Te fundit
Majlinda Bregu humbet njeriun e shtrenjtë të familjes, ja dedikimi prekës që bën për të
2 Gusht 2017, 16:05Politika
TEMA
Majlinda Bregu, ka humbur sot një njeri të rëndësishëm, që ka qenë i pranishëm në të gjitha etapat e rritjes së fëmijëve të saj.
Babai i bashkëshortit të Bregut, Namik Ajazit, është ndarë nga jeta në moshën 97-vjecare.
Ky ishte gjyshi që gjeti kur shkoi në shtëpinë e re dhe që e thirri gjithmonë njësoj.
“Adieu ‘Gjysh’!
Që ditën e parë kur hyra në shtëpi, më quajti ashtu siç do të më quante edhe për 22 vitet në vazhdim: nuse.
Refuzonte të më thërriste në emër, kokëfortë si një shqiptar i vërtetë.☺️
As unë se thirra dot kurrë në emër, e aq më pak si vjehërr.
Për mua Beqir Ajazi ishte gjithmonë gjyshi, siç e thirrën fëmijët e mi.
Sa herë bëja habi se si një njëri që kishte parë vdekjen e të vëllait 19 vjeçar në Kryengritjen e Postribës, pushkatimin e të atit 53 vjeç, në 1945 si një ndër figurat më influente të nacionalizmit në Shqipërinë e Mesme, djegie shtëpie e rrëmbim pronash, shto dhe 15 vitet e burgimit e 15 të tjera të internimit të tij, jetoi 97 vjet, me një mendje e vullnet për të shkruar e përkthyer.
Antikomunist i betuar, që respektonte Republikën, por me nostalgji për Monarkinë.
Iku me merakun e madh për Shqipërinë që s’u dekomunistizua dot asnjëherë dhe ndaj meje me vërejtjen elegante të ish liceistit të Korçës e një frankofoni par excellence, se mua nuk më falej të mos flas frengjisht?
Të paktën nesër desh Zoti, do ta përcjellim si të parin ndër të vetët, që e la këtë botë natyralisht…
Adieu ‘Gjysh'”, shkruan Bregu.
11 komente në “Majlinda Bregu humbet njeriun e shtrenjtë të familjes, ja dedikimi prekës që bën për të”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ngushellime! Beqir Ajazi eshte burri me fisnik dhe njeriu më unik në madhështinë e thjeshtësisë qe kam njohur ne jeten time. Nderime, respekte dhe i pa harruar!
undefined
Fillimish ngushellimet me te sinqerta familje. Z. Ajazi ka vuajtur shume ne sistemin komunist, por fatmiresisht jetoi 97 vite.
bukur
Po ik moj na rrufsh trapin. Adieu gjyshi kjo.
Edhe Beqir edhe francez. Na trazut zorret rrace bastarde
Ç’mund te thuash, se sa TURP, per ca tipa si ky me siper….
Sa i takon rastit ngushellime te sinqerta familjes.
Autorja ka dash te thote:
Se vjerri ka qene monarkist, liceist dhe francofone
Liceist francofone edhe monarkist nuk shkon.
Libertè-Legalitè- fraternitè ishte se cfare mesonin i liceistet e korces. Se cka bere Beqiri atje ai e di.
Se cfare i ka ndodh me komunistet e mire mos me e thone se populli shqiptar ka vujt me teper se Ajazet
Kujtim i paharruar si per gjithe prinderit tane
Tani qe partia me e qelbur komuniste,PD,doli ne pension,do te dekomunistifikohet Shqiperia.Vdis pa merak gjysh!
Kjo eshte mashtruese. As nuk ka dashte me ja pa syte “gjyshit”.
Beqir Ajazi ka qenë një nga antikomunistët më të pa epur. Dashnor i së vërtetës. Burrë paqësor, i ditur dhe krejt e vërtet që ka qenë liceist në Korçë, mbështetste monarkinë si modelin më të mirë që kishte përjetuar në jetën e Tij 100 vjeçare. Unë e kam njohur personalisht edhe pse jam nipi i tij nga mosha. Kishte titullin “Kalorës i Legjionit të Nderit” të Francës dhe ishte frëngjishtfolës shumë i zoti. Me ato që ka shkruar dhe ka treguar sa ishte gjallë, është burri më i rrallë që ka pasur ky vend “Kreshnik dhe Fisnik” cilësi të munguara ndër shqiptarët e sotshëm që rendin vetëm pas paras!
Nderime dhe respekte! Zoti e pastë çuar në Parajsë!
Respekte per kete zoteri te nderuar I qofte i lehte dheu i shqiperise