Te fundit
Myslim Murrizi: Bashkëpunëtorë të Sigurimit edhe disa deputetë të PD, i sfidoj. Janë 15...!
5 Tetor 2017, 08:51Politika
TEMA
Deputeti i Partisë Demokratike, Myslim Murrizi, sfidoi disa ditë më parë ligjvënësit shqiptarë, teksa publikoi përgjigjen e Autoritetit për Informimin mbi Dokumentet e ish-Sigurimit të Shtetit për raportin e tij me ish-Sigurimin. Deputeti Murrizi, thotë se, vetëm një deputet i është përgjigjur sfidës së tij, duke iu drejtuar komisionit, për të verifikuar nëse ka pasur apo jo lidhje me ish-Sigurimin. Ai është deputeti Romeo Gurakuqi.
138 deputetë të tjerë nuk i janë përgjigjur sfidës. Murrizi gjatë një interviste për Shqiptarja.com thote se, sipas informacioneve të tij, 15 deputetë të Kuvendit të Shqipërisë kanë qenë bashkëpunëtorë të ish-Sigurimit të Shtetit. Sipas tij, deputetët spiunë fshihen në grupet parlamentare të tre partive kryesore në vend, sidomos në Partinë Demokratike dhe Partinë Socialiste. Myslim Murrizi mendon se kjo është arsye se pse deputetët nuk i drejtohen komisionit, për ta zbardhur para shqiptarëve të kaluarën e tyre.
-Z. Murrizi, disa ditë më parë, ju publikuat përgjigjen e Autoritetit për Informimin mbi Dokumentet e ish-Sigurimit të Shtetit për raportin tuaj me ish-Sigurimin e Shtetit, ndërsa ftove kolegët në Parlament të qartësonin të kaluarën e tyre. Sa deputetë i janë përgjigjur sfidës suaj?
Unë mendoj se është detyrim moral i çdo deputeti që 27 vjet pas rënies së komunizmit t’ju tregojmë shqiptarëve të kaluarën tonë. Ai ligj nuk është ligj frenues, por është moral. Të gjitha vendet ish-komuniste, përveç Hungarisë, kanë patur ligj frenues. Hungaria e ka pasur ligj moral, ku KQZ thjeshtë bënte me dije qenien apo jo pjesë e shërbimit sekret të asaj kohe. Nëse do ta votonin qytetarët personin, do të thonë se qytetarët e duan spiun deputetin dhe nuk ke çfarë i bën. Në Shqipëri, në 27 vjet pluralizëm, ne kemi një komision, i cili nuk komandohet nga një parti politike.
Ka qenë komisioni ‘Mezini’. Për këtë komision aludohej se ishte nën urdhrat e Berishës. Kur unë kam qenë deputet, nga viti 1997-2000, ka qenë komisioni i ‘Bezhani’, ku kryetari u emërua nga kryeministri i asaj kohe, Fatos Nano. Ky që kemi tani, është një komision kolegjial, me 5 anëtarë të kaluar nga Kuvendi, ku një është përfaqësues i shoqatave të ish të përndjekurve politikë dhe një është drejtpërdrejt i përndjekur, Daut Gumeni dhe Simon Miraka. Unë mendoj se çdo i zgjedhur, edhe administrata, kryetarët e bashkive dhe qeveria duhet të bëjnë publike zyrtarët e lartë, ato që janë subjekte të këtij ligji, nëse kanë të kaluar me ish-Sigurimin e Shtetit apo jo.
-A i është përgjigjur deri më sot ndonjë deputet sfidës suaj?
Di që përveç meje, ka marrë përgjigje nga autoriteti edhe deputeti Romeo Gurakuqi i Qarkut të Shkodrës. Në mbledhjen e fundit të grupit parlamentar e pyeta nëse kishte dërguar kërkesë, ku më konfirmoi përgjigjen. Pra, di që ka marrë përgjigje edhe Romeo Gurakuqi. Këtë çështje unë e kam ngritur edhe në mbledhjen e parafundit të grupit parlamentar të Partisë Demokratike. Kam pohuar se është detyrim moral, të paktën i deputetëve të Partisë Demokratike, si partia e parë antikomuniste, që të shkojnë të gjithë dhe të marrin tek ky autoritet përgjigjen për të kaluarën e tyre nëse kanë apo nuk kanë lidhje me ish-Sigurimin e Shtetit.
-Si u prit kërkesa juaj nga kolegët?
Pash që disa hezitonin. Ky është problem i tyre. Për mua, ky Kuvend ka sërish bashkëpunëtor të ish-Sigurimit të Shtetit. Unë mendoj se janë pjesë e të gjitha partive.
-Ku e bazoni këtë konstatim apo bindje?
Po cila është arsyeja që i pengon për të ndërmarrë këtë akt moral, në një farë mënyrë për ta larë veten para qytetarëve në raport me ish-Sigurimin e Shtetit?! Pse nuk e bëjnë? Nuk ka asnjë kosto financiare. Është pa humbje kohe. Mund të bëhet me një formular. Çfarë i pengon?! Për mua në këtë parlament janë mbi 15 deputetë bashkëpunëtorë të ish-Sigurimit të Shtetit nga i gjithë spektri politik.
Në hulumtimin tim 27-vjeçar, në reagimin e politikës sa herë hapet çështje dosjeve, në qasjen e tyre etj., për mua nga PD, PS dhe LSI janë mbi 15 deputetë bashkëpunëtorë të ish-Sigurimit të Shtetit. Unë aludoj për të gjithë që kanë qenë mbi 18 vjeç në vitin ’90, por absolutisht e them me bindje se janë mbi 15 deputetë. Nëse mendojnë se e kanë të vështirë këtë plotësimin e formularit, le të bëjmë një vendim të gjithë si Kuvend, t’i japim tagrin autoritetit të dosjeve që të bëjë publike të gjithë emrat tanë kush ka qenë dhe kush nuk ka qenë bashkëpunëtor.
-Në ligj, nga të gjithë kategoritë e funksionarëve, duke përfshirë presidentin, kryeministrin, ministrat, kryetarët e bashkive etj., vetëm deputetët janë përjashtuar nga verifikimi. Ata mund të verifikohen vetëm me vullnetin e tyre…
Kjo është bërë qëllimisht sepse kanë qenë pjesë e ish-Sigurimit të Shtetit. Kjo do të thotë se nuk kanë mundur dot që të asgjësojnë dosjet e tyre. Të jesh i bindur se, nëse do të kishin zhdukur dosjet e vet, do t’i kishin hapur pa problem për të tjerët. Për mua është një ligj i cunguar, është bërë me hile, është bërë me qëllim, që të shpëtojnë veten ata që kanë menduar për të qenë në Kuvend ndoshta edhe këtë mandat apo edhe një mandat tjetër.
-Ç’po ndodh me dy nismat e Partisë Demokratike për dënimin e ekspozimit të simboleve të komunizmit dhe për dënimin e krimeve të komunizmit?
Me këtë çështje po merret një grup pune, i cili kryesohet nga deputeti Enkelejd Alibeaj. Kodi Penal nuk pengon asnjë qytetar të këtij vendi që të shkojnë dhe të bëjë një padi në prokurori për ata që kanë lyer duart me gjak. Simbolikisht, dënimi i komunizmit duhet të fillojë nga shkëputje e Partisë Demokratike nga organet famëkeqe të ish-Sigurimit të Shtetit. Që ne të kemi tagër moral në Kuvend, duhet që të gjithë deputetët e PD, nga kryetari Basha deri tek më i riu, të kenë në dorë përgjigjen zyrtare të komisionit të dosjeve.
Nëse ke qenë shërbëtor i ish-Sigurimit të Shtetit dhe kërkon që të bësh një ligj demagogjik për të dënuar, për shembull, një të sëmur psikik që del në Pezë me fotografinë e Enver Hoxhës në dorë, kjo është farsë. Duhet të shkëputemi nga e kaluara jo me demagogji, por me vepra. Shkëputja me vepra fillon nga ndarja përfundimtare me të kaluarën, me individë që i kanë shërbyer së kaluarës komuniste. Për mua, ky ligj duhet të ishte frenues. Boll më me avazin e 27 viteve të postkomunizimit, ku del operativi dhe thotë: Nëse ke hall, hajde e më tako mua sërish.
-Disa ditë më parë kritikuat ambasadorin amerikan për disa letra falënderuese. Tani ç farë mendoni për deklaratat e fundit të ambasadorit, ku foli për katër klane kriminale dhe 20 familje mafioze që kontrollojnë operacionet kriminale në Shqipëri?
E përgëzoj shumë sikurse u emocionova kur i çoi letër falënderuese Tinës. Vonë, por më mirë vonë se kurrë. Është një deklaratë reale për një realitet të hidhur në Shqipëri. Është ajo çfarë ka thënë opozita të paktën nga viti 2014 dhe këtej. Për mua absolutisht, parlamenti dhe qeveria duhet të tregojnë vullnet politik, që të shkëputet politika nga krimi, sepse mafie pa përkrahje politike nuk ka në asnjë vend të botës. Janë grupe ordinare që po të dojë shteti i shtyp si plesht.
Familjet mafioze që rrezikojnë kombin shqiptar absolutisht që kanë lidhje me politikën dhe herë-herë komandojnë politikën. Është në detyrën e kësaj mazhorance, e cila ka 74 mandate, që të tregojë vullnet politik për t’u shkëputur nga krimi apo jo. Opozita, përveç fjalës, nuk ka në dorë gjë tjetër. Asnjë të keqe nuk ka që shërbimet partnere dhe shërbimet ligjzbatuese vendase ta fillojnë survejimin dhe përgjimin tek 140 deputetët e Kuvendit të Shqipërisë. Le të kërkojnë një deklaratë të firmosur nga ne, që të pranojmë që të jemi nën përgjim, për të parë se kush nga ne ka kontakte me krimin.
Gurakuqi
“Di që përveç meje, ka marrë përgjigje nga autoriteti edhe deputeti Romeo Gurakuqi i Qarkut të Shkodrës. Kam pohuar se është detyrim moral, të paktën i deputetëve të Partisë Demokratike, si partia e parë anti-komuniste, që të shkojnë të gjithë dhe të marrin tek ky autoritet përgjigjen”.
Sigurimsat
“Pse nuk e bëjnë verifikimin? Nuk ka asnjë kosto financiare. Është pa humbje kohe. Mund të bëhet me një formular. Çfarë i pengon?! Për mua në këtë parlament janë mbi 15 deputetë bashkëpunëtorë të ish-Sigurimit të Shtetit nga i gjithë spektri politik”.
6 komente në “Myslim Murrizi: Bashkëpunëtorë të Sigurimit edhe disa deputetë të PD, i sfidoj. Janë 15…!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e kuptoj, sigurimi i shtetit a nuk ishte nje hallke sistemit shteteror ne Shqiperine moniste? Ne se po, atehere nje punonjes i sigurimit te shtetit ka qene nje nepunes, ai nuk ka diktuar politiken e shtetit, ai ka zbatuar ligjet e shtetit. Prandaj te fajesosh punonjesit e sigurimit te shtetit, duhet te fajesosh edhe mesuesin qe cdo mengjez u thoshte femijeve se sa te lumtur ishim qe kishim ne krye partine dhe Xhaxhi Enverin, duhet te fajesojme gazetarin qe tregonte se sa superiore ishte shqiperia qe nuk kishte asnje te papune, duhet te fajesojme kameramanin qe filmonte femijet e lumtur shqiptare, duhet te fajesojme Kadarete e Agollet qe shplanin trute tane me “shqiponjat qe fluturojne lart” dhe lavdine e “baballareve tane” qe ecnin arave me miser me nje traste balte nga fshati, duhet te fajesojme Ollgen, zonjen nga qyteti per modelin hipotetik te familjes qe e gjente lumturine ne cdo skaj te vendit, duhet te fajesojme cdo njeri qe mbillte faren e “opiumit” te udheheqesit te lavdishme (a mund te shprehej ndryshe mesuesi, gazetari, shkrimtari, artisti, agronomi etj?).
Eshte njesoj si te duam te fajesojme cdo familje gjermane qe dergoi ushtare per te vrare 22 milione njerez ne Rusi dhe miliona te tjere ne gjithe Europen.
A kishte liri veprimi nje person ne nje sistem politik si nazizmi apo socializmi i aplikur? Sigurisht qe jo. Sistemi politik u projektua dhe u zbatua nga nje grusht njerezish, kurse njerezit e tjere ishin pjese kembimi ne duart e “mekanikeve” te sistemit. Pandaj te merresh tani pas 27 vjetesh me kush ka qene i inkuadruar ne sigurim e kush jo eshte e kote. Eshte vetem nje mekanizem per te eleminuar konkurencen, nje lloj sistemi i ri biografik. Ceshtja eshte e thjeshte, lereni popullin te votoje per personin dhe jo per partite dhe askush nuk do kete nevoje te kerkoje dekriminalizim apo dekomunistizim. Populli di te dalloje kashten nga koqet.
Gomar i madh mbete o Lym. Ashtu sic ke qene ne shkolle. Eh ku eshte katandisur PD dhe politika shqiptare.
@ llaman
Ne gjermani Kane hequr mesuesit.
Po’ ketu ke ne ske ke te heqesh è ke te lesh Jane te gjithe njesoj.
Pd po’ te donte e kish bere qe ne ’92.Kjo gje ska me vlere.
Do heqesh baballaret sigurimsa Jane gati
Bijte e tyre pas deres per tu futur .
Nuk e dime sa do zgjase kjo gje por nje gje eshte e Sigurte shekullin do ta kapi.
Skllevrit te presin edhe 25 vjet se su be qameti.
Ooooo KOQE, deputet murrizi, a te pelqen komenti i komentuesit llaman? eshte me se i sakte e sidomos per ju injorantet. I nderuar llaman, ja ke thene pak e sakte, pershendetje.
Me leje zoti Murrizi! A mund te mi pergjigjesh pyetjes time? A ka qene Sali Berisha spiun i sigurimit te shtetit?! Nuk flase per sigurimsa se ata kane bere detyren sipas ligjit dhe kane marre rrogen per te jetuar privatisht apo familjarisht, por dhe nje here per ate qe ka qene spiun me ose pa pagese 1200-she fshehur, ose ka perfituar ane te tjera. Meqense kam perballe televizionin duke shikuar parlamentin po te theme: kujt i sherbeni me nderprjen e puneve te parlamentit popullit apo mafjes se ngritur qysh ne 1992 e kur te mbaroje? Degjoj shpesh se thone: nuk ja mbyll dot gojen opozites me kartona! Me duket çudi ky mendim injorantesh; kujtdo ne parlament dhe para çdo institucioni korrekt, goja te mbyllet me vote, se kjo eshte demokracia, ndersa ne diktature, e di vete se çfare te gjene. E keni koken mbi supe apo ne ndonje vend tjeter? Do futi ne rrejdhen demokratike apo apo do te ngeli ata qe keni qene?
Me leje zoti Murrizi! A mund te mi pergjigjesh pyetjes time? A ka qene Sali Berisha spiun i sigurimit te shtetit?! Nuk flase per sigurimsa se ata kane bere detyren sipas ligjit dhe kane marre rrogen per te jetuar privatisht apo familjarisht, por dhe nje here per ate qe ka qene spiun me ose pa pagese 1200-she fshehur, ose ka perfituar ane te tjera. Meqense kam perballe televizionin duke shikuar parlamentin po te theme: kujt i sherbeni me nderprjen e puneve te parlamentit popullit apo mafjes se ngritur qysh ne 1992 e kur te mbaroje? Degjoj shpesh se thone: nuk ja mbyll dot gojen opozites me kartona! Me duket çudi ky mendim injorantesh; kujtdo ne parlament dhe para çdo institucioni korrekt, goja te mbyllet me vote, se kjo eshte demokracia, ndersa ne diktature, e di vete se çfare te gjene. E keni koken mbi supe apo ne ndonje vend tjeter? Do futi ne rrejdhen demokratike apo apo do te ngeli ata qe keni qene? Nuk besoj se do ta mbani me peng Shqiperine. Ka ardhe fundi si derri plagosur qe kerkon te shqyej.