Te fundit
Pasaporta shqiptare për Kosovën? Flet analisti për Ballkanin: Zvogëlon sovranitetin
17 Tetor 2017, 10:09Politika
TEMA
Pajisja e qytetarëve të Kosovës me pasaporta të Shqipërisë, ashtu siç i kërkoi ditë më parë presidenti Hashim Thaçi homologut të tij Ilir Meta, do ta zvogëlonte sovranitetin e Kosovës.
Kështu ka deklaruar gjatë një interviste për gazetën “Zëri” analisti i njohur amerikan për Ballkanin, Daniel Serwer, duke shtuar se pavarësisht një kërkese të tillë Shqipëria nuk do t’u japë pasaporta kosovarëve, siç thotë ai, nga frika e kthimit mbrapa të perspektivës së vet për në Bashkimin Evropian.
Serwer gjatë kësaj interviste po ashtu ka folur edhe për kritikat e Thaçit ndaj ndërkombëtarëve për Gjykatën Speciale.
Sipas tij, nëse UÇK-ja dëshiron të mbahet mend për të mirë mbështetësit e saj nuk duhet t’i mbrojnë abuzimet e të drejtave të njeriut të kryera nga anëtarët e saj.
I pyetur se a do të detyrohet ta njohë Serbia pavarësinë e Kosovës në këmbim të anëtarësimit për në BE, Serwer ka thënë se njohja duhet të ndodhë edhe më shpejt.
“Ajo nuk duhet të jetë njohje dypalëshe, por në vend të kësaj mund të vijë në formën e anëtarësimit në OKB dhe shkëmbimin e përfaqësuesve diplomatikë të nivelit të ambasadorëve”, ka thënë mes tjerash Serwer gjatë intervistës për “Zërin”.
1 komente në “Pasaporta shqiptare për Kosovën? Flet analisti për Ballkanin: Zvogëlon sovranitetin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
mbase po ta shohesh ne tjeter kendveshtrim, pasaportat shqiptare do te shumfishonin sovranitetin e qytetareve te kosoves, jepnin me shume liri levizjeje dhe aktiviteti shqiptareve te kosoves dhe benin de fakto nje te drejte te mohuar te shqiptareve te ishin te perfaqsuar simbas kombesise. Kosova Nuk eshte komb, por shtet. pashaportat mund ta reflektojne qarte kte pike por dhe mbajtja e dyshtetesise Nuk cenon te drejta. perkundrazi.