Te fundit
Basha i pakënaqur me programin e Ramës, parashikon të ardhmen: Shqiptarët nuk kanë pritshmëri, ja problemi me planin ekonomik
11 Shtator 2017, 12:18Politika
TEMA
Kreu i Partisë Demokratike, Lulzim Basha që në krye të fillimit të qeverisjes Rama ka deklaruar se programi është i dobët.
Kryedemokrati e konsideroi “boshe dhe sipërfaqësore” paraqitjen e programit qeverisës të kryeministrit Rama për 4 vitet e ardhshme.
Në një deklaratë për mediat në përfundim të seancës parlamentare, Basha tha se kryeministri Rama nuk ka një program konkret qeverisës që të përfshijë nevojat dhe interesat e shqiptarëve.
“Çfarë kuptuam nga seanca e sotme, kjo ishte paraqitja më boshe dhe më sipërfaqësore, ku thelbi ishte mënjanuar tërësisht. Për një brez më të vjetër ishte një reminishencë e fjalimeve që mbaheshin në këtë sallë kur vendin e qeveriste byroja politike. Kjo është e pafalshme për çdo kryeministër. Një numër shumë i madh shqiptarësh nuk kanë asnjë pritshmëri te Rama dhe qeveria e tij. Kjo është e kuptueshme. Edhe një kurth. Se ky njeri që foli sot aty ka në dorë çelësat e qeverisjes.
Nuk doli foli për 300 mijë vendet e punës, nuk përmendi ata që çdo ditë lënë vendin për të ikur drejt vendeve të BE-së. Të rinjtë shqiptarë kalojnë drejt Anglisë të paketuar si sardele nëpër bagazhet e makinave. Prej tre javësh prindërit dhe fëmijët shqiptarë janë rraskapitur nëpër radhë për të marrë librat, që janë 35 % më të shtrenjta se 4 viteve më para, për shkak të politikave të gabuara të ndjekura nga Rama 1. Sot Rama 2 mohon të njohë Rama1, edhe pse e drejton i njëjti. Nuk merr përsipër përgjegjësitë e qeverisjes Rama1.
Rama foli për Skënderbeun sikur është kreu i Albanologjisë, dhe jo si kryeministër i shqiptarëve. Rama nuk i ka përgjigjet e pyetjeve që shqetësojnë shqiptarëve. Rama është në krye të një aleance të rrezikshme, të aleancës me krimin. Rama duhet të tregojë se pse e shkatërroi ekonominë”, u shpreh kryedemokrati Basha.
Basha tha se misioni i demokratëve është t’i kthejnë shqiptarëve shpresën.
3 komente në “Basha i pakënaqur me programin e Ramës, parashikon të ardhmen: Shqiptarët nuk kanë pritshmëri, ja problemi me planin ekonomik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Z. LUL URIME PER VENDIN QE JE NE POST ,SHQIPTARET GJITHMONE RROJNE ME SHPRESE ,SHPRESA GJITHMON VDES I FUNDIT PER KEDO QE KA SHPRESE ME JETU
ca besimi do i rikthesh shqiptarve? ate te kthimit te rrumpalles qe ka qene? a e ke iden se sa deme ka bere qeveria jote? po rri o lushi mos na u hiq si shenjtor dhe shpetimtar i shqiperise se i dim bemat e tua dhe nuk kemi per ti harruar kurre. pastaj si flet per besimin e shqiptarve kur nuk rregullon dot rrjedhjet ne partine tende njeher???
para se te flasesh per shqiptaret dhe per te miren e tyre ik kontrollo rrjedhjet qe ke brenda partise tende. kur nuk kontrollon dot 50 veta nuk ke se si te qeverisesh 3 miljon te tjere. pastaj keto 3 miljon nuk harron se cfare ke bere keshtu qe ik fli gjum se kte pune di ta besh me mire