Përkujtohet në Muzeun Historik Kombëtar, Dita Europiane e Kujtesës për viktimat e Totalitarizmit

Nisur nga mendimi i njerëzve me influencë, me gjasa shekulli i XX kishte mundësinë më të madhe për të qenë krejt human. Por në fakt ndodhi e kundërta. Veç luftërave lokale për ndarje territoresh e vendosje kufijsh, që në vitet e para në këtij shekulli, bota u përfshi nga dy luftëra të mëdha. Dhe si për t’i shkuar të keqes deri në fund, pas vitit 1945 në gjysmën e Europës u instalua një sistem totalitar, i cili do ta çonte numrin e viktimave në një bilanc të ri, të pabesueshëm. Në këtë mënyrë, e keqja më e madhe e shekullit të XX, vetë antihumanizmi u përcoll nëpërmjet regjimeve nazi-fashiste dhe atij komunist.

Në nderim të viktimave të totalitarizmit, më 2 prill 2009 Parlamenti Europian ftoi që 23 gushti të shpallej: Dita europiane e përkujtimit të viktimave nga regjimet totalitare, për të përkujtuar në mënyrë të denjë e të paanshme kujtimin e viktimave të dëbimeve dhe asgjësimeve masive.

Në këtë kuadër, Muzeu Historik Kombëtar në bashkëpunim me Autoritetin për Informimin mbi Dokumentet e ish-Sigurimit të Shtetit zhvilluan një aktivitet përkujtimor dhe një ekspozitë, ku u fol për viktimat e terrorit nazi-fashist dhe atij komunist në Shqipërinë e viteve 1939-1990. Aktivitetin e hapi Drejtori i Muzeut Historik Kombëtar, z Dorian Koçi, i cili e cilësoi totalitarizmin si sëmundjen e shoqërive të shekullit të XX. Përkujtimi i kësaj dite i shërben së sotmes për të ndërtuar raporte sa më të drejta me stë shkuarën.

E pranishme në aktivitet ishte dhe znj.Susanne Schutz, Ambasadore e Republikës së Gjermanisë në Shqipëri, si dhe ambasadori i Polonisë, z.Karol Bachura. Ndërkohë që një kumtesë të rëndësishme mbajti dhe e nderuara, znj.Gentiana Sula, Kryetare e Autoritetit për Informim mbi Dokumentet e ish-Sigurimit të Shtetit.

Ndërsa Dr.Marenglen Kasmi, anëtar i Autoritetit për Informim mbi Dokumentet e ish-Sigurimit të Shtetit mbajti kumtesën: “Dita europiane e kujtesës për viktimat e regjimeve totalitare dhe autoritare”.

Po çfarë përfaqëson 23 gushti?

Ishte ajo ditë e vitit 1939, një marrëveshje midis Gjermanisë Naziste dhe Bashkimit Sovjetik, e cila hapi rrugën drejt tragjedisë së Luftës së Dytë Botërore dhe pasojave të saj: kampet e përqendrimit, kampet me punë të detyruar, holokaustit, vendet e djegies së trupave, si dhe shumë vite të Luftës së Ftohtë dhe regjimeve të mëtejshme kriminale. Prandaj 23 gushti, ditë kur u nënshkrua paktit Ribbentrop-Molotov, u caktua dhe si “Dita Europiane e Kujtimit për Viktimat e Regjimeve Totalitare”.

Më 23 gusht kujtohen të gjithë ata, vdekja e të cilëve ishte pasojë e krimeve të kryera nga nazizmi dhe stalinizmi. 23 gushti sjell kujtimin e miliona personave që u vranë në regjimet totalitare, kryesisht të burgosurve, të kampeve të përqendrimit, kampeve të vdekjes, kampeve me punë të detyruar dhe burgjeve staliniste.

Muzeu Historik Kombëtar çeli edhe një ekspozitë, e cila prezantohet me tre vitrina. Njëra vitrinë paraqet objekte të viktimave të masakrës gjermane të Borovës, me 6 korrik 1943. Forcat ushtarake të Regjimentit të 98 të Divizionit të parë alpin, teksa udhëtonin drejt Greqisë, u sulmuan nga partizanët shqiptarë në afërsi të fshatit Borovë, të Kolonjës. Më 6 korrik 1943, trupat gjermane si kundërpërgjigje të këtij veprimi, kryen masakrën më të madhe në Shqipëri gjatë viteve të Luftës së Dytë Botërore.

Vitrina e dytë paraqet objekte të viktimave nga regjimi komunist në Shqipëri, pjesë e Pavijonit të Terrorit Komunist në Shqipëri. Objektet u përkasin personave, të

cilët janë burgosur, pushkatuar pa gjyq, masakruar dhe të atyre njerëzve që kishin filluar të shprehnin protestën e tyre hapur kundër Diktaturës.

Xhixha kapërcen kufinjtë me skulpturat e famshme prej çeliku

16:19 Kulturë

FOTO/ Ambasada amerikane publikon thesarin që gjendet në botën nënujore të Sarandës

12:12 Kulturë

Ditari i Lasgushit: Në Poradec, jam i shkretë si një eremit, nuk vete në pijetore

10:02 Kulturë

Me syrin e tjetrit, mbi ekspozitën «Ana tjetër e komunizmit shqiptar»

11:36 Kulturë

Kriza e filmit, regjisori Mehmetaj: Të rinjtë duhen stimuluar, prodhimet e tyre kanë mbetur stok

11:20 Kulturë

INTERVISTA/Ditari shkencor “Arbëria” dhe themeluesit e tij

18:13 Kulturë

Zotëria i librave

20:35 Kulturë

Edi Rama: Lamtumirë profesor!

11:36 Kulturë

Ndahet nga jeta akademiku dhe kardiologu i njohur, Ylli Popa

09:21 Kulturë

Turizmi malor në Kurvelesh, në syrin e Fox News

21:16 Kulturë