Te fundit
Minoritetet kërkojnë një ministri të tyren, bursa për studentët
4 Tetor 2017, 08:48Politika
TEMA
Komisionet kanë nisur punën këtë javë me shqyrtimin e ligjit për mbrojtjen e pakicave kombëtare.
Ditën e djeshme gjatë mbledhjes së dy komisioneve, atij të Ligjeve si komisioni përgjegjës dhe Komisioni i Jashtëm për dhënie mendime u dëgjuan përfaqësuesit e pakicave Kombëtare, të shoqërisë civile si dhe ekspertë e akademikë.
Të gjithë shprehën vlerësimin e tyre për nismën e këtij ligji, megjithatë kërkuan përmirësimin e disa pikave, si për shembull, lehtësimi i kompetencave të ngarkuara kryeministrit, apo kërkesa për përfaqësim e pakicave në këshillat bashkiak për t’u aktivizuar në hartimin e politikave vendore.
Gjithashtu përfaqësuesit e minoriteteve kërkuan të kenë një ministri të tyre. “Krijimin e një Fondi për Marrëdhëniet Ndërkulturore. Fondi miratohet si zë i veçantë në buxhetin e shtetit për mbulimin e të gjitha shpenzimeve financiare vjetore që burojnë nga zbatimi i këtij ligji.
Shtim të numrit të bursave për studentët nga Ministria e Arsimit, Sportit dhe Rinisë dhe bashkitë. Krijimi i një ministrie për minoritetet me qëllim përmirësimin e politikave sociale”, thanë përfaqësuesit e grupeve të interesit. Ministri për Europën dhe Punët e Jashtme, Ditmir Bushati deklaroi se ligji është angazhim i hershëm i shtetit shqiptar dhe se ky ligj është ndër dokumentët më të plotë që trajton pakicat kombëtare.
“Ligji që po diskutohet sot është një angazhim i hershëm i shtetit shqiptar, një angazhim që buron kryesisht nga përkatësia që ka në instanca ndërkombëtare, nga anëtarësia jonë në Këshillin e Evropës, nga aderimi i Shqipërisë në Konventën Kuadër për minoritetet e Këshillit të Evropës, që ndoshta është edhe dokumenti më i plotë, më gjithëpërfshirës që merret apo trajton të drejtat e pakicave kombëtare”, tha Bushati.
Ndërsa kryetari i Komisionit të Ligjeve, Ulsi Manja njoftoi se të gjitha propozimet e depozituara me shkrim nga përfaqësuesit e grupeve te interesit do të merren në konsideratë.
4 komente në “Minoritetet kërkojnë një ministri të tyren, bursa për studentët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pakicat kombetare ta njohin shtetin e respektojne si gjithe te tjeret. ndryshe po qe per tja hypur njeri tjetrit behemi te gjithe pakica kombtare.
Ne radhe te pare, respekti eshte reciprok more like!
Ne radhe te dyte, te drejtat e minoritetit nuk demtojne te drejtat e shumices apo sic thua ti, ” per tja hypur njeri-tjetrit”!
Ne radhe te trete, te qenit minoritet, nuk do te thote te ket te drejta me pak se shumica, por te barabarta me te! Keshtu qe mos u tremb edhe po qe se edhe ti apo “te gjithe ngeleni pakice kombetare”!
Ne radhe te katert, nje shtet apo pushtet nuk mund te quhet demokratik kur me propagande e metoda nacional-shoviniste e diktatoriale mohon te drejtat e minoriteteve dhe mbi te gjitha perdhunon e vjedh pronat e tyre!
Ne radhe te peste nje pyetje. Perse ju, “patriotet”, trembeni kaq shume qe minoritetet kerkojne te drejtat e tyre kur dhe BE-ja e SHBA-ja ja ka vene si detyre kryesore qeverive shqiptare qe dhe ajo (Shqiperia) ti afrohet sado pak demokracise perendimore?
Kembanat e alarmit po bien per shqiptaret.Te gjitha shtetet fqinje shoviniste po bashkohen kunder Shqiperise.Nga brenda vendit kolona e peste eshte me aktive se kurre duke krijuar pakica te pa qena kombetare te cilat nuk jane gje tjeter vecse sebepi per te filluar edhe njehere coptimin e vendit tone si ne luftrat ballkanike.Jo me kot Greqia, Bullgaria, Rumania dhe Serbia u mblodhen e bene mareveshje per nje bashkepunim per sigurine e Ballkanit.Duhet te jesh idiot e te mos kuptosh se ne nje kohe kur neve na kane vene ti nxjerrim syte njeri tjetrit te tjeret bashkohen e hartojne plane ogurzeza per ne.Kush nga shtetet fqinje u njeh te drejtat pakicave kombetare qe I kane shume me teper se ne ne numer.Asnje.I pranojne vetem si pakica kulturore pasi e dine friken per problemet qe krijohen.E megjithse jane ne BE askush nuk u kerkon llogari.E kunderta ndodh me ne qe pasi I kane blere politikanet e korruptuar e tradhetare na vene perpara faktit te kryer qe nuk qenkerkemi shtet homogjen por amalgame pakicash kombetare.Turp e faqja e zeze per keta tradhetare qe perdhosen gjakun e patrioteve per bashkimin e kombit shqiptar ne nje shtet te vetem ne lufte me shtetet shoviniste qe na grabiten me shume se gjysmen e trojeve tona e qe sot duan ti japin doren e fundit masakres qe filloj ne 1913.Edhe nje here shqiptaret duhet te ngrihen e te mbrojne vendin e tyre nga lakmia e fqinjeve dhe nga politikanet tradhetare.
“Qente le te lehin, shqiptaret te ecin perpara” – thote populli.