Ngjarja e rëndë e shënuar në Tiranë ku shtetasi Fadil Kasemi ka qëlluar me armë për vdekje ish-bashkëshorten e tij, gjyqtaren 39-vjeçare Fildes Hafiz, ka tronditur opinionin publik. Arsyet e tronditjes janë të thjeshta dhe të përligjura. Ajo në fund të ditës ishte nënë e dy fëmijëve por dhe një funksionare shteti që punonte në sistemin e drejtësisë. Për fat të keq u vra paradoksalisht nga mosfunksionimi i sistemit ku ajo ishte e punësuar. U vra jo për faj të saj, por të sistemit të ngritur nga politika në këto 25-vite.

Dhimbja është e para për fëmijët dhe familjen, të cilës dua t’i shpreh ngushëllimet më të sinqerta, e këtë nuk e bëj për vota, as për të fshehur ndonjë të pabërë, sepse asnjëra nuk është pjesë e punës simë. E bëj sepse e ndjej dhe sepse ky sistem drejtësie mund të më vrasë edhe mua nesër

Krejt e kundërta ndodhi sot me politikën. Duke filluar me Berishën e Bashën (nga i pari kemi peshqesh këtë sistem drejtësie ku nga vendimi i kolegut në gjyq, mbetet e vrarë një gjyqtare jashtë salle), e duke vazhduar me kryetaren e LSI-së Monika Kryemadhi, ministri i së cilës amnistoi killerin e sotëm bashkë me Presidentin i cili vetëm dekorata nuk iu dha gjyqtarëve sot.

Pra, në kohën kur vrasësi i sotëm duhet të ishte dënuar me 12 vjet heqje lirie (burg), denohej me vetëm 3 vjet. E si për ti vënë kapakun kësaj maskarade të drejtësisë, i dënuari me 3 vjet, do të amnistohej vetëm një vit pas dënimit nga ministri i drejtësisë (Ylli Manjani) dhe Presidenti i Republikës (Bujar Nishani).

Sot, këta që kanë ngritur këtë sistem dhe që s’kanë lënë gjë pa bërë që të mos shembet, e vranë sërish të ndjerën Hafizi, duke i qarë të koka. Pasi e vranë nga sistemi që krijuan, e rivrasin duke e trajtuar si kapital politik për të sulmuar kundërshtarët. Pasi e vranë ditën, po e qajnë natën.

3 komente në “Fildesin e vrau sistemi dhe po e rivrasin krijuesit e tij”

Kunder ketij legenit says:

1 Shtator, 2017 09:21 te 9:21 am

O mashtrues o legen . Amnistine e ben parlamenti jo ministri me presidentin. Dhe ayo denimet nuk jepen si te do bytha jote apo di matematike ti. Ngelet duke.mashtruar njerezit.

Përgjigjjuni
zi says:

1 Shtator, 2017 14:01 te 2:01 pm

Jini te vrare te gjithe.
Do te duhet shume kohe qe ta kuptoni.

Përgjigjjuni
Ligjnjohesi says:

1 Shtator, 2017 19:38 te 7:38 pm

Po listat kush i ben? A je ne terezi? Nik merret parlamenti as me emrat konkret, as me te tjerat.

Përgjigjjuni