit.
Sipas autoriteteve, aksioni ka zgjatur vetëm 30 minuta, ndërsa nuk bëhet me dije shuma e grabitur.