Te fundit
Napoli këmbëngul për Milot Rashica
28 Korrik 2017, 12:09Sport
TEMA
Napoli nuk heq dorë nga Milot Rashica.
Klubi i presidentit Aurelio de Laurentis vazhdon të monitorojë talentin e Përfaqësueses së Kosovës, i nxitur edhe nga agjentët e merkatos së të kaltërve që besojnë se Rashica ka potenciale të mëdha.
Napoli e ka ndjekur 21-vjeçarin edhe gjatë verës së shkuar por nuk arriti ta finalizonte marrëveshjen me Vitessen, në këtë mënyrë, klubi italian është hedhur sërish në sulm për të evituar konkurrencën e klubeve të tjera.
Në fakt, Serie A mund të jetë destinacioni më i mundshëm për talentin e Vitesses pasi në gjurmët e tij janë vënë edhe Milan e Udinese.
Sipas Mediaset, kuqezinjtë kanë shfaqur interes, ndërsa klubi i presidentit Pozo mund të jetë një tjetër destinacion ku Rashica mund të shpërthejë përfundimisht për të hedhur hapin e madh të karrierës.
Gjithsesi, për momentin situata mbetet e pandryshuar pasi Vitesse kërkon të arkëtojë sa më shumë nga sulmuesi i krahut që ka shpërthyer në radhët e ekipit holandez. Kartoni i futbollistit të lindur në Vushtri vlerësohet rreth 8 milionë euro në treg nga Vitesse, aty ku gjatë dy sezoneve të fundit Rashica ka qenë një prej titullarëve të padiskutueshëm, duke luajtur mbi 60 ndeshje në Eredivisien holandeze, duke realizuar edhe 10 gola
Lini një Përgjigje
Më të lexuarat
24 oret e fundit
Javen e fundit
Blog Tema
