Te fundit
Përplasje në PDIU, Aqif Rakipi paralajmëron dorëheqjen e Shpëtim Idrizit: Është dembel, nuk i takon njerëzit. Mandatin e humbi për faj të vet
7 Gusht 2017, 16:47Politika
TEMA
Deputeti i PDIU-së, Aqif Rakipi, në intervistën e tij dhënë për “Panorama”, ka kritikuar ashpër kryetarin e kësaj partie, Shpëtim Idrizi.
Ai thotë se Idrizi është dembel, ndaj nuk e fitoi dot mandatin e deputetit në Tiranë.
Rakipi nuk përjashton edhe mundësinë e dorëheqjes nga ana e Idrizit.
“Për mos hyrjen e Shpëtim Idrizit në Parlament, nuk bëj përgjegjës njerëzit se sa vetë kryetarin. Kryetari arsyet e humbjes duhet t’i kërkojë te vetja.
Në fushatë po nuk dole t’i takosh njerëzit kudo që të jenë, po nuk shkove t’i respektosh në komunitetet e tyre, në shtëpi, në biznese, njerëzit nuk të mbështesin, sepse ata nuk të shohin më si kryetar partie, por të vlerësojnë nga marrëdhënia njerëzore direkte që ti krijon.
Nuk ka më bastione, sidomos me partitë e vogla. Pse nuk na ka votuar komuniteti çam në Tiranë?
Ne këtë duhet të analizojmë. Si politikan Shpëtim Idrizin, unë do ta klasifikoja si 10 më të mirët e Parlamentit. Është pak dembel dhe kjo na ka dëmtuar pak. Kështu nuk ecet më tutje. Kryetari duhet të jetë më i drejtpërdrejtë, më i komunikueshëm me njerëzit.
Do të diskutojmë brenda partisë se si do të zgjidhet ky ngërç. Për shkak të rezultatit, edhe kryetari mund të japë dorëheqje”, tha ndër të tjera Rakipi.
1 komente në “Përplasje në PDIU, Aqif Rakipi paralajmëron dorëheqjen e Shpëtim Idrizit: Është dembel, nuk i takon njerëzit. Mandatin e humbi për faj të vet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Filluan pabesite me njeri tjetrin turkocamet…